Дали постојните програми навистина ги адресираат родовите разлики кај младите кои употребуваат дроги?

Оваа публикација е изработена во рамки на проектот „Креирање родово базирани програми за млади кои употребуваат дроги“, финансиран од ЕУ – Еразмус+ програмата. Проектот има цел да ги поддржи организациите, институциите и професионалците кои работат со млади, преку развивање практики и програми што ја препознаваат родовата разновидност и потребите на различните групи млади кои употребуваат дроги.

Главните цели на проектот се:

• да се идентификуваат бариерите со кои се соочуваат младите жени, ЛГБТИ+ младите, транс и небинарните лица во пристапот до услуги;
• да се анализира постојниот систем на политики и програми;
• да се развијат препораки за родово сензитивни и родово трансформативни услуги;
• да се зајакнат организациите што работат на терен со практични насоки и алатки.

Публикацијата претставува сеопфатна родова анализа на програмите за намалување на штети за млади во Северна Македонија. Истражувањето ги комбинира кабинетската анализа (стратегии, политики, закони) и теренски податоци (интервјуа, фокус група) за да го процени степенот на родова сензитивност во постојните услуги.

Клучни точки од извештајот:

• Стратегиите за дроги и ХИВ формално го признаваат родот, но имплементацијата е слаба и многу мерки остануваат само на хартија.

• Недостасуваат специфични програми за жени, за млади, за транс и небинарни лица, иако потребата од нив е голема.

• Организациите што спроведуваат програми за намалување на штети имаат силна свест, но се соочуваат со ограничено финансирање, недостиг на кадар и намалени услуги.

• Младите жени, ЛГБТИ+ младите и лицата од рурални средини се соочуваат со силна стигма, срам, небезбедност и структурни бариери во пристапот до услуги.

• Постојат позитивни примери – женски центри, безбедни простори, теренски тимови со вклученост на ЛГБТИ-членови, вмрежувања – но нивната одржливост е загрозена.

• Извештајот дава конкретни препораки, меѓу кои: стабилно финансирање, отворање родово сензитивни сервиси, вклучување на млади и жени во креирање програми, нови протоколи за различни подгрупи и интерсекциски пристап во сите нивоа на планирање.

Овој документ претставува важен ресурс за сите кои работат на развивање политики и практики што се инклузивни, правични и ориентирани кон реалните потреби на младите.

The post Дали постојните програми навистина ги адресираат родовите разлики кај младите кои употребуваат дроги? appeared first on ХОПС.