[Aggregator] Downloaded image for imported item #45596

Млади и искусни новинари заедно ќе пишуваат за локалните проблеми – Состанок на „Локал Актив Исток“ во Штип

ОдИнститут за истражување на општествениот развој РЕСИС Скопје 05/03/202612/03/2026

Активирање на младите кои заедно со искусните новинари би пишувале стории за локалните проблеми и предизвици, беше една од главните теми на редакцискиот состанок на новинарите и активистите од „Локал Актив Исток“ заедно со претставниците од Институот РЕСИС и Советот за етика на медиумите во Македонија.

Оваа нова соработка, која треба да внесе нова енергија во локалното новинарство, ќе биде дел од идните активности паралелно со тековните новинарски стории и застапувањето кое го прават новинарите и активистите од платформата.

Проектниот координатор Игор Мицевски најави дека во рамки на проектот „Медиуми на заедницата за посилно граѓанско општество“ кој го спроведуваат Институтот за истражување на општествениот развој РЕСИС и Советот за етика во медиумите во Македонија – СЕММ, со поддршка од владата на Швајцарија преку програмата „Цивика мобилитас“ ќе има нови можности за изработка на нови содржини. Тој напомена дека преку овој проект ќе биде ставен фокус на вклучување повеќе млади луѓе во редакциите на Локал Актив со што, освен развивање на вештините на младите луѓе, корист ќе има локалното новинарство во целина.

„Одржливоста на медиумите на заедницата и специфично, одржливоста на иницијативата „Локал Актив“, не зависи единствено од диверзификацијата и висината на фондовите кои може да се обезбедат за производство на содржина и застапување. Од клучна важност е развојот на човечкиот капитал – овде мислиме особено на млади луѓе кои сакаат и можат да се вклучат во новинарски истражувања, а на кои при тоа им е природно да користат нови алатки за да стигнат до својата публика, но и за да култивираат нова публика“, рече Мицевски.

Новинарите и активистите изразија задоволство од овој нов фокус на идните активности на Локал Актив и споделија свои видувања за тоа како овој спој на младоста и искуството може да придонесе за дополнителен развој на овие медиуми на заедницата и да открие повеќе проблеми на виделина со кои се соочуваат граѓаните.

На состанокот се дискутираше и за ефектите од досегашните приказни објавени на Локал Актив Исток, а беа предложени и идеи за нови стории на кои ќе се работи во идниот период.

Оваа вест изворно е објавена на веб-страната на РЕСИС институт

Јавен надзор над јавните набавки: неправилности и отстапувања во три големи јавни набавки
19/03/202619/03/2026
СООПШТЕНИЕ ЗА МЕДИУМИ Денес, 19 март 2026 година, Центарот за граѓански комуникации го објави истражувањето Јавен надзор над јавните набавки: Студии на случај (издание бр.1). Издвојуваме дел од клучните наоди: 1. Тендер за корисниците на народни кујни во Скопје: За 1,5 милиони евра, храната се дели на улица и не секогаш според договореното Договорот за јавна набавка на готови оброци за корисниците на народни кујни во вредност од 1,5 милион евра не се спроведува во…
Превенција што дава резултати: објавени националните стандарди за превенција од употреба на дроги
18/03/202619/03/2026
ХОПС – Опции за здрав живот Скопје го објави документот „Национални стандарди за превенција од употреба на дроги“, развиен во рамките на проектот за воспоставување национален систем за превенција во средните училишта, со поддршка од Европската Унија. Овие стандарди претставуваат сеопфатна рамка за планирање, спроведување, следење и проценка на превентивните активности на национално и локално […]
The post Превенција што дава резултати: објавени националните стандарди за превенција од употреба на дроги appeared first on ХОПС.
Легалната миграција и правата на странците во фокус на втората тематска дискусија
18/03/202619/03/2026
На 10 март 2026 година, во хотел Холидеј Ин во Скопје, се одржа настанот „Легална миграција и правата на странците: состојби и предизвици“, како продолжение на дискусијата одржана на 16 декември 2025 година. Настанот беше организиран од Македонското здружение на млади правници (МЗМП), во рамките […]
The post Легалната миграција и правата на странците во фокус на втората тематска дискусија appeared first on Myla.
Благодарница за организација и постигнати резултати во крводарителството и покажана хуманост и солидарност
17/03/202618/03/2026
На 17.3.2026 год. (вторник), по повод 17 март – Ден на крводарителството во конференциската сала во хотел Интернационал во организација на Црвениот крст на Република Северна Македонија – Општинска организација Велес се организираше Свечен настан за доделување на јубилејни признанија за крводарителството. Во рамките на овој настан беше доделена Благодарница…
Метаморфозис објави истражување за ефектите од дезинформациите и странските влијанија врз демократските процеси
16/03/202618/03/2026
Фондацијата „Метаморфозис“ го објави истражувањето „Ефектот на дезинформациите и странските влијанија врз демократските процеси во Северна Македонија во 2025 година“, кое анализира како дезинформациите и пропагандните наративи влијаат врз јавната дебата, довербата во институциите и учеството на граѓаните во демократските процеси. Истражувањето комбинира анализа на дезинформациски наративи и анкета на репрезентативен национален примерок, со што […]
Како да се сопре падот на критичкото размислување?
16/03/202618/03/2026
Критичкото размислување е основа на демократските општества, но и на научното истражување и на интелектуалната слобода и независност. Во рамките на една функционална демократија критичкото размислување им помага на граѓаните да ги оневозможуваат злоупотребите на власта и да им се спротивстават на манипулациите. Тоа е и вештина што филозофите, од Сократ до Џон Стјуарт Мил, […]