Author: Здружение за мултикултурна афирмација и едукација на жените и младите од руралните средини СЕКОГАШ СОЖИВОТ

Инспирација во секој чекор. На 10.12.2025 година, во Општина Неготино се одржа свечен настан на кој им беа доделени сертификати на курсистките кои успешно ги завршија бесплатните обуки за шминкер како и за  маникир и педикир. Ова доделување претставува посебен момент, бидејќи Неготино е веќе седмата општина во која успешно ги реализиравме овие обуки. Со…

ТИ НЕ СИ БРОЈКА, ТИ СИ ПРОМЕНА! На 1 декември 2025 година, во конфекцијата „Гатекс“ – Прилеп, успешно реализиравме едукативен и информативен настан како дел од глобалната кампања „16 дена активизам против родово базираното и семејното насилство“. Претставници од ОВР Прилеп  одржаа настанот со цел подигнување на свеста за сериозноста на родово базираното и семејното…

На 30 ноември 2025 година, во с. Канатларци,  организирaвме средба со жените и младите девојки од локалната заедница. Настанот претставуваше важен дел од активностите за воспоставување дијалог помеѓу жените и локалните власти, со цел да се идентификуваат потребите и предлозите на жените за подобрување на локалната средина и економското јакнење. Средбата беше интерактивна, динамична и…

На 27.11.2025 година, организиравме информативен, едукативен настан посветен на можностите за микрофинансирање, микрозаеми и поддршка при развој на сопствен бизнис. Учесниците добија корисни информации за: ✔️ активните мерки за самовработување, ✔️ програмите за практична работа, ✔️ основање и развој на сопствен бизнис, ✔️ пристап до финансиски инструменти што го олеснуваат претприемништвото. Особено ни е драго…

На 28.07.2025, во општина Кичево, ја реализиравме информативна и едукативна сесија на тема: „Фацилитација за олеснување на пристапот до институциите за микрофинансирање и програми за микрозаеми“. Целта на сесијата беше да се поттикне економското јакнење на жените преку споделување на информации за достапни ресурси и поддршка. Присутните добија корисни насоки за пристап до грантови, обуки…

На 03.06.2025, во Струмица, успешно ја реализиравме информативна и едукативна сесија на тема: „Фацилитација за олеснување на пристапот до институциите за микрофинансирање и програми за микрозаеми“.

Целта на сесијата беше да им се доближат на жените информации и можности за користење на финансиски услуги и поддршка при започнување или развој на сопствен бизнис. Учесничките имаа можност да се информираат за механизмите на микрофинансирање и програмите за микрозаеми како поддршка за нивен економски напредок.

Предавач на сесијата беше Директорот на Занаетчиската комора – Петар Узунов, кој ги сподели своите знаења и искуства во областа на самовработување и пристап до финансии за бизниси.

На настанот присуствуваа жени од Струмица и околината, меѓу кои и нашите курсистки кои успешно ги завршија обуките што ги организиравме, како и ученички  СОУУД”Димитар Влахов”-Струмица од смерот Техничар за козметички и хемиски производи. За нив оваа сесија беше одлична можност да се запознаат со реалните можности за започнување сопствен бизнис и користење на достапни финансиски програми.

Сесијата предизвика голем интерес и активна вклученост од страна на учесничките, а атмосферата беше исполнета со ентузијазам и прашања.

Веруваме дека оваа активност ќе придонесе кон поголема економска вклученост и самодоверба кај жените, поттикнувајќи ги да направат чекор напред во нивниот професионален развој.

Организиравме во рамките на партнерскиот проект „Гласот и учеството на жените и младите во: Креирање јавни политики и овозможувачка средина за граѓанско учество“, што се спроведува од „Женска граѓанска иницијатива АНТИКО“ – Скопје, во соработка со проектните партнери „СЕКОГАШ СОЖИВОТ“ – с. Канатларци – Прилеп и „ЗОК АДРИОН“ – Желино, а со поддршка од Владата на Швајцарија преку Civica Mobilitas.

Цивика мобилитас е проект на Владата на Швајцарија, кој го спроведуваат МЦМС,НИРАС и ФЦГ. Мислењата кои се изразени овде се на Здружението “Секогаш Соживот не нужно ги одразуваат ставовите на Швајцарската Влада, Цивика мобилитас или организациите што ја спроведуваат.

Со голема радост ве информираме дека на 28.04.2025 година, во Општина Струмица се одржа свечено доделување на сертификати за жените кои успешно го завршија курсот за козметичари, со модули педикир и маникир, како и надградба и декорација на нокти.

Овие обуки беа организирани со цел економско јакнење на жените и нивно активно вклучување на пазарот на трудот. Сите курсистки покажаа посветеност и одлучност, а стекнатите вештини се чекор поблиску до нивната професионална и економска независност.

Жените од Струмица го направија првиот чекор кон својата професионална иднина. Овој курс претставуваше повеќе од обука — беше можност за личен раст, градење нови вештини и отворање врати кон самовработување и економска независност. Сите курсистки покажаа исклучителна посветеност и желба за напредок. Веруваме дека ова е само почеток на нивната успешна приказна!

Им честитаме на сите учеснички и им посакуваме многу успех во понатамошниот професионален развој!

Курсевите се дел од партнерскиот проект: ,,Гласот и учеството на жените и младите во: Креирање јавни политики и овозможувачка средина за граѓанско учество.“ се спроведува од „Женска граѓанска иницијатива АНТИКО“, Скопје и проектните партнери Здружението „СЕКОГАШ СОЖИВОТ“– с. Канатларци – Прилеп и „ЗОК АДРИОН“, Желино. Поддржан од Владата на Швајцарија преку Civica Mobilitas

Мислењата кои се изразени овде се на Здружението ,,Секогаш Соживот” не нужно ги одразуваат ставовите на Швајцарската Влада, Цивика мобилитас или организациите што ја спроведуваат.