Со нетрпение го очекувавме почетокот на учебната година, со цел да ги поддржиме децата што доаѓаат од семејства во социјален ризик и да им обезбедиме училишен прибор што ќе им помогне да започнат со подготовка за училиште. Како и претходните години, решивме да организираме иницијатива за собирање материјали и донации, но оваа година се соочивме со предизвици што ни покажаа колку е важно да се мобилизираат повеќе луѓе околу вакви активности.

На 2 и 3 септември 2025 година, нашите волонтери работеа пред книжарниците на „Тримакс“, информирајќи ги граѓаните за можноста да придонесат. Успеавме да собереме 250 денари и неколку тетратки, моливи, боички и друг училишен материјал. Иако количината не ги исполни нашите првични очекувања, секој придонес е вреден и ќе направи разлика за децата што ќе ги добијат.

Би сакале да им се заблагодариме на сите што учествуваа – волонтерите што го посветија своето време, но и на секој граѓанин што донираше материјал или средства. Целта на оваа иницијатива е да собереме училишен прибор и истовремено да ја покажеме солидарноста, заедништвото и активната поддршкаЦелта на оваа иницијатива е да собереме училишен прибор и истовремено да ја покажеме солидарноста, заедништвото и поддршката за децата што се социјално загрозени.

Апелираме до сите што можат да помогнат – со материјал, време или идеи – да се приклучат. Вашиот придонес, без разлика колку мал, има директно влијание и ја гради заедницата околу нас. Заедно можеме да создадеме повеќе можности и да покажеме дека секое дете заслужува подготвен почеток на учебната година.

Aкцијата продолжува!

За повеќе информации за следната акција, следете нè на LinkedIn, Facebook и Instagram или пишете ни директно на email: hops@hops.org.mk

The post Солидарност за подобра иднина: Акцијата продолжува! appeared first on ХОПС.

This post was originally published on this site