Институт за демократија „Социетас цивилис“ – Скопје

Вкупен буџет: 2.962.939 денари

Период на реализација: 01.01.2026 – 31.12.2026 (12 месеци)

Специфична тема: БОРБА ПРОТИВ КОРУПЦИЈА И ИСТРАЖУВАЧКО НОВИНАРСТВО

Партнери:

Универзитет „Св. Кирил и Методиј“ во Скопје,

Институт за социолошки и политичко-правни истражувања-Скопје (ИСППИ)

Конституенти: 

Граѓани од целните општини; локални заедници; граѓански организации; новинари и медиуми; истражувачки новинари; локални и централни институции; општински инспекциски служби; носители на одлуки на локално и национално ниво.

За проектот поддржан од Цивика мобилитас: Преку изработка на систематизиран, на докази заснован преглед на организацијата, капацитетите и постапувањето на локалните инспектори, како и анализа на тоа како се применуваат начелата на законитост и одговорност во нивната работа, проектот создава конкретна основа за институционални реформи и унапредување на интегритетот на локалниот инспекциски надзор.

ОПИС НА АКЦИЈАТА

Акцијата е насочена кон зголемување на транспарентноста и отчетноста на локалните институции преку следење на работата на инспекциските служби и јакнење на граѓанскиот надзор врз нивното постапување. Проектот комбинира истражување, анализа на политики, јавни дебати и активности за застапување со цел унапредување на институционалните механизми за контрола и подобрување на овозможувачката околина за активно граѓанско учество на локално ниво.

ЦЕЛИ И РЕЗУЛТАТИ

Општа цел: Да се унапреди законитоста, одговорноста и интегритетот во работата на локалните инспекциски служби, како дел од системот на владеење на правото

Специфична цел:

• Да се обезбеди систематизиран преглед на моменталната состојба, надлежностите и ризиците од корупција во локалниот инспекциски надзор.
• Да се зголеми отчетноста и интегритетот во работата на локалните инспектори преку анализа на начелото на законитост и одговорност.

 РЕЗУЛТАТИ

1. Изработен и објавен сеопфатен преглед на состојбата на локалниот инспекциски надзор во сите општини, со класификација по тип на инспекциски служби и број на инспектори во однос на бројот на жители и субјекти на надзор, како и родовата застапеност во инспекциските служби.
2. Изработена и објавена анализа на правната рамка за локален инспекциски надзор, со идентификувани правни празнини, преклопувања и дискрециони овластувања што создаваат ризици од корупција.
3. Изработена и објавена анализа за примената на начелото на законитост во локалниот инспекциски надзор, заснована на преглед на жалби во второстепена постапка и судски пресуди поврзани со работењето на локални инспектори.
4. Изработена и објавена анализа за примената на начелото на одговорност, преку преглед на линиите на отчетност и типовите на одговорност на локалните инспектори (дисциплинска, кривична, управна), како и анализа на предмети во кои се бара дисциплинска, кривична или друг вид одговорност од локални инспектори, вклучително и родовата димензија.
5. Осмислена и реализирана кампања на социјални мрежи за промоција на резултатите.
6. Организирани еден јавен настан за промоција на наодите од анализите и една обука и најмалку еден брифинг со медиуми кои работат истражувачко новинарство.

 АКТИВНОСТИ

1. Развивање на методологија за собирање и систематизација на податоци за локален инспекциски надзор
2. Испраќање барања за пристап до информации од јавен карактер до сите општини
3. Спроведување кратки структурирани интервјуа со локални инспектори и секретари на општини
4. Внесување и обработка на добиените податоци во единствена база
5. Изработка на аналитички извештај и визуелизации
6. Дизајн, лекторирање и објавување на прегледот на веб-страница и достава до релевантни чинители
7. Преглед и мапирање на сите релевантни закони и подзаконски акти кои го засегаат локалниот инспекциски надзор
8. Идентификација на преклопувања, празнини и дискрециони овластувања
9. Консултации со правни експерти и претставници на релевантни институции
10. Подготовка на наоди и препораки за подобрување на правната рамка
11. Дизајн, лекторирање и објавување на анализата на веб-страница и достава до релевантни чинители
12. Развивање на методологија за селекција на примерок од жалби и судски пресуди поврзани со локален инспекциски надзор
13. Анализа на предметите според тип на прекршок и исход
14. Интервјуа со членови на Државната комисија за одлучување во управна постапка, постапка од работен однос и инспекциски надзор во втор степен, со правни експерти и претставници на релевантни институции
15. Изработка на тематска анализа со наоди и заклучоци за системски слабости
16. Дизајн, лекторирање и објавување на анализата на веб-страница и достава до релевантни чинители
17. Развивање на методологија за селекција и анализа на дисциплински, кривични и управни предмети против локални инспектори
18. Испраќање барања за пристап до информации од јавен карактер до сите општини
19. Интервјуа со претставници на општински служби, дисциплински комисии и инспекторати
20. Идентификување на типови и институционални механизми за одговорност кај локалните инспектори
21. Изработка на анализа со препораки за унапредување на одговорноста
22. Дизајн, лекторирање и објавување на анализата на веб-страница и достава до релевантни чинители
23. Подготовка на стратегија и визуелен идентитет за кампањата
24. Развивање на 20 визуелни содржини врз основа на наодите од четирите анализи
25. Планирање и спроведување на таргетирана кампања на Facebook, Instagram и LinkedIn
26. Следење на метрики за опфат, интеракции и ангажман и подготовка на извештај со анализа на ефектите од кампањата
27. Подготовка на агенди, покани и промотивни материјали
28. Вклучување на претставници од Инспекциски колегиум, ДКСК, Министерството за локална самоуправа, Меѓуресорското тело за борба против корупција, општини и медиуми
29. Презентација на резултатите и модерирана дискусија со институции и јавност
30. Организирање обука за користење на податоците за потребите на истражувачкото новинарство
31. Рефлектирање на ставови на граѓанските организации и одржување средби со граѓански организации и институции
32. Организирање настан на Мрежата за финансиска одржливост на граѓанските организации
33. Креирање аргументи и здружено застапување
34. Застапување преку медиуми и јавност

ВЕБ СТРАНИЦА

https://idscs.org.mk/mk/