Втор состанок на мрежата на адвокати и правници кои обезбедуваат поддршка на жени жртви на насилство
Мрежата на Советот на Европа составена од специјализирани адвокати и НВО кои oбезбедуваат поддршка за жени жртви на насилство го одржа својот втор состанок на 18-19 септември 2025 година во Стразбур, посветен на темата „Обезбедување правна помош и застапување на мигранти, баратели на азил и бегалци, жртви на родово базирано насилство, преку стратешко застапување“. Христина Здравеска, правничка во СТАНИЦА ПЕТ, која е дел од оваа мрежа, учествуваше на состанокот заедно со независни адвокати и претставници од специјализирани женски организации кои обезбедуваат правно застапување на жртвите на родово базирано насилство од 26 земји-членки на Советот на Европа. Оваа мрежа во својата работа се фокусира на зајакнување на капацитетите за застапување, вмрежување и поттикнување на соработка.
Состанокот им овозможи на учесниците да споделат искуства во застапувањето на жени жртви на насилство во постапките за азил, апликации за самостојни дозволи за престој во контекст на семејно насилство и влијанието на условите во центрите за прием на азил. Беа дискутирани различни пристапи за надминување на пречките со кои се соочуваат жените мигрантки, барателки на азил во застапувањето пред националните и меѓународните судови, како и за идентификување на ефективни стратегии за успешно водење судски постапки.
![[Aggregator] Downloaded image for imported item #51760](https://civicamobilitas.mk/wp-content/uploads/2026/10/viber_image_2026-10-01_17-18-23-732-e1791386995528_mcms-768x512.jpg)
![[Aggregator] Downloaded image for imported item #51688](https://civicamobilitas.mk/wp-content/uploads/2026/10/840133774_17959130763235552_502814887244435070_n-768x512.jpg)
![[Aggregator] Downloaded image for imported item #51690](https://civicamobilitas.mk/wp-content/uploads/2026/10/835640454_10243132301386325_6319941414456541047_n-768x358.jpg)
