20180420 Konekt vest

Модни додатоци што интегрираат

ОдЗдружение Конект Скопје

Моден активизам – вака може да се нарече вклучувањето на дизајнерката Ирина Тошева во големиот број проекти наменети за маргинализирани групи. Таа го користеше сервисот Конектирај се! на Конект преку кој ја поврзавме со Здружението Регионален центар за лица со интелектуална попреченост „Порака Наша“ од Куманово.

Корисниците на „Порака Наша“, лица со умерена и тешка интелектуална попреченост над 18 години, ги развиваат своите работни вештини преку професионалната рехабилитација во шивачката работилница на Здружението. На својот предизвик – самостојно да изработат производи надополнети со креативните идеи на Ателје Тошева, одговорија со успешен резултат – модни додатоци привлечни за пазарот.

Дизајнерката раководејќи се од можностите на корисниците на „Порака Наша“ заедно со нив разви прототип на производи со едноставна естетика, која, како што вели Тошева, се консумира со задоволство. Вредните раце на корисниците на „Порака Наша“ создадоа производи конкурентни на пазарот, но и со додадена вредност бидејќи тие се доказ дека лицата со интелектуална попреченост се способни и можат да се вклучат на отворениот пазар на труд.

„И јас сум дел од граѓанскиот  сектор и знам колку е важна поддршката за здруженијата од страна на бизнисите или од индивидуалците кои можат да дадат придонес во остварувањето на нивната мисија. Со задоволство ја прифатив понудата да соработувам со ‘Порака Наша’, а многу ме радува и вклученоста на корисниците“, вели Тошева.

Најголемата придобивка ја имаа лицата со попреченост, кои преку стекнувањето на конкретни работни вештини ги јакнат личните капацитети, но и самодовербата дека можат да го остварат едно од основните човекови права – правото на работа, велат од „Порака Наша“.

Производите на „Порака Наша“ креирани под креативната палка на Ателје Ирина Тошева се достапни во продажба преку нивната фејсбук-страница и во просториите на Дневниот центар. А за сите граѓански организации и бизниси кои сакаат да направат позитивна промена во општеството достапен е сервисот за поврзување Конектирај се!

Конект е корисник на институционален грант од Цивика мобилитас.

Продолжи со читање

  • Јавен надзор над јавните набавки: неправилности и отстапувања во три големи јавни набавки

    СООПШТЕНИЕ ЗА МЕДИУМИ Денес, 19 март 2026 година, Центарот за граѓански комуникации го објави истражувањето Јавен надзор над јавните набавки: Студии на случај (издание бр.1). Издвојуваме дел од клучните наоди: 1. Тендер за корисниците на народни кујни во Скопје: За 1,5 милиони евра, храната се дели на улица и не секогаш според договореното Договорот за јавна набавка на готови оброци за корисниците на народни кујни во вредност од 1,5 милион евра не се спроведува во…

  • Превенција што дава резултати: објавени националните стандарди за превенција од употреба на дроги

    ХОПС – Опции за здрав живот Скопје го објави документот „Национални стандарди за превенција од употреба на дроги“, развиен во рамките на проектот за воспоставување национален систем за превенција во средните училишта, со поддршка од Европската Унија. Овие стандарди претставуваат сеопфатна рамка за планирање, спроведување, следење и проценка на превентивните активности на национално и локално […]
    The post Превенција што дава резултати: објавени националните стандарди за превенција од употреба на дроги appeared first on ХОПС.

  • Легалната миграција и правата на странците во фокус на втората тематска дискусија

    На 10 март 2026 година, во хотел Холидеј Ин во Скопје, се одржа настанот „Легална миграција и правата на странците: состојби и предизвици“, како продолжение на дискусијата одржана на 16 декември 2025 година. Настанот беше организиран од Македонското здружение на млади правници (МЗМП), во рамките […]
    The post Легалната миграција и правата на странците во фокус на втората тематска дискусија appeared first on Myla.

  • Благодарница за организација и постигнати резултати во крводарителството и покажана хуманост и солидарност

    На 17.3.2026 год. (вторник), по повод 17 март – Ден на крводарителството во конференциската сала во хотел Интернационал во организација на Црвениот крст на Република Северна Македонија – Општинска организација Велес се организираше Свечен настан за доделување на јубилејни признанија за крводарителството. Во рамките на овој настан беше доделена Благодарница…

  • Метаморфозис објави истражување за ефектите од дезинформациите и странските влијанија врз демократските процеси

    Фондацијата „Метаморфозис“ го објави истражувањето „Ефектот на дезинформациите и странските влијанија врз демократските процеси во Северна Македонија во 2025 година“, кое анализира како дезинформациите и пропагандните наративи влијаат врз јавната дебата, довербата во институциите и учеството на граѓаните во демократските процеси. Истражувањето комбинира анализа на дезинформациски наративи и анкета на репрезентативен национален примерок, со што […]

  • Како да се сопре падот на критичкото размислување?

    Критичкото размислување е основа на демократските општества, но и на научното истражување и на интелектуалната слобода и независност. Во рамките на една функционална демократија критичкото размислување им помага на граѓаните да ги оневозможуваат злоупотребите на власта и да им се спротивстават на манипулациите. Тоа е и вештина што филозофите, од Сократ до Џон Стјуарт Мил, […]

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор