Завршија првите посети за набљудување на актуелните грантисти
На почетокот на јуни, тимот на Цивика мобилитас ги посети активните грантисти. Целта на посетите беше да се чујат искуствата од спроведувањето на проектите, да се дознаат предизвиците со кои се соочуваат организациите и евентуално да се дадат препораки онаму каде што е потребно.
Цивика мобилитас става силен акцент на поттикнување на соработката меѓу граѓанските организации и консолидирање на достигнувањата во различни тематски области со цел да се максимизира колективното влијание.
Соработниците на Цивика мобилитас имаа можност да слушнат за искуствата од дигиталната трансформација на локално ниво. Воведувањето на интерактивни дигитални платформи им овозможува на граѓаните и локалната власт да комуницираат директно и заеднички да придонесат за подобрување на состојбата во општините каде што живеат. Бесплатните мобилни и веб апликации им овозможуваат на граѓаните, лесно, преку нивните мобилни телефони или компјутери да комуницираат директно со вработените во општините. Ова резултира со поголемо влијание врз активностите на општината и побрза реакција при решавање на проблемите.
Дел од колегите грантисти, споделија искуства за активности поврзани со зелената агенда, со инклузивниот развој, со здравствените права на ранливите категории граѓани и особено со жените и девојките, со борба против корупцијата итн.
Дел од соработниците кои го правеа набљудувањето беше и Петруш Тоинес, сениор експерт на Цивика мобилитас. Тој ја потенцираше синергијата помеѓу субјектите на граѓанското општество и ја нагласи важноста на овие посети каде преку дискусиите „лице в лице“ се доаѓа до сознанија кои ги надминуваат оние од формалните извештаи. Тие ги доловуваат човечките приказни, мотивацијата како и издржливоста при надминување на пречките во текот на спроведување на проектот.
![[Aggregator] Downloaded image for imported item #47405](https://civicamobilitas.mk/wp-content/uploads/2026/04/Kumanovo-23.04_1-768x576.jpg)
