Сцената со психоактивните супстанции се менува брзо. На пазарот постојано се појавуваат Нови Психоактивни Супстанции (НПС) кои се неиспитани, непредвидливи и носат сериозни ризици. Знаеме дека е тешко да се најде вистинско, брзо и, најважно, проверено инфо или поддршка за овие предизвици.

Кога работите ќе станат тешки, треба тивок и сигурен простор за да зборуваш – без осуда, без драма, без „фаци“. Некои муабети не можеш да ги отвориш со било кој, и тоа е сосема во ред.

Нашето решение: Проектот Next Gen Harm Reduction

Како дел од проектот Next Gen Harm Reduction (NEHRD), нашата визија е да понудиме поддршка што е стручна и достапна. Ние веруваме дека информацијата и поддршката спасуваат животи, особено кога се работи за непознати ризици.

Затоа, понудивме решение што го задоволува најважниот услов: FULL PRIVACY и анонимност.

Директна линија со експерт: д-р Дарко на Telegram

Од четврток, 13.11.2025 можеш да закажеш целосно анонимен разговор со д-р Дарко, специјалист психијатар за зависности.

Што добиваш?

• Директна комуникација: Повик преку Telegram (аудио или видео, ти си одлучуваш!).
• Анонимност 100%: Твојот број нема да биде видлив (ако си ги наместиш Telegram поставките).
• Време за тебе: Секоја сесија трае до 30 минути – право во поента.
• Доверливо и Бесплатно: Разговорите се ТОТАЛНО БЕСПЛАТНИ и FULL DОVЕРЛИВИ.
• Ограничен број: Се закажуваат однапред – max 4 термини неделно.

Како до својот термин?

1. Отвори го Telegram-от.
2. Побарај: @hops_sovetuvanje
3. Испрати порака: „Сакам да закажам советување со д-р Дарко. Кога е слободно?“

Chat Support: Брз совет од ХОПС

Не можеш да чекаш термин, или ти треба брза информација?

Додека чекаш (или во било кое друго време), можеш да се консултираш преку чат со социјален работник од ХОПС. Овие луѓе се експерти за намалување на штети и поддршка за безбедна употреба.

Без осуда. Без обврски. Само разговор – тогаш кога ти треба.

Keep it safe. Keep it real.

Искажаните ставови и мислења се само на авторот(ите) и не мора да ги одразуваат ставовите на Европската унија . Ниту Европската унија, ниту телото надлежно за доделување на грантот не можат да сносат одговорност за нив.

The post Директна линија со експерт: д-р Дарко, специјалист психијатар за зависности. appeared first on ХОПС.

Оваа вест изворно е објавена на веб-страната на Здружение ХОПС – Опции за здрав живот Скопје