Јавен повик за аплицирање за мали грантови за продукција на медиумска содржина

Проектот SMS Facility – Поддршка за малите медиуми од Западен Балкан објавува Јавен повик за аплицирање за Мали грантови за продукција на медиумска содржина за апликанти од Северна Македонија.

Овој проект се имплементира од конзорциум составен од шест граѓански организации за поддршка на медиуми – Centar za promociju civilnog društva CPCD (Босна и Херцеговина) како водечки апликант (ВА), Thomson Media gGmbH (Германија), Science & Innovation for Development SCIDEV (Албанија), Kosovo Glocal (Косово), Centar za demokratsku tranziciju CDT (Црна Гора) и Фондација Метаморфозис (Северна Македонија) кои го имплементираат проектот во шест земји од Западен Балкан и е ко-финансиран од Европската Унија. Проектот SMS Facility – Поддршка за малите медиуми од Западен Балкан е насочен кон унапредување на медиумската слобода, организацискиот капацитет и институционалната отпорност на малите медиуми низ регионот. 

За повикот

Целта на овој повик е да обезбеди насочена финансиска поддршка за мали и локални медиумски организации низ Западен Балкан (Албанија, Босна и Херцеговина, Косово, Црна Гора, Северна Македонија, Србија), со цел подобрување на квалитетот, професионализмот и влијанието на нивната медиумска содржина.

Преку оваа шема, SMS Facility ќе ги поддржи малите и локалните медиуми во подобрувањето на квалитетот и професионализмот на нивната содржина, со фокус на релевантноста за локалните заедници и на новинарскиот интегритет.

Временска рамка за предлог-проекти

Сите финансирани проекти мора да бидат завршени во рок од 12 месеци од потпишувањето на договорот. Последен рок за аплицирање е 25 јуни 2026 23:59.

Начин на аплицирање

Во следните документи можете да ги најдете деталните упатства и потребните формулари за аплицирање:

• Анекс 1 – Упатство за SMS MKD MCP 01/2026
• Анекс 2 – Формулар за проектен предлог SMS MKD МCP 01/2026
• Анекс 3 – Буџет SMS MKD MCP 01/2026

Целокупната документација, вклучувајќи детални упатства за апликантите и формулари за апликација, е достапна на следниот линк.

Оваа вест изворно е објавена на веб-страната на Метаморфозис