[Aggregator] Downloaded image for imported item #41462

Членките на Советот во дијалог со организациите од Пелагонискиот регион

ОдМакедонски центар за меѓународна соработка 01/11/202504/12/2025

На 29 октомври 2025 година, Граѓанскиот ресурсен центар организираше отворен ден со граѓанските организации и активистите од Пелагонискиот регион, во рамки на посетата на Мобилниот ресурсен центар. Настанот се одржа во Битола и имаше за цел да ги доближи услугите на Граѓанскиот ресурсен центарот до локалните организации, да ги информира за тековните случувања во граѓанското општество, но и да иницира отворена дискусија за клучните потреби и предизвици со кои се соочуваат организациите во регионот.

viber image 2025 10 30 16 12 36 918 980x460

Фокусот на средбата беше ставен на работата на Советот за соработка меѓу Владата и граѓанското општество, неговите надлежности, составот и неговата улогата како советодавно тело на Владата. Програмата за работа на Советот за 2026 година беше презентирана пред присутните и тие имаа можност да дадат свои сугестии и коментари на содржината како и предлози за предизвици и иницијативи што треба да бидат разгледани од членовите на Советот. Валентина Величковска, Емилиа Ѓероска, Драгица Вучковиќ и Моника Илиоска Кантарџиоска, сите членки на Советот од редот на граѓанските организации, отворија дијалог со присутните и ги поканија да се вклучат во работењето на Советот.

„Советот е тука за да ја засили врската меѓу Владата и граѓаните. Како советодавно тело, ние сме гласот што треба да потсети дека политиките се прават за луѓето — и со луѓето! Со поддршка од локалните организации, се бориме гласот од теренот да стигне до Владата и да се претвори во вистински промени.“ — изјави Емилиа Ѓероска, од Здружението на граѓани за унапредување на развојните процеси Про Локал Битола и член на Советот за соработка меѓу Владата и граѓанското општество.

Учесниците имаа можност активно да се вклучат во дискусијата, да споделат искуства и да укажат на конкретни предизвици од нивното секојдневно работење што може да се најдат на дневен ред на следните седниците на Советот.

viber image 2025 10 30 16 12 36 479 980x735

Еден од предизвиците истакнат од повеќето присутни организации беше третирањето на граѓанските организации од страна на банките и наметнувањето на низа административни барања и обврски за организациите кои што често се различни од една банка до друга. Пеце Трајковски, од Центарот за стратегиски истражувања и анализи, Битола укажа на неколку предизвици, како долгото време на чекање за добивање на потврда од Министерството за европски прашања за регистрирање на проекти/донации во Централната база на податоци за странска помош за целите на ослободување од данок на додадена вредност како и ограничената можност да се поднесе барање за издавање на решение за регистрација на даночен обврзник за проектите само во скопската канцеларија на Управата за јавни приходи.

Мобилниот ресурсен центар продолжува со редовни месечни посети низ државата, нудејќи поддршка и информации на локалните граѓански организации, со посебен фокус на недоволно опфатените општини.

Посетата на Мобилниот ресурсен центар беше организирана во рамки на проектот „ЕУ поддршка на Граѓанскиот ресурсен центар – фаза 2“, финансиран од Европската Унија, а спроведуван од Националната фондација за развој на граѓанско општество Граѓански ресурсен центар, Македонскиот центар за меѓународна соработка (МЦМС), Медиа плус, Штип и Асоцијација за демократски иницијативи – АДИ, Гостивар.

Оваа вест изворно е објавена на веб-страната на Македонски центар за меѓународна соработка

ENSURE истакнат како значајна иницијатива за идната подготвеност на првите одговорни служби
24/08/202625/08/2026
ENSURE истакнат како значајна иницијатива за идната подготвеност на првите одговорни служби На 27 јуни 2026 година, Кирил Михајлов, командир на Доброволното противпожарно друштво Свети Николе, учествуваше на панел-дискусија во Скопје посветена на противпожарната заштита и подготвеноста за вонредни состојби. Во рамки на дискусијата беа разгледани дел од клучните предизвици со кои се соочуваат противпожарните…
Реални искуства од шумските пожари во функција на подобра подготвеност преку ENSURE
24/08/202625/08/2026
Реални искуства од шумските пожари во функција на подобра подготвеност преку ENSURE Доброволното противпожарно друштво Свети Николе продолжува да придонесува кон целите на проектот ENSURE преку своето директно учество во сложени интервенции на шумски пожари во Северна Македонија. За време на големиот пожар во Општина Македонски Брод, тимот на ДПД Свети Николе беше ангажиран како…
Заедно учиме англиски – нова активност во нашата организација
24/08/202625/08/2026
Започнуваме со изучување на англискиот јазик! Првиот час помина во пријатна атмосфера, со учење на нови зборови и изрази, разговор и многу позитивна енергија. Преку овие часови создаваме можности за учење, стекнување нови знаења и развивање нови вештини. The post Заедно учиме англиски – нова активност во нашата организација appeared…
Школа за водачи Голозинци 2026 во организација на СИМ
21/08/202624/08/2026
Во периодот од 13.08 до 19.08.2026 година, во Извидничкиот центар “Голозинци“, се одржа првиот дел од Школата за Водачи ’26. На школата учествуваа членови од повеќе извиднички одреди: ИПО “Јадран’’ , ИПО “Крсте Јон’’ , Прв Скопски Извиднички Одред, ИО ,“Гоце Делчев“ , ИО “Методиј Митевски-Брицо“ ИО “Мирко Милевски“ ,…
Менторска и коучинг поддршка за корисниците на 𝑩𝒖𝒔𝒊𝒏𝒆𝒔𝒔 𝑯𝒖𝒃
20/08/202624/08/2026
Во рамки на проектот „Заедно сме посилни 2“, кој го имплементираме со поддршка од Фондација Kvinna Till Kvinna, се реализираа активности за обезбедување менторска и коучинг поддршка за корисниците на Business Hub. Менторската и коучинг поддршка претставува индивидуализиран процес преку кој корисниците добиваат насоки, совети и практична поддршка во согласност…
YMLP 2026 – лидерство, самодоверба и незаборавни искуства
19/08/202620/08/2026
Последни новости YMLP 2026 – лидерство, самодоверба и незаборавни искуства Од 8 до 11 јули 2026 година, група средношколци од различни градови низ Македонија се собраа во Битола на кампот YMLP 2026 (Young Men’s Leadership Project) – лидерско и авантуристичко искуство организирано од ИМКА Македонија во партнерство со волонтерите на Мировниот корпус, алумни и локални волонтери. Иако со помал број учесници, YMLP Кампот овозможи секој млад човек да добие индивидуално внимание, да изгради искрени пријателства и да се предизвика себеси преку активности насочени кон развој на лидерски способности, самодоверба и личен раст. Во текот на четирите дена, учесниците работеа на теми поврзани со столбовите на ИМКА – личен развој, лидерство, заштита на животната средина, граѓанска одговорност и кариерен развој. Преку интерактивни работилници, тимски предизвици и практично учење, тие ги препознаваа своите силни страни, ги развиваа комуникациските вештини, учеа да решаваат проблеми во тим и размислуваа како можат позитивно да придонесат во своите училишта и локални заедници. Едукативниот дел беше надополнет со бројни рекреативни и активности на отворено. Учесниците уживаа во куглање, флег-фудбал, олимписки игри, водени предизвици и креативни активности кои поттикнуваа тимска работа и здрав натпреварувачки дух. Еден од најнезаборавните моменти беше кампувањето во Националниот парк Пелистер. Момчињата ноќеваа во шатори, се дружеа околу логорски оган со традиционалните s’mores, го поминаа адреналинскиот парк, пешачеа низ шумските патеки и заеднички решаваа симулација на авионска несреќа, активност која ги стави на тест нивните комуникациски вештини, лидерски способности и носење одлуки под притисок. За самите учесници, најголемата вредност на кампот беа пријателствата и чувството на заедништво. Еден учесник сподели: Спортските активности, огромната количина смеа меѓу нас и запознавањето нови луѓе. Друг учесник го сумираше своето искуство: Активностите беа одлични, луѓето, персоналот – сè беше одлично. Други како највпечатлив дел го издвоија престојот во природа: Кампувањето во шатори, s’mores и стекнувањето нови пријателства. Кампот на Пелистер. Влијанието на YMLP кампот продолжи и по враќањето дома, а родителите забележаа значајни позитивни промени кај своите синови. Еден родител сподели особено емотивно искуство: Мојот син не сака многу да зборува. Најчесто одговара само со ‘да’ или ‘не’ и ретко раскажува што му се случувало во текот на денот. Откако се врати од кампот, стана многу поотворен. Почна да зборува за своите планови, да бара совет и помош, а покажа и поголем интерес за локални прашања како загадувањето, отпадот, планинарските и велосипедските патеки. Почна да ми раскажува како му поминал денот и што правел со пријателите. За мене како родител, тоа е огромна позитивна промена. И други родители забележаа охрабрувачки промени: Подобрени комуникациски вештини. Порасположен, посамоуверен и полн со позитивни впечатоци. YMLP кампот е многу повеќе од четиридневно летно искуство – тој претставува почеток на подолг лидерски пат. Следната година, учесниците ќе имаат можност да аплицираат за програмата Counselors-in-Training (CiT). Оваа програма е дел од целогодишната Leaders-in-Training (LIT) програма на ИМКА Македонија, преку која младите стекнуваат лидерски, менторски, комуникациски и волонтерски вештини, подготвувајќи се да станат идни советници на камповите и лидери во своите заедници. Преку кампот YMLP, ИМКА Македонија продолжува да инвестира во младите, помагајќи им да изградат самодоверба, цврст карактер и практични лидерски вештини што ќе им овозможат позитивно да придонесуваат во своите семејства, училишта и локални заедници.