Младите можат – Скопје

Вкупен буџет: 2.987.080 денари

Период на реализација: 01.01.2026 – 31.12.2026 (12 месеци)

Специфична тема: СОЦИЈАЛНА КОХЕЗИЈА

Партнери:

Здружение на граѓани Супортко Кочани

Конституенти: 

Млади лица, младински организации и неформални младински групи, локални заедници во кои делуваат младите и граѓани засегнати од темите на социјална кохезија.

За проектот поддржан од Цивика мобилитас: Избраната тема,  социјална кохезија, се однесува на зајакнување на солидарноста, довербата и меѓусебната поддршка меѓу младите и заедниците. Целта е да се развијат системски и локални механизми што ги поврзуваат младите како активни чинители во управување со кризи.

ОПИС НА АКЦИЈАТА

Акцијата е насочена кон зајакнување на социјалната кохезија преку поттикнување на активно учество на младите во заедницата, јакнење на младинските иницијативи и создавање простор за соработка помеѓу младите, младинските организации и локалните заедници. Проектот комбинира едукативни, теренски и комуникациски активности со цел подобро меѓусебно разбирање, зголемена вклученост и градење доверба меѓу различни општествени групи.

ЦЕЛИ И РЕЗУЛТАТИ

Општа цел: Да се поттикне системска промена во начинот на кој државните институции, локалните самоуправи и граѓанското општество се справуваат со кризни ситуации, преку воспоставување национален модел што ја зајакнува отпорноста, солидарноста и активно младинско учество во превенција, реакција и опоравување на заедниците.

Специфична цел:

1. Да се развие и институционализира национален модел за младинско управување со кризи, заснован на партнерство меѓу младинските центри, граѓанскиот сектор и релевантните институции.
2. Да се зајакнат знаењата и капацитетите на младинските центри и граѓанските организации за превенција, брза реакција и психосоцијална поддршка во кризни ситуации.
3. Да се поттикне култура на солидарност, превенција и активно младинско учество преку јавни кампањи, дијалог и застапување.

 РЕЗУЛТАТИ

1. Воспоставен национален модел и протокол за младинско управување со кризи.
2. Зајакнати капацитети на младинските центри и граѓанските организации за делување во кризни ситуации.
3. Зголемена јавна свест и младинско учество во промовирање култура на солидарност и превенција.

 АКТИВНОСТИ

1. Анализа и истражување на моменталната состојба со младинските центри и граѓанскиот сектор
2. Формирање на експертска група за подготовка на нацрт Национален протокол
3. Тестирање на нацрт верзијата на Протоколот преку симулација
4. Финализирање на Националниот протокол врз основа на резултатите од симулацијата
5. Средби за застапување и лобирање за усвојување на Протоколот
6. Подготовка на прирачник за градење капацитети
7. Организирање сертифицирани обуки во пет града
8. Национална симулација на кризна состојба
9. Јавна кампања „#ПОВРЗАНИ ВО КРИЗА“
10. Завршен национален настан – конференција

ВЕБ СТРАНИЦА

https://youthcan.org.mk/