[Aggregator] Downloaded image for imported item #46556

Барнахус моделот како системско решение: експертска тркалезна маса на МЗМП отвори дијалог за негова имплементација

ОдМакедонско здружение на млади правници - МЗМП Скопје

IMG 2754 1

На 31 март 2026 година, Македонското здружение на млади правници (МЗМП) организираше експертска тркалезна маса на тема „Можности и предизвици за имплементација на Барнахус моделот во Република Северна Македонија“, во рамки на проектот „Младите правници за поприлагоден систем за правда за деца“, финансиран од Европската Унија, со цел отворање на суштински дијалог за воспоставување на систем кој навистина ги става децата во центарот на правдата.

Во рамки на настанот беше презентиран драфт-документот за јавни политики „Барнахус модел во РСМ: Можности и предизвици за негова имплементација“, изработен во рамки на проектот „Младите правници за поприлагоден систем за правда за деца“, финансиран од Европската Унија.

Преку отворена и стручна дискусија, учесниците ги разгледаа постојните институционални практики, празнините во системот и потребните чекори за воспоставување на функционален, координиран и детски прилагоден пристап во случаи на насилство врз деца.

На настанот присуствуваа претставници од клучни институции и организации кои имаат директна улога во системот за заштита и правда за деца, вклучително и Заводот за социјални дејности, Центарот за социјални работи – Скопје, Министерството за внатрешни работи, Министерството за локална самоуправа, Јавната установа за згрижување деца со воспитно-социјални проблеми, Народниот правобранител, Воспитно-поправниот дом Тетово, Министерството за образование, Советот на Европа, Хелсиншкиот комитет за човекови права, СОС Детско Село, Националната мрежа „Глас против насилство“, како и од Основното јавно обвинителство за гонење на организиран криминал и корупција.

На тркалезната маса беа поканети и други релевантни чинители: Адвокатската комора, Министерството за социјална политика, демографија и млади, Врховниот суд, Министерството за здравство, Министерството за правда, Комисијата за паричен надоместок на жртви од кривични дела со насилство, како и Државниот совет за превенција на детско престапништво и правда за деца, кои поради други обврски не беа во можност да присуствуваат. Сепак, драфт-документот за јавни политики беше споделен со сите, обезбедувајќи основа за понатамошен институционален дијалог.

IMG 2760
IMG 2793

Барнахус- кога системот доаѓа кај детето

Барнахус (Barnahus), што се толкува како „Детска куќа“, претставува мултидисциплинарен модел кој ги обединува сите релевантни институции: полиција, обвинителство, социјални служби, здравствени и психолошки експерти во една, за детето прилагодена средина. Неговата цел е поставена по едноставен, но суштински принцип: наместо детето да се движи низ институциите, институциите доаѓаат кај детето.

Овој пристап директно одговара на една од најсериозните слабости на постојниот систем – повторната виктимизација. Во пракса, децата честопати се изложени на повеќекратни испрашувања од различни институции, што дополнително ја продлабочува траумата. Барнахус моделот го минимизира овој ризик преку еднократно, стручно спроведено интервју, кое може да се користи и како доказ во постапката, истовремено обезбедувајќи психолошка и социјална поддршка.

Истовремено, моделот овозможува:

  • побрза и поефикасна институционална реакција,
  • подобра координација помеѓу службите,
  • поквалитетни и пократки судски постапки,
  • и зголемена доверба на децата и семејствата во системот.

Во европски контекст, Барнахус веќе се смета за стандард за правда прилагодена на децата и е активно поддржан од Советот на Европа и Европската Унија како ефективен одговор на деца жртви.

IMG 2800
IMG 2845

Од препознавање до имплементација: потребна е јасна институционална заложба

Иако Барнахус моделот веќе е препознаен во националните стратегии и политики, неговата практична имплементација во Северна Македонија сè уште останува ограничена. Дискусијата на тркалезната маса јасно укажа дека воспоставувањето на овој модел не е само техничко прашање, туку бара системска трансформација, која подразбира:

  • јасна и усогласена законска рамка,
  • стабилно и долгорочно буџетско финансирање,
  • континуирана обука на професионалците,
  • и суштинска, а не формална меѓуинституционална соработка.

Без овие предуслови, постои ризик Барнахус да остане изолирана иницијатива, наместо интегриран дел од системот. Заклучокот од настанот е јасен, заштитата на децата не може да се гради преку фрагментирани решенија. Потребен е систем кој е координиран, предвидлив и прилагоден на потребите на детето. Со оваа експертска тркалезна маса, МЗМП ја отвора оваа тема како приоритетна и повикува на заедничка институционална одговорност за воспоставување на модел кој ќе обезбеди вистинска заштита, пристап до правда и достоинство за секое дете.

The post Барнахус моделот како системско решение: експертска тркалезна маса на МЗМП отвори дијалог за негова имплементација appeared first on Myla.

Оваа вест изворно е објавена на веб-страната на Македонско здружение на млади правници

Продолжи со читање

  • Нова публикација: „Граѓанскиот сектор во бројки 2025“

    МЦМС ја објави публикацијата „Граѓанскиот сектор во бројки 2025“, финансиска, економска и општествена анализа на топ 100 граѓански организации според приходи во 2025 година. Анализата ги вкрстува завршните сметки за 2023, 2024 и 2025 година со податоците од регистарот на активни граѓански организации, и на едно место дава слика за големината, географијата, растот и ранливостите на организираното граѓанско општество во земјата.

  • Реализирани 40 (XL) Средби на извидници – Велес 2026

    По повод 8ми Септември Денот на државноста на Република Македонија, а остварувајќи ја својата програма за работа извидничкиот одред “Димитар Влахов“ – Велес, ги организираше 40 (XL) Средби на извидници – Велес 2026  кој се одржаа во периодот од 4 до 6.9.2026 год. во извидничкиот центар Голозинци во истоименото село….

  • 74 години – Извиднички одред “Димитар Влахов“

    Во далечната 1948 година со Законот за предвојничка обука во рамките на Гимназијата “Кочо Рацин” во Велес започнуваат да се формираат првите одделенија кои што работат активности слични на нашите, извидничките. Тие одделенија се до 1952 година работат како неформални групи за да на денешен ден 8 септември во учебната…

  • Покана – Јавна расправа за Законот за донации и спонзорства во јавните дејности, хотел Холидеј Ин, Скопје 21.09.2026 г.

    Почитувани, Секоја година, речиси половина од граѓаните и компаниите придонесуваат преку донации, а за голем дел од бизнис секторот даночните поттикнувања претставуваат важен мотив за вложување во заедницата.  За овој голем потенцијал целосно да се

  • Дигиталното насилство не чека, а сега имате алатка да реагирате

    Зад секој екран, во секоја приватна порака или групен чет, може да се крие тишина исполнета со страв, срам и болка. Дигиталното родово базирано насилство не е само „онлајн проблем“ – тоа е реалност што ја погодува секоја четврта млада жена во Македонија, а само 5% од нив имаат храброст да пријават. Останатите молчат, најчесто […]

  • ИМКА Македонија ја најавува програмата Leaders-in-Training – LiT 2026–2027

    Вклучи се ИМКА Македонија ја најавува програмата Leaders-in-Training – LiT 2026–2027 ИМКА Македонија ја најавува новата програма Leaders-in-Training – LiT, која им овозможува на младите на возраст од 15 до 18 години да се развиваат како самоуверени, одговорни и активни лидери. Програмата се реализира во текот на учебната година и комбинира месечни работилници за лидерство со тимска работа, активности во заедницата, авантури на отворено, менторство и рефлексија. Leaders-in-Training – LiT е наменета за поранешни учесници на летните кампови на ИМКА, нивни пријатели, како и за сите други млади кои се заинтересирани да го развиваат својот лидерски потенцијал. Оваа година едната група ќе се реализира во Битола, а другата на релација Куманово–Штип. Учиме преку искуство Од септември до мај, учесниците ќе се среќаваат една сабота во месецот. Секоја средба комбинира практична лекција за лидерство, активности за градење тим и забавен предизвик, при што ќе се обработуваат теми како развој на позитивен начин на размислување, комуникација, емоционална интелигенција, поставување цели и развивање лидерски вештини за работа во камп. Средбите ќе се одржуваат на македонски и англиски јазик. Освен што ќе учат за лидерството, учесниците ќе имаат можност да ги применат стекнатите знаења и вештини преку практични активности во текот на есента и пролетта. Волонтерски активности: Учесниците ќе работат заедно за да придонесат позитивно во својата локална заедница, истовремено откривајќи како лидерството и волонтерството одат рака под рака. Авантуристички активности: Учесниците ќе се вклучат во активности на отворено кои ќе ги поттикнат да соработуваат, да решаваат проблеми, да развиваат истрајност и да размислуваат за својот лидерски развој. Програмски активности Септември 2026 — Позитивен начин на размислување и моќта на „Сè уште“ Октомври 2026 — Волонтерски активности Ноември 2026 — Авантуристички викенд Декември 2026 — Комуникација и средбана алумни и учесници на LiT во Скопје Јануари 2027 — Емоционална интелигенција Февруари 2027 — Како да станете камперски лидер Март 2027 — Лидерство и поставување цели Април 2027 — Авантуристички викенд и волонтерски активности Мај 2027 — Јавно говорење и завршна прослава на програмата Пат кон идно лидерство Leaders-in-Training – LiT им нуди на младите можност да го направат првиот чекор кон волонтирање во ИМКА, ангажирање како камперски советници и членување во тимовите на летните кампови. По стекнувањето искуство преку LiT, учесниците продолжуваат да ги развиваат своите вештини и постепено преземаат лидерски улоги во летните кампови на ИМКА: SPARK дневен камп (Strong Prepared Aspiring Responsible Kids) — ученици од 6. до 8. одделение GLOW национален камп (Girls Leading Our World) — девојки од средно училиште YMLP национален камп (Young Men’s Leadership Project) — момчиња од средно училиште Низ овој процес, младите создаваат пријателства со врсници од различни заедници, ја зголемуваат својата самодоверба преку учење и искуство и градат трајна поврзаност со волонтерството. Leaders-in-Training – LiT е наменета за млади кои сакаат да учат, да придонесуваат и да се развиваат. ИМКА Македонија верува дека младите не треба да чекаат за да станат лидери. Тие можат да започнат да водат уште сега. Контакт Заинтересираните млади, родители и наставници можат да ја контактираат и следат ИМКА Македонија за повеќе информации за програмата Leaders-in-Training – LiT: Тел.: +389-70-594 341 Е-пошта: leaders@ymca.mk Instagram: @ymca.mk Facebook: @ymca.mkd

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор