Bure-Cycle: Иновативно решение за одржлива урбана мобилност

Reference No. MKD25_0010 – 01
Времетраење на проектот: 1 септември 2025 – 31 мај 2026

Eco Logic ја претставува иницијативата Bure-Cycle, развиена со цел да придонесе кон одржлива урбана мобилност и подобрување на квалитетот на јавните простори преку принципите на циркуларната економија.
Производот претставува модел на велосипедски паркинзи изработени од пренаменети метални буриња и искористени внатрешни гуми од велосипеди – материјали кои вообичаено завршуваат како отпад. Со нивна повторна употреба се овозможува рационално управување со ресурси и намалување на еколошкиот отпечаток.

Модел заснован на циркуларни принципи

Bure-Cycle претставува пример за практична примена на циркуларната економија во урбана средина. Проектот ги интегрира одржливоста, функционалниот дизајн и локалната општествена вклученост.
Главните придобивки вклучуваат:

• Намалување на количината отпад и продолжување на животниот циклус на материјалите
• Оптимизација на ресурсите преку избегнување на употреба на нови материјали
• Изработување на производ со модерен, функционален и визуелно прилагодлив дизајн

Во процесот на изработка активно се вклучуваат ученици и локални занаетчии, чија креативност и занаетчиски вештини обезбедуваат оригинални решенија, додека истовремено се зајакнува чувството на заедништво и еколошка одговорност.

Финансиска поддршка и партнерства

Eco Logic е корисник на грант за развој и имплементација на Bure-Cycle во рамки на проектот:
„Граѓанското општество и младите за инклузивен и одржлив развој преку циркуларна економија во Северна Македонија“.

Проектот е финансиран од Европската Унија и се спроведува од Луѓе во Потреба (People in Need – PIN), во партнерство со:

• АРНО
• Лидери за Едукација, Активизам и Развој (LEAD)
• Ековита

Воведување нови стандарди за урбана одржливост

Bure-Cycle претставува почеток на нов пристап во развивање практични, исплатливи и одржливи решенија за јавни и образовни простори. Во наредниот период ќе следуваат активности насочени кон развој на прототипи, тестирање и промоција на производот во заедницата.

Ова претставува значаен чекор кон градење на поодржлива и поорганизирана урбана инфраструктура, во која граѓаните имаат активна улога во создавањето позитивни промени.