Хелсиншкиот комитет за човекови права распишува повик за пријавување на студенти/ки за ФОРУМ ЗА МЕДИУМСКА ПИСМЕНОСТ

Во свет преплавен со информации, способноста за препознавање на кредибилни извори и разбирањето на начинот на кој функционираат медиумите е поважна од кога било. Форумот за медиумска писменост ќе ви обезбеди практични знаења и вештини кои често недостигаат во формалното образование и ќе ви помогне да се снајдете во сложеното современо медиумско опкружување.

Преку интерактивни сесии и дискусии со искусни предавачи, ќе имате можност да:

• стекнете подлабоко разбирање за улогата на медиумите во општеството,

• го истражите значењето на медиумската писменост во секојдневниот живот,

• научите за техниките на интервјуирање и новинарската етика,

• разберете како функционираат регулацијата и саморегулацијата на медиумите, • разговарате за слободата на изразување и нејзините ограничувања,

• развиете вештини за препознавање на лажни вести, дезинформации и манипулации,

• научите како да ги проверувате податоците и изворите во дигиталното опкружување.

Кој може да се пријави? Конкурсот е отворен за студенти и студентки од сите студиски програми, како и за млади заинтересирани за медиуми, комуникација, критичко размислување и општествен активизам. Претходно искуство не е потребно, доволни се само љубопитноста и желбата за учење!

Како да се пријавите? За пријавување е потребно да испратите CV и кратко мотивационо писмо (до 200 зборови), во кое го објаснувате вашиот интерес за програмата, најдоцна до 24 април 2026 година, до 14:00 часот, на е-пошта: jana.sotirovska@mhc.org.mk, helkom@mhc.org.mk со назнака: Апликација – Форум за медиумска писменост – ИМЕ И ПРЕЗИМЕ.

Форумот за медиумска писменост ќе се одржи на 06, 07 и 08 мај 2026 година, во Охрид, а сите трошоци за 20-те избрани учесници и учеснички се на товар на организаторот. Сите пријавени ќе бидат известени за исходот од селекцијата, без оглед на тоа дали се примени или не.

Форумот за медиумска писменост се организира во рамките на проектот MEdIA – Lit (Унапредување на медиумската и информациската писменост за демократско учество), кој го спроведува ЦГО во партнерство со Хелсиншкиот комитет за човекови права во Србија (HCHRS), Хелсиншкиот комитет за човекови права – Скопје (MHC), Тирана центарот за новинарска извонредност во Албанија (TCJE) и Атлантската иницијатива во Босна и Херцеговина (AI). Проектот е финансиран од Европската Унија, со кофинансирање од Министерството за регионален и инвестициски развој и соработка со невладини организации на Владата на Црна Гора.

The post Хелсиншкиот комитет за човекови права распишува повик за пријавување на студенти/ки за ФОРУМ ЗА МЕДИУМСКА ПИСМЕНОСТ appeared first on Хелсиншки комитет за човекови права.

Оваа вест изворно е објавена на веб-страната на Хелсиншки комитет за човекови права