Author: ХОПС – Опции за здрав живот Скопје

Програмите за намалување на штети од дроги се клучни за здравјето и заштита на најранливите групи во Република Северна Македонија. Програмите за намалување на штети од дроги овозможуваат пристап до тестирање, стерилен прибор и друга поддршка, со што се спасуваат човечки животи и се намалуваат трошоците за здравствена заштита.
Со заеднички напори, Владата на Република Северна Македонија, ХОПС и други организации покажаа дека можат да направат многу – нашата земја денес е лидер во регионот во спречувањето на ширењето на ХИВ. Ова партнерство има потенцијал да постигне уште поголеми успеси, но за тоа е потребно континуирано вложување во програмите кои спасуваат животи и градат здрава иднина за сите нас. Затворањето на овие програми би довело до сериозни последици, како пораст на ХИВ инфекции.

ХОПС апелира за континуирано финансирање преку државниот буџет за да ја продолжиме успешната соработка за добро на сите граѓани и здрава иднина.
Download document: Policy brief (PDF)
Овој документ е подготвен во рамките на БООСТ проектот кофинансиран од Европската Унија.

Драги наши сограѓани и почитувани пријатели на здравјето,
Со секоја Нова Година, доаѓаат нови можности и надежи за подобро утре. Здравјето е основата на секое успешно општество, а неговото унапредување е заедничка одговорност. Нашите сервиси, кои го поддржуваат здравјето на најранливите, се пример за успехот што можеме да го постигнеме заедно. Но, потребно е повеќе – нови извори на поддршка и иновации кои ќе ни помогнат да продолжиме да бидеме пример за регионот.
Во изминатата година, со посветеност и труд, ХОПС покажа дека Македонија може да биде лидер во намалувањето на ХИВ и поддршката на ранливите групи. Нашите програми за намалување на штети се признати како пример за добри практики, и се гордееме со резултатите што ги постигнавме. Сепак, знаеме дека за да продолжиме со овој напредок, потребно е да ги зајакнеме постоечките ресурси и да најдеме нови начини за финансирање.
Македонија секогаш знаела да направи многу со малку – тоа е нашата приказна, нашето наследство. Но, прашањето е: дали сè уште сме тие луѓе? Дали ќе ги искористиме своите умови и срца за да ја претвориме оваа земја во вистински дом за сите? Здравјето не е само приватна работа, туку и јавен интерес, а јавниот интерес бара јавна акција.
Замислете го ова: една мала држава која ги надминува своите ограничувања. Држава каде што секое дете има пристап до најдобрите здравствени услуги, каде што секоја мајка знае дека има поддршка, каде што секој граѓанин чувствува дека е дел од голема, заедничка приказна. Ова не е утопија – ова е визија која бара само тимска работа, верба и малку повеќе љубов кон она што сме и што можеме да бидеме. Нека нашите напори не бидат само должност, туку и гордост – бидејќи здравјето е право, а не привилегија.
Затоа, во духот на Нова Година, ве повикуваме сите – институции, граѓани, донатори и соработници – да се прашаме: „Кога, ако не сега? Кој, ако не ние?“ Ова не е само момент за размислување, туку за акција. Нека Новата 2025 година биде година кога Македонија ќе покаже дека знае, сака и може. Заедно, за сите нас.
Со желба за здравје, просперитет и заедничка визија, Ваши, Тимот на ХОПС

Со голема радост, заедно со ЦСИ Надеж, Легис, Еквалис, Отворена Порта и Крик, ве покануваме да ни се придружите на хуманитарниот настан „Дарежлив Вторник“, кој ќе се одржи на 3 декември 2024, каде што, во рамките на нашата акција „Љубовта зборува таму каде што системот молчи“, ќе ја продолжиме нашата мисија за поддршка и промена. […]
The post „Дарежлив Вторник“ на 3 декември appeared first on ХОПС.

Денес  во рамки на регионалниот проект „Младите и коцкањето“, кој го спроведува ХОПС- Опции за здрав живот Скопје во партнерство со Лабиринт од Косово и Превент од Србија, а со поддршка на Western Balkans Fund организираше  конференција за новинари како и регионална конференција на тема: “Младите и коцкањето“ на која присуствуваа претставници на министерствата, институциите […]
The post Младите и коцкањето appeared first on ХОПС.

Колку младите луѓе во  Северна Македонија, Србија и Косово се обложуваат односно се коцкаат? Кои се  силните и слабите страни на националните политики и практики и нивното влијание врз коцкањето кај младите луѓе на возраст под 25 години.  Кои се навиките на младите за коцкање во Северна Македонија, во Косово и во Србија. Одговорите на […]
The post Младите и нивните навики за обложување во Република Северна Македонија, во Република Србија и во Република Косово appeared first on ХОПС.

Повик за работилница за изработка на маици – Љубовта зборува! Сакаш да создадеш уникатни маици и да бидеш дел од нешто убаво?  Придружи ни се на нашата креативна работилница во Комитет каде ќе изработуваме маици што ќе ја пренесат нашата порака за љубов и поддршка на сите заедници кои егзистираат на маргините на ова општество. […]
The post ЉУБОВТА ЗБОРУВА, ТАМУ КАДЕ ШТО СИСТЕМОТ МОЛЧИ appeared first on ХОПС.

Со задоволство го најавуваме почетокот на нашиот Еразмус+ KA1 проект, “HPV Awareness and Prevention Training for Youth Workers,”финансиран од Европската Унија. Овој проект има за цел да ги опреми младинските работници со знаења и вештини потребни за ефикасно подигнување на свесноста за ХПВ, неговите ризици и методите за превенција. Обуката ќе ги обедини младинските работници од […]
The post Повик за “HPV Awareness and Prevention Training for Youth Workers,” appeared first on ХОПС.