Вести од граѓанските организации

Пробациската служба е посебна организациска единица формирана во рамките на Управата за извршување на санкции при Министерството за правда. Службата спроведува надзор над извршувањето на казните без лишување од слобода, поточно над алтернативните мерки: условна осуда со заштитен надзор, општокорисна работа и куќен затвор, како и над извршувањето на условниот отпуст, изречени со одлука на судовите. Пробациската служба врши надзор на осудените лица и им нуди поддршка, а целта е да се одржи безбедноста во заедницата со подобрување на ресоцијализацијата и реинтеграцијата на лицата над кои се извршуваат пробациски работи, како и да се намали затворската популација.
Исто така, пробациската служба е надлежна за изработка на извештаи за извршена проценка на ризик на обвинети лица во тек на судска постапка, со предлог за видот на кривичната санкција заобвинетиот. Пробациската служба претставува суштински дел од системот на современата кривична правда и има за цел да придонесе за намалување на пренатрупноста во затворскиот систем, истовремено давајќи соодветни казни за прекршителите, предизвикувајќи ги да го променат нивниот начин на живот.
Во 2021 година беше изработена Стратегијата за развој на пробациска служба во РСМ 2021 – 2025 (во натамошниот текст: Стратегијата), која предвидува широк спектар на резултати што треба да се постигнат од страна на повеќе надлежни институции.
Стратегијата претставува еден сеопфатен стратешки документ кој дава патоказ за реформите што треба да се направат во наредниот период.
Целта на оваа анализа е да се испита подетално спроведувањето на Стратегијата и да се воспостави и спроведе независен систем на мониторинг. Самата пробација, всушност, значи воспоставување ефикасен систем на санкции и заштитни механизми што придонесуваат за намалување на криминалитетот, зголемување на заштитата на општеството и на јавната безбедност, како и за ресоцијализација и реинтеграција на осудените лица.
Во 2024 година спроведувањето на Стратегијата предвидува изготвување и донесување прописи (закони, законски измени и други акти), спроведување на конкретни активности (на пример, зголемување на човечките и техничките капацитети на пробациската служба и сл.), како и меѓуинституционална соработка во полето на пробација (одржување на тркалезни маси со релевантни институции, квартални средби итн.).
Со Акцискиот план на Стратегијата за развој на пробациската служба во Република Северна Македонија се утврдени активностите во рамките на секоја цел и секој резултат утврдени со Стратегијата, а дополнително се утврдени и временска рамка и индикатори за нивно исполнување.
Во таа насока, целта на оваа анализа е да процени дали, во колкава мера и на кој начин се одвива примената на Стратегијата за периодот за кој е предвидена. Дополнително, анализата ќе оцени дали резултатите и активностите се спроведуваат навремено, во согласност со временската рамка, каков е нивниот квалитет и динамиката, како и меѓуинституционалната соработка во полетона пробацијата. Од друга страна, ќе се анализира и влијанието на реформите врз почитување на човековите права, па во согласност со добиените резултати од мониторингот на Стратегијата, Анализата ќе понуди и заклучоци и препораки за натамошен развој на пробациската служба.
Набљудувањето, како независен систем за мониторинг, ќе придонесе за поголема отчетност на надлежните институции кои се одговорни за спроведување на конкретните активности утврдени во Стратегијата.

Од млади кои преземаат иницијатива за заштита на животна средина, до жени кои се борат за еднакви можности во руралните средини, јуни го одбележаа граѓани што не чекаат, туку дејствуваат. Преку обуки, акции и јавни дијалози, организациите на терен испратија јасна порака дека промените не се случуваат сами од себе, туку тие се резултат на здружена, информирана и истрајна граѓанска акција.

Младинскиот ангажман за климатските промени доби нов енергичен  и креативен импулс фокусиран на промени. За време на „Неделата на Цивика мобилитас – Климатски промени и младински активизам“, 30 млади од Струга, Дебар и Охрид не само што се обучуваа за развој на проекти, туку и дизајнираа сопствени еко-иницијативи, подготвени за реализација во нивните заедници. Петдневниот камп и регионалниот настан на бродот „Галеб“ отворија клучни прашања за заштита на водните ресурси, а младите станаа носители на идеи што се влеваат во поширокото движење за климатска одговорност. Проектот „Да учиме за климатските промени“, спроведуван од Извидничко поречанскиот одред „Крсте Јон“ – Струга, здружението Центар за одржлив развој на заедницата – Дебар и Регионалниот зелен центар – Охрид, ја даде токму таа можност за генерациите кои учат, соработуваат, замислуваат решенија и храбро чекорат кон одржлива иднина.

И учениците од Неготино имаа свој еколошки придонес. Тие со средства собрани преку акција за собирање текстилен отпад, засадија нови садници на повеќе локации. Акцијата, предводена од Центарот за климатски промени, „Креатив“ од Неготино и останатите партнерски организации, јасно покажа дека отпадот не мора да биде проблем, туку можност. Со секој собран килограм текстил и новозасадените садници, граѓаните докажаа дека малите чекори можат да водат кон значајни и одржливи промени. Преку истиот проект, во Гевгелија се одржа регионален форум за одржливо земјоделство, каде што млади, институции и земјоделци дискутираа за фер управување со земјиштето, агроеколошки практики и за потребата од поддршка за зелени стартапи. Истовремено, во Битола и Могила се спроведе скрининг на општинските капацитети, каде што беа идентификувани клучните проблеми во системите за управување со отпад и истакната потребата од енергетска ефикасност, едукација и подигање на јавната свест.
Во Скопје, на тематскиот форум „Од различност до праведност“, организиран од ЦМА „Крик“, ЦСИ „Надеж“ и Здружението на социјални работници на Македонија – ЗСРМ, граѓански организации и институции застанаа рамо до рамо со младите, нагласувајќи ја потребата од инклузивни еколошки политики. Презентираната анализа откри дека 90% од младите не знаат каде да пријават загадување, но речиси 80% би се вклучиле волонтерски, доколку имаат таква можност.

Можностите за младите беа во фокус и во Радовиш, каде што се одржа регионална конференција за финансиска писменост, организирана од здруженијата „КРУНА Плус“ од Радовиш, „Промо Идеа“ и „Новус“ од Струмица. Интерактивните сесии им помогнаа на младите да разберат како да управуваат со пари, да поставуваат лични буџети и да користат дигитални алатки, а директната комуникација со експерти ги мотивираше да ја преземат контролата врз својата финансиска иднина.
Жените, особено оние од руралните средини, почнаа да зборуваат отворено и гласно. Во Крива Паланка, на регионалната средба на рурални жени од североистокот, беа споделени предизвиците од иницијативите што веќе се спроведуваат – како што се подобрување на локалната инфраструктура и барањата за транспарентно донесување одлуки. Средбата се одржа во рамки на проектот „Активни жени“, што го спроведуваат ХЗ „Мајка“ од Куманово, Регионалниот центар за одржлив развој од Кратово, РЦС „Спектар“ од Крива Паланка и Фондацијата за развој на мали и средни претпријатија од Куманово.

Во Струмица и Тетово, темата беше економска самостојност. Жените учеа за пристап до микрофинансирање и можности за започнување сопствен бизнис. Овие активности, кои произлегуваат од проектот „Гласот и учеството на жените и младите во: Креирање јавни политики и овозможувачка средина за граѓанско учество“, што го спроведуваат ЖГИ „Антико“, „Секогаш Сожиот“ од с.Канатларци и „Адрион“ од с. Желино, уште еднаш покажаа дека жените имаат идеи, мотивација и сила – а најмногу од сè, им е потребна поддршка.
А кога зборуваме за поддршка – дигиталната трансформација доби нов импулс. Преку проектот „(ДИГИЛОК) Дигитална трансформација на локално ниво – Вклучена заедница за отпорност на корупција“, Блинк 42-21 и партнерските организации во Неготино ја презентираа платформата #мЗаедница – алатка што овозможува директна комуникација помеѓу граѓаните и локалната самоуправа. Со оваа алатка, пријавувањето проблеми, учеството во јавни консултации и следењето на локални политики станува поедноставна и поефикасна интеракција со општината – преку мобилен телефон или компјутер.

На национално ниво, Finance Think (Финанце Тхинк) и партнерските организации ја презентираа платформата „КОМПАС“ која ја следи реализацијата на вкупно 139 ветувања, распоредени во пет приоритетни области: социо-економија, образование, здравство, млади и родова еднаквост. Според првичните податоци, умерен е напредокот во исполнувањето на владините ветувања за периодот 2024–2028. Секторот образование предничи, здравството бележи почетен напредок, но родовата еднаквост – сè уште чека.
Јуни беше месец на исклучителна енергија што се чувствува на терен. Од идеја до реализација, од разговор до промена, од локални акции до национални иницијативи, граѓанскиот сектор продолжува да  се справува со предизвиците  заедно и доследно.

Следно >

Поврзани:

Во текот на 2025, Цивика мобилитас ја продолжува својата мисија за јакнење на граѓанското општество преку поддршка на иницијативи што носат вистински промени на локално и на национално ниво. Во фокусот на последните три приказни се жените и младите како двигатели на општествени трансформации во нивните заедници. Приказните објавени во април, мај и јуни, ги истакнуваат нивните заложби и резултатите постигнати со поддршка од Владата на Швајцарија преку Цивика мобилитас.

Приказната во април ја посветивме на жените од руралните средини во Североисточниот регион. Во кривопаланечкото село Мождивњак, жените веќе не се тивки набљудувачи, туку активни учеснички во локалниот развој. Преку проектот „Активни жени“, спроведен од Хуманитарното здружение „Мајка“ од Куманово и партнери, околу 220 жени од Куманово, Крива Паланка и Кратово се мобилизирани и обучени за застапување и учество во процесите на носење одлуки. За првпат, жителките од рурални средини дознаа за своите права, за механизмите за барање информации од јавен карактер, и поднесоа први иницијативи – како што се: барање за детско игралиште и подобрување на водоводната мрежа. Нивната сплотеност и информираност создаваат нова енергија за локални промени, покажувајќи дека и жените од најоддалечените села можат да бидат клучни актери во развојот.
Прочитај ја целата приказна „Жените од руралните средини охрабрени и организирани за промени во локалните заедници“

Приказната во мај ја посветивме на достапните услуги за поддршка на жените и ранливите групи во Пелагонија. Во Прилеп, Битола и Долнени, проектот „Нејзин глас – нејзина моќ“ ја отвори вратата кон правна и психосоцијална поддршка за маргинализираните жени и девојки. Во заедниците каде семејното насилство и дискриминацијата  долго време биле премолчувани, сега постојат достапни, бесплатни и доверливи услуги. Центарот за граѓанска иницијатива – Прилеп, заедно со Здружението за правна едукација и транспарентност СТАНИЦА ПЕТ и Мултиетничкото здружение за сите возрасти од Црнилиште преку проектот поддржан од владата на Швајцарија преку Цивика мобилитас иницира пополнување на тие празнини. „Сега знам дека имам право на заштита и достоинствен живот“, вели жена од Долнени, чиј случај на семејно насилство доби институционална постапка благодарение на проектот. Покрај жените, проектот им даде поддршка и на самохрани татковци и ранливи категории граѓани, што го прави активностите  модел за инклузивност и еднаквост.
Прочитај ја целата приказна „Достапните и доверливи услуги создаваат силна основа за промени во Пелагонија“

Јунската приказна е за младинската моќ против климатските закани во југозападниот регион. Климатските промени добија младински одговор преку проектот „Да учиме за климатските промени“, спровеуван од Извидничко поречанскиот одред „Крсте Јон“ – Струга, здружението Центар за одржлив развој на заедницата – Дебар и Регионалниот зелен центар – Охрид. Преку обуки, младински камп и настани како панел-дискусијата на бродот „Галеб“ на Денот на Охридското Езеро, младите станаа активни носители на климатска свест и еко-решенија. Ученици осмислија иницијативи за рециклирање, соларни иновации и заштита на природните ресурси во нивните општини. Она што започна како обука за пишување проект, прерасна во платформа или мрежа за заедничка иднина која ги руши бариерите, генерациски, национални и институционални.
Прочитај ја целата приказна „Младинска моќ против климатските закани во Охрид, Струга и Дебар“

< Пред   Следно >

Поврзани:

На 7.7.2025 год.(понеделник), старешината на извиднички одред “Димитар Влахов“ – Велес во соработка со ОХО продукцијата зема учество во снимањето на емисијата наменета за реката Вардар, насловена како “Царот на реките – Вардар“. Ве емисијата учество земаа познатите водители Ана и Лазар кои се познати од предходните, возбудливи авантури низ…

На 19 јуни 2025 година, МЦМС и организацијата Плиадес, во соработка со општината Тетово ја организираа работилницата на тема „Активни локални совети – отпорни заедници“ на која учествуваа членовите на Советот за малолетничка деликвенција и Советот за социјална заштита. Целта на работилницата беше да се поттикне продлабочено разбирање за улогата и значењето на локалните механизми за превенција во контекст на зајакнување на отпорноста на заедницата.

Во своето воведно обраќање, градоначалникот Билал Касами ја нагласи стратешката важност на функционалните локални механизми за превенција, потенцирајќи ја потребата од интегриран пристап во справувањето со социјалните предизвици, кој ќе се базира на координација и активна вклученост на сите засегнати страни. Тој подвлече дека советите не треба да се третираат како формални тела, туку како реални механизми за навремена интервенција во заедницата.
За Советот за малолетничка деликвенција зборуваше неговата претседателка, Блерта Ахмеди. Таа истакна дека во двегодишното функционирање  спровеле систематски предавања и работилници во училиштата, особено со средношколците, насочени кон подигнување на свеста за ризични фактори како што се наркоманијата, криминогеното однесување и влијанието на социјалните мрежи. Инаку, Советот е составен од професионалци, претставници од Центарот за социјални работи (ЦСР), Министерството за внатрешни работи (МВР), Основното јавно обвинителство и Судот, како и претставници на родителите и учениците.

Халиме Рустеми, претседателката на Советот за социјална заштита, рече дека од неговото формирање во 2022 година, Советот активно работи на препознавање на клучните социјални предизвици и нивно вградување во Социјалната стратегија на општината за периодот 2024–2027. Таа истакна дека Советот вклучува 15 члена од релевантни институции како што се здравствените установи, организациите што нудат услуги за лица со попреченост, жртви на семејно насилство и стари лица, претставници на ЦСР и МВР.
Учесниците ги идентификуваа најизразените локални ризици – од насилството и булингот во училишната средина, преку економските тешкотии и сиромаштијата и зависностите, до проблемите со паркирањето, семејното насилство, социјалната изолираност и ограничениот пристап до поддршка. Беше нагласено дека дел од овие предизвици бараат проширување на тематскиот опфат и вклучување на дополнителни институции и чинители во процесите на локална координација.

Дискусиите за време на работилницата отворија простор за преиспитување на постоечките структури и размислување за воспоставување на интегриран локален механизам за превенција кој, без да ја наруши работата на постоечките совети, би овозможил сеопфатен, координиран и одржлив пристап кон управување со ризиците во заедницата. На овој начин, би се зајакнале механизмите за локална отпорност, засновани на принципи на рана интервенција, хоризонтална соработка и активно граѓанско учество.
Работилницата придонесе за препознавање на потенцијалот за проширување на опфатот на превентивното дејствување, преку воспоставување на покоординиран и повеќечинителски пристап кој ќе ги опфати пошироките локални ризици.
Работилницата е дел од програмата „Пат кон отпорност и реинтеграција на ранливите семејства во заедницата“ што ја поддржува Глобалниот фонд за ангажман и отпорност на заедниците (ГЦЕРФ).

Следно >

Поврзани:

Date:
07/07/2025

Во време кога одржливоста станува клучен елемент на секоја успешна деловна стратегија, мали и средни претпријатија (МСП) низ Европа се соочуваат со потреба од нов тип на лидерство – зелено лидерство. Токму на оваа тема се фокусира документот „Профил и компетенции на зелениот лидер“, подготвен во рамки на проектот GreenLead, ко-финансиран од Европската Унија преку […]

Во време кога одржливоста станува клучен елемент на секоја успешна деловна стратегија, мали и средни претпријатија (МСП) низ Европа се соочуваат со потреба од нов тип на лидерство – зелено лидерство. Токму на оваа тема се фокусира документот „Профил и компетенции на зелениот лидер“, подготвен во рамки на проектот GreenLead, ко-финансиран од Европската Унија преку програмата Erasmus+, и спроведен од организации од Шпанија, Словенија, Грција и Македонија.
📗 Документот нуди систематски преглед на улогата, вештините и одговорностите на зелениот лидер – вработен кој, без оглед на својата позиција, иницира и води процеси на одржливост во рамките на компанијата. Зелените лидери не мора да бидат експерти, туку лица со мотивација, визија и вештини за воведување на промени.
🔍 Клучни теми кои ги покрива документот:

Што претставува зелено лидерство и зошто е важно за МСП;
Вештини, знаења и ставови кои се клучни за еден зелен лидер;
Улогата на „зелениот оддел“ како интерна структура за поддршка на одржливоста;
Европски и национални практики, трендови и потреби во развојот на зелени профили;
Предлог-рамка за обука на зелени лидери и програми за професионален развој.

👤 Зелениот лидер делува како промотор на циркуларна економија, обновлива енергија, усогласеност со регулативите и активна комуникација со заедницата. Преку внатрешна мотивација и вклучување на колегите, тој/таа претвора одржливоста во дел од организациската култура.
📥 Документот претставува вреден ресурс за сите компании, институции и професионалци кои сакаат да ја интегрираат одржливоста како стратешка цел во своето работење.

OTHER Publications for adults

Во време кога климатските промени и еколошката одржливост се поважни од кога било, малите и средни претпријатија (МСП) се наоѓаат на првата линија на трансформацијата. Новиот извештај „Анализа на зелената транзиција кај европските МСП“ дава сеопфатен преглед на предизвиците и можностите со кои се соочуваат бизнисите на нивниот пат кон одржливо и иновативно работење. Документот […]
Read more

Горди сме да го споделиме првиот билтен на проектот GreenLead, кој содржи информации за првите активности спроведени од шесте партнери од Шпанија, Словенија, Грција и Македонија. Меѓу активностите се вклучени: партнерскиот состанок во Теруел (Шпанија), спроведеното истражување и изготвениот извештај за состојбата на зелената транзиција на малите и средни претпријатија во четирите земји​. Проектот е […]
Read more

Во свет каде што одржливоста станува сè поважна, Eco Logic со гордост е дел од проектот „Тренери за одржливост“ – кофинансиран од програмата Еразмус+. Во партнерство со организации од Германија (WNB e.V.), Италија (CSCI Novara) и Кипар (Synthesis), работиме на развој на иновативни образовни материјали и алатки кои ќе ги поттикнат идните генерации да станат […]
Read more

Програмата за обука е прилагодена за општинските вработени ширум Европа. Тој е дизајниран да ги опреми поединците од различни сектори во општините со знаења и вештини потребни за ефективно да се поттикнат иницијативите за одржливост и зелена транзиција. Преку модулите, учесниците ќе ги истражуваат клучните концепти и практични стратегии за спроведување на одржливи практики во […]
Read more

The GREEEN project is more than just an initiative—it’s a movement that equips young minds with the tools to create lasting environmental change. Coordinated by Eco Logic and supported by partner organizations across Europe, this project is actively shaping the next generation of eco-entrepreneurs, educators, and sustainability advocates. Building Capacity for a Greener Future At […]
Read more

По повеќе од две години посветена соработка, проектот InterGreen успешно се завршува, оставајќи значајно влијание врз општините во шест европски земји: Франција, Италија, Португалија, Грција, Кипар и Македонија. Овој проект, ко-финансиран од Европската Унија преку програмата Еразмус+, имаше за цел да ги зајакне зелените вештини и да овозможи поодржливи локални заедници. Главни резултати: Интерактивна едукативна […]
Read more

Date:
07/07/2025

Во време кога климатските промени и еколошката одржливост се поважни од кога било, малите и средни претпријатија (МСП) се наоѓаат на првата линија на трансформацијата. Новиот извештај „Анализа на зелената транзиција кај европските МСП“ дава сеопфатен преглед на предизвиците и можностите со кои се соочуваат бизнисите на нивниот пат кон одржливо и иновативно работење. Документот […]

Во време кога климатските промени и еколошката одржливост се поважни од кога било, малите и средни претпријатија (МСП) се наоѓаат на првата линија на трансформацијата. Новиот извештај „Анализа на зелената транзиција кај европските МСП“ дава сеопфатен преглед на предизвиците и можностите со кои се соочуваат бизнисите на нивниот пат кон одржливо и иновативно работење.
Документот е изготвен во рамки на проектот GreenLead, кој е ко-финансиран од Европската Унија преку програмата Erasmus+. Проектот се спроведува во соработка со организации од Шпанија, Словенија, Грција и Македонија, со цел да им помогне на МСП да ја забрзаат својата зелена трансформација преку едукација, истражување и развој на практични алатки.
Извештајот се фокусира на:

Тековната состојба на зелената транзиција кај МСП во Европа;
Политиките и регулативите на ЕУ, како Европскиот зелен договор и иницијативата „Fit for 55“;
Добри практики и конкретни иницијативи;
Предизвици при воведување одржливи технологии;
Улогата на иновациите, дигитализацијата и циркуларната економија;
Потребата од соработка помеѓу бизнисите, институциите и истражувачките центри.

Преку оваа анализа, GreenLead не само што нуди насоки за подобро разбирање на европските еколошки приоритети, туку и дава конкретни препораки за унапредување на конкурентноста на МСП во рамки на зелената економија.
🔗 Следете нè за повеќе информации од GreenLead и за нови ресурси што ќе им помогнат на компаниите да направат чекор напред кон одржлива иднина.

OTHER Publications for adults

Во време кога одржливоста станува клучен елемент на секоја успешна деловна стратегија, мали и средни претпријатија (МСП) низ Европа се соочуваат со потреба од нов тип на лидерство – зелено лидерство. Токму на оваа тема се фокусира документот „Профил и компетенции на зелениот лидер“, подготвен во рамки на проектот GreenLead, ко-финансиран од Европската Унија преку […]
Read more

Горди сме да го споделиме првиот билтен на проектот GreenLead, кој содржи информации за првите активности спроведени од шесте партнери од Шпанија, Словенија, Грција и Македонија. Меѓу активностите се вклучени: партнерскиот состанок во Теруел (Шпанија), спроведеното истражување и изготвениот извештај за состојбата на зелената транзиција на малите и средни претпријатија во четирите земји​. Проектот е […]
Read more

Во свет каде што одржливоста станува сè поважна, Eco Logic со гордост е дел од проектот „Тренери за одржливост“ – кофинансиран од програмата Еразмус+. Во партнерство со организации од Германија (WNB e.V.), Италија (CSCI Novara) и Кипар (Synthesis), работиме на развој на иновативни образовни материјали и алатки кои ќе ги поттикнат идните генерации да станат […]
Read more

Програмата за обука е прилагодена за општинските вработени ширум Европа. Тој е дизајниран да ги опреми поединците од различни сектори во општините со знаења и вештини потребни за ефективно да се поттикнат иницијативите за одржливост и зелена транзиција. Преку модулите, учесниците ќе ги истражуваат клучните концепти и практични стратегии за спроведување на одржливи практики во […]
Read more

The GREEEN project is more than just an initiative—it’s a movement that equips young minds with the tools to create lasting environmental change. Coordinated by Eco Logic and supported by partner organizations across Europe, this project is actively shaping the next generation of eco-entrepreneurs, educators, and sustainability advocates. Building Capacity for a Greener Future At […]
Read more

По повеќе од две години посветена соработка, проектот InterGreen успешно се завршува, оставајќи значајно влијание врз општините во шест европски земји: Франција, Италија, Португалија, Грција, Кипар и Македонија. Овој проект, ко-финансиран од Европската Унија преку програмата Еразмус+, имаше за цел да ги зајакне зелените вештини и да овозможи поодржливи локални заедници. Главни резултати: Интерактивна едукативна […]
Read more

Хелсиншкиот комитет за човекови права, во рамки на проектот „Фундаменталните човекови права на прво место-активен придонес за владеење на правото“, финансиран од Европската Унија како дел од програмата, IPA III Civil Society Facility and Media Programme 2023 , согласно Договорот за грант потпишан меѓу Хелсиншкиот комитет за човекови права и Европската Унија бр. IPA III/2024/461-642“, спроведува постапка на прибирање на понуди, со упатување на покана – барање за доставување на понуди.
Потребна е набавка – дизајн и принт на визуелен идентитет, лого и промотивни материјали за проектот (опишани под точка 1).
За горенаведениот предмет понудите да бидат испратени најдоцна до 11.07.2025 година (понеделник) до 16:00 часот, по електронска пошта на jana.sotirovska@mhc.org.mk.
Со оваа покана ви ја доставуваме потребна документација која ги содржи сите информации кои ќе ви помогнат за изработка на понудата.
1. Опис на бараната набавка:
Хелсиншкиот комитет за човекови права го спроведува проектот „Фундаменталните човекови права на прво место-активен придонес за владеење на правото“, финансиран од Европската унија. Во рамки на проектот потребно да се изготви визуелен идентиет на проектот, дизајн и принт на визуелен идентитет, лого и промотивни материјали.
1.1 Опис на бараните услуги:
· Дизајн на визуелен идентитет и лого на проектот – Фундаменталните човекови права на прво место-активен придонес за владеење на правото (Развивање на најмалку три предлози за визуелен идентитет на Проектот);
· Дизајн на промотивни материјали и подготвка за печат (меморандум, банер, папка, тефтер, пенкало, торба);
· Принт на промотивни материјали (50 промотивни сетови (еден сет содржи – промотивна страница, папка, пенкало, тефтер, торба), 1 банер);
2. Општи информации
Од понудувачот се бара да достави најекономична и најдобра понуда во согласност со горенаведените материјали. Со тоа што во понудата секоја од горенаведените ставки треба да биде посебно образложена. Критериумите за избор на понудата се наведени под точка 3 на овој документ.
Цените при наведената понуда да бидат изразени без ДДВ.
3. Критериум за доделување на договорот за набавка
Критериумите за доделување на договорот за набавка се:
· економски најповолна понуда
· најдобар квалитет
· најкраток рок на испорака
За носител на набавката ќе биде избран оној понудувач чија понуда е најсоодветна според наведените критериуми.
4. Евалуација на понудите
При евалуацијата на понудите ќе се земат предвид понудените цени, рокот на испорака и квалитетот на материјалите. Евалуацијата на понудите ќе се врши од страна на Комисијата, формирана од страна на Хелсиншкиот комитет за човекови права за спроведување на постапкатa.
Доколку вашата понуда биде избрана ќе бидете информирани;
Наведете рок на испорака по прифаќање на работата;
Во случај на потреба од дополнително појаснувања, слободно контактирајте не.
Напомена: Проектот е ослободен од ДДВ. По направен избор за најповолен понудувач ќе биде доставено решение и потврда од УЈП и СЕП.

JАВЕН ПОВИКЗА УЧЕСТВО ВО МЕНТОРСКАТА ПРОГРАМА ВО РАМКИТЕ НА ПРОЕКТОТGROWTH – Генерирање вистински можности преку работа, талент и ангажман
Центарот за одржлив развој на заедницата – Дебар објавува јавен повик за млади и невработени лица со живеалиште на територија на општина Дебар за учество во Менторската програма во рамките на проектот GROWTH, кој се спроведува во соработка со партнерите: Општина Књажевац (Србија), Општина Никшиќ (Црна Гора), TREDEA – Агенција за развој на Требиње (Босна и Херцеговина), со поддршка од Фондот за Западен Балкан (WBF).
ЦЕЛ НА ПРОГРАМАТА:
Развој на претприемачки и креативни вештини преку практична работа, менторство и креирање на одржливи производи во рамките на креативните индустрии. Програмата е особено насочена кон невработени млади лица, на кои ќе им се обезбеди стручна поддршка и мотивација за развој на сопствени идеи и бизнис модели.
ПРОГРАМАТА ВКЛУЧУВА:

Работа со ментори од областа на претприемништво, креативни индустрии и брендирање;

Обука преку четири практични модули;

Развој и презентација на прототип на производ;

Можност за вмрежување со учесници од регионот;

Изработка на бизнис планови;

Учество на завршна конференција во Никшиќ.

ТРАЕЊЕ НА ПРОГРАМАТА:
Петдневната менторска програма ќе се реализира во јули и август во Дебар.
УСЛОВИ ЗА АПЛИЦИРАЊЕ:

Статус на невработено лице;

Живеалиште на територија на општина Дебар;

Предност имаат припадници на маргинализирани групи (млади, жени, припадници на малцинства, лица со попреченост итн.).

ПОТРЕБНА ДОКУМЕНТАЦИЈА:

Копија од лична карта или пасош;

Доказ за невработеност;

Уверение за живеалиште;

Биографија (CV);

Мотивациско писмо (максимум 1 страница) во кое кандидатот ја објаснува својата заинтересираност за програмата, идејата или областа на интерес, и што очекува да постигне преку учество во програмата.

НАЧИН НА АПЛИЦИРАЊЕ:
Документацијата треба да се испрати на е-адресата: contact@cscd.org.mk со назнака “Апликација за Менторската програма – GROWTH” или да се достави во канцеларијата на здружението во плико со назнака: “за апликација за Менторската програма – GROWTH”.
РОК ЗА ПРИЈАВА:
Апликациите може да се поднесат најдоцна до 10.07.2025 година, до 13:00 часот.
За сите дополнителни информации, контактирајте не преку е-пошта: contact@cscd.org.mk.

Related

Shuip Marku
Share This Story, Choose Your Platform!