[Aggregator] Downloaded image for imported item #47381

МЛАДИНСКА ШКОЛА ЗА РОДОВА ЕДНАКВОСТ И ЛОКАЛЕН АКТИВИЗАМ

ОдМакедонско здружение на млади правници - МЗМП Скопје
1loga

Млади гласови, конкретни чекори: 21–24 април 2026, Скопје
Учесници од: Скопје · Штип · Битола · Струга · Крива Паланка · Центар Жупа

Школата за родова еднаквост и локален активизам обедини седум млади луѓе од шест различни општини, со различни искуства и позадини, но со заедничка љубопитност и потреба да разберат повеќе. Во текот на четири дена, тие отворија теми кои ретко се именуваат гласно и ги претворија во разговори и идеи кои што водат кон нешто конкретно. Чекор по чекор, стана јасно дека промената не е нешто далечно, туку нешто што почнува токму локално, таму каде што веќе живеат и делуваат.

55223026847 c9bb1e7c34 c
55225987091 b1ffb5f98d c
55224336095 c5dc75e5fe c

„Нашата улога е да им дадеме можност на младите да ја разберат својата улога во општеството и да ги поттикнеме критички да ги преиспитуваат одлуките што се однесуваат на нив.“
— Маја Атанасова, обучувачка на школата

Школата започна со прашањата за родот, заедницата и местото што секој го има во нив. Преку разговори за родови норми и стереотипи, учесниците ги отворија сопствените искуства и постепено ги поврзаа со пошироки општествени процеси. Оттука природно се отвори и прашањето: што значи да се делува локално и каде, всушност, почнува промената.

Следниот ден беше посветен на темите што најчесто остануваат неискажани. Во простор на доверба, се зборуваше за нееднаквости кои ретко добиваат јавно внимание. Учесниците експериментираа со различни комуникациски формати: од reels до кампањски пораки, барајќи начини како да се отвори разговор што ќе допре до заедницата и ќе поттикне реакција.

Третиот ден градот стана текст што треба да се чита. Преку интерактивна прошетка низ Скопје, учесниците ги набљудуваа инфраструктурата, безбедноста и симболите, препознавајќи дека јавниот простор не е неутрален, туку јасно ги отсликува општествените односи и приоритети.

Последниот ден го донесе преминот од размислување кон акција. Идеите што се развиваа во текот на школата добија форма: како иницијативи, мали интервенции или почетни чекори. Учесниците вежбаа како да ги артикулираат, да препознаат сојузници и да го направат првиот чекор во своите заедници.

55226235979 fd7a353177 c
55226395540 41a567e642 c
55226394070 34af1e667b c

„Едно мое уверување кое се зајакна во последниве денови е дека единствениот начин да создадеме подобро општество е преку колективна грижа и меѓусебна поддршка.“
— Лора Захариевска, учесничка

Школата формално заврши, но она што се отвори во тие денови не застанува тука. Секој замина со нешто свое: идеја што веќе има прв чекор, луѓе на кои може да се потпре и појасно чувство дека промената не е далечна или апстрактна. Таа е возможна, опиплива и почнува токму таму каде што секојдневието веќе се случува во сопствената заедница.

Школата беше организирана како дел од проектот „Менторство во правосудството и младински ангажман за родова еднаквост“, кој го имплементира Центарот за правни истражувања и анализи во партнерство со Македонското здружение на млади правници, со поддршка на Швајцарија преку CIVICA Mobilitas.

The post МЛАДИНСКА ШКОЛА ЗА РОДОВА ЕДНАКВОСТ И ЛОКАЛЕН АКТИВИЗАМ appeared first on Myla.

Оваа вест изворно е објавена на веб-страната на Македонско здружение на млади правници

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

  • Успешно заврши тркалезната маса за зелена транзиција и CBAM

    На тркалезната маса „Зајакнување на конкурентноста: Енергетската транзиција, CBAM и иднината на македонската индустрија“, Finance Think ја промовираше студијата „Подготвеност за CBAM и зелената индустриска транзиција во Северна Македонија“. Студијата покажува дека подготвеноста за CBAM ќе биде клучен фактор за одржување на конкурентноста на домашните производители на пазарот на Европската Унија. Во 2025 година, извозот […]
    The post Успешно заврши тркалезната маса за зелена транзиција и CBAM first appeared on Finance Think.
    The post Успешно заврши тркалезната маса за зелена транзиција и CBAM appeared first on Finance Think.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор