Платформата за борба против корупција достави предлози за годишната програма за работа на Кабинетот на заменик претседателот на Владата задолжен за политики на добро владеење

Во духот на воспоставената соработка со Кабинетот на заменик претседателот на Владата задолжен за политики на добро владеење, Платформата достави предлог-мерки за Годишната програма за работа на Кабинетот за 2026 година.
Предложените мерки и активности произлегуваат од анализа на состојбите во областа на доброто владеење, превенцијата и борбата против корупцијата, како и од долгогодишното искуство и експертиза на граѓанскиот сектор. Нивната цел е унапредување на транспарентноста, отчетноста и ефикасноста на институциите и зајакнување на системските механизми за владеење на правото.
Предлог-мерките се однесуваат на унапредување на транспарентноста и отчетноста на Кабинетот, зајакнување на координацијата во борбата против корупцијата, следење на имплементацијата на националните стратегии, унапредување на законската рамка и продлабочување на дијалогот со граѓанскиот сектор.
Предлозите се доставени како конструктивен придонес во процесот на планирање и спроведување на јавните политики, во духот на партнерство и отворен дијалог.

Предлозите може да ги најдете тука.

Оваа вест изворно е објавена на веб-страната на Платформа на граѓански организации за борба против корупција