Copy Of Nonprofit Cyber More Than A Password Day Cards 2024

Nonprofit Cyber објави ажурирани упатства за лозинки за да ја одбележи втората годишнина од „More Than A Password Day“ 

Коалицијата на непрофитни организации ја објавува втората верзија на Заедничкото упатство за лозинки со 132 потписници на глобално ниво.

12 ноември 2024 година — Заштитата на вашиот идентитет на интернет и податоците никогаш не била покритична. „More Than A Password Day“ е глобално движење кое има за цел да ја нагласи важноста на посилната автентикација на интернет и да собере поддршка за неопходно упатство за лозинки за бизниси и поединци.

Итна потреба за посилна автентикација

Неодамнешните податоци од глобалното истражување на Институтот за кибер-подготвеност од 2024 година откриваат дека свесноста и имплементацијата на автентикација со повеќе фактори останува неверојатно ниска кај малите и средни бизниси. Речиси шест од десет мали и средни бизниси (58%) остануваат несвесни за суштинската улога на автентикацијата со повеќе фактори во кибербезбедноста и само 35% низ светот имаат имплементирано автентикација со повеќе фактори, со што милиони кориснички сметки остануваат незаштитени и изложени на неовластен пристап. Дополнително, помалку од еден — од пет мали и средни бизниси ги спроведува барањата за автентикација со повеќе фактори внатрешно, а неверојатни 85% од малите и средни бизниси не го бараат тоа за трети лица, партнери, добавувачи или клиенти кои пристапуваат до нивните системи — превид што ја засилува нивната изложеност на потенцијални прекршувања. (Линк до извештајот на CRI).

More Than A Password Day“ не е само потсетник, туку и повик за дејствување. Со зголемени закани засновани на идентитет и легитимни акредитации кои се дел од повеќе од половина од кибер-нападите врз виталната инфраструктура, според Американската агенција за кибер и инфраструктурна безбедност, неопходно е бизнисите да дејствуваат за да се заштитат себеси и своите засегнати страни.

Оваа година, „More Than A Password Day“ претставува решавачки момент за усвојување посилни практики за управување со идентитетот и поттикнување на широко распространето спроведување на автентикација со повеќе фактори. Покрај ширењето на добри практики, оваа година го поздравуваме и спроведувањето на автентикација со повеќе фактори на нови платформи.

„Во денешниот пејзаж, заканите на идентитет продолжуваат да растат и од клучно знаење е да прифатиме автентикација со повеќе фактори и проактивни мерки за управување со идентитетот за да бидеме чекор пред напаѓачите. „More Than A Password Day“ ги повикува сите организации да размислат и да ги зајакнат своите стратегии за заштита на идентитетот — не само за да ги заштитат своите системи, туку и да ја заштитат приватноста и довербата на корисниците и клиентите. Денес, ги преземаме првите чекори кон задолжителна автентикација со повеќе фактори за сите кориснички сметки на Проектот за безбедност на отворени веб-апликации, рече Ендрју ван дер Сток, извршен директор на Проектот за безбедност на отворени веб-апликации.

Aжурирање на заедничкото упатство за лозинки

Nonprofit Cyber денеска објавува ажурирана верзија на Заштита на вашите сметки и уреди: заедничко упатство за лозинки. Овие сеопфатни препораки се создадени да им овозможат на поединците и малите бизниси пристапни и остварливи чекори за подобрување на нивната безбедност на интернет.

Заедничкото упатство за лозинки веќе е одобрено од 132 организации низ светот. Потписниците вклучуваат непрофитни организации за кибер-безбедност и приватност, компании, меѓувладини организации, како и самите владини организации. Ги повикуваме другите да се пријават и да го спроведат ова упатство.

Преглед на Заедничкото упатство

  • Користете автентикација без лозинка: изберете автентикација без лозинка, како што се „passkeys”. Тие не само што се поедноставни за користење, туку и побезбедни од традиционалните лозинки.
  • Заштитете ја вашата корисничка сметка на електронска пошта: ако користите автентикација со лозинка за кориснички сметки на е-пошта, користете многу цврста лозинка и автентикација со повеќе фактори.
  • Додадете дополнителен слој на безбедност: употребете хардверски безбедносен клуч, апликација за автентикација или PIN преку SMS како „втор фактор, покрај вашата лозинка.
  • Користете „password manager”: Користењето на „password manager”може да ви помогне да креирате и складирате цврсти лозинки за сите ваши сметки на интернет.
  • Користете ги препорачаните техники за избирање лозинки: изберете црвсти лозинки што се памтат, преку техники како фрази за лозинка или методот „три случајни зборови”.
  • Ако сте хакирани: веднаш променете лозинки ако некои од вашите уреди се компромитирани или доколку некоја услуга на интернет што ја користите е хакирана. Избегнете ја употребата на исти лозинки и земете ја предвид можноста да се претплатите на услуги како што е https://haveibeenpwned.com/

Придружете се на глобалното движење

More Than A Password Day“ не е само одбележување, туку глобално движење. Поединци, организации и заедници низ светот се охрабруваат да учествуваат во преземање активности што ја прават заштитата на корисничките сметки на интернет и уредите побезбедна, како што се подигнување на свеста, редовно членство или комуникација со засегнатите страни и спроведување на употреба на посилни методи за автентикација.

More Than A Password Day“ не е само еден ден за подигнување на свеста, туку претставува континуирана посветеност за подобрување на дигиталната безбедност за секого. Тоа е заедничка одговорност и денес е одличен потсетник за влијанието што можеме да го имаме заедно”, рече Тони Сејџер, ко-претседател на Nonprofit Cyber и виш потпретседател на Центарот за интернет безбедност.

Овој глобален напор предводен од Nonprofit Cyber има за цел да ги поттикне сите поединци и мали бизниси да ја зајакнат безбедноста на интернет, придонесувајќи за побезбеден дигитален екосистем за секого.

Приклучи се на #MoreThanAPasswordDay и заеднички повторно да ја дефинираме безбедноста на интернет за побезбеден дигитален свет.

Дознај повеќе

За детални информации поврзани со “More Than A Password Day” и пристап до Заедничкото упатство за лозинки, посетете https://nonprofitcyber.org/common-guidance-on-passwords/.

Повеќе околу Nonprofit Cyber

Nonprofit Cyber е коалиција на глобални непрофитни организации формирани за подобрување на заедничка акција за подобрување на кибер-безбедноста. Сите членови на коалицијата се непрофитни организации кои му служат на јавниот интерес преку развивање, споделување, распоредување и зголемување на свеста за најдобрите практики, алатки, стандарди и услуги за кибер-безбедност.

Дознај повеќе на https://nonprofitcyber.org/. 

Оваа вест изворно е објавена на веб-страната на Фондација Метаморфозис

Продолжи со читање

  • Метаморфозис го одбележува Меѓународниот ден за универзален пристап до информации – 28 септември преку промоција на резултати од Индексот на отвореност на извршната власт

    Според Индексот на отвореност за 2024 година, исто како и претходната година, Владата на Северна Македонија е најотворена институција меѓу групите од извршната власт, министерства и органи на државната управа, исполнувајќи 77,32 % од критериумите. Во споредба со претходната година има забележано пад од минимален 1 отсто, кој се повторува втора година по ред. Фондација […]
    The post Метаморфозис го одбележува Меѓународниот ден за универзален пристап до информации – 28 септември преку промоција на резултати од Индексот на отвореност на извршната власт first appeared on Metamorphosis.

  • Програма за Текстилијада #9

    📢 ТЕКСТИЛИЈАДА 9 – Штип03–04 октомври 2025 📅 Петок, 03.10.2025 10:00 – Отворање на „Текстилијада 9“ – Откривање на мурал „Иднината

  • МЛАДИТЕ УЧЕА КАКО ДА ВРШАТ МОНИТОРИНГ НА РЕЧНИТЕ КОРИТА

    Младите од Општина Карпош, Општина Зелениково и Општина Ѓорче Петров, учеа како да вршат мониторинг на речните корита.

    Вчера, во Домот на култура во општина Ѓорче Петров се одржа едукативен настан посветен на мониторинг на водните текови, во организација на граѓанските организации Resource Environmental Center – REC North Macedonia, Center for Environmental Democracy – Florozon и Еко Логик.

    Настанот е дел од проектот „Брза проценка на водотеците на Западен Балкан – Фаза 2“, поддржан од U.S. Forest Service and Department of Defense EUCOM and Forest Service International Foundation.

    Настанот започна во 09:30 часот со едукативна сесија, по што следеше практична теренска вежба на реката Лепенец. Таму младите учесници и претставници од општините имаа можност директно да ја применат СВАП методологијата (Stream Visual Assessment Protocol) и да научат како се проценува состојбата на едно речно корито. Дополнително, беа идентификувани и жешки точки долж реката Лепенец.

    Целта на овој настан беше да ги запознае младите и претставниците од општините со современи методи за проценка на квалитетот на водните текови, да ги зајакне капацитетите на локалните чинители – институции, граѓански организации и експерти, како и да поттикне поширока јавна дискусија за заштита и одржливо управување со водните ресурси.

    Настанот беше наменет за млади на возраст од 15 до 30 години како и за претсавници од општините од општините Карпош, Зелениково и Ѓорче Петров, кои преку интерактивна едукација и теренска работа стекнаа нови знаења и вештини за мониторинг и заштита на речните корита.

  • Младите од општина Карпош, општина Зелениково и општина Ѓорче Петров,  учеа како да вршат мониторинг на речните корита

    Скопје, 24 септември 2025 година Вчера, во Домот на култура во општина Ѓорче Петров се одржа едукативен настан посветен на мониторинг на водните текови, во организација на граѓанските организации Центар за ресурси во животната средина (РЕЦ) – Северна Македонија, ФЛОРОЗОН – Центар за еколошка демократија и Еко Логик. Настанот е дел од проектот „Брза проценка […]

  • Локалната самоуправа сè уште далеку од вистинска отвореност – просекот порасна на 40%

    Фондација Метаморфозис и Рурална Коалиција ги претставија наодите од Процената на доброто владеење во единиците на локалната самоуправа во Република Северна Македонија изготвена преку Индексот на отвореност за 2025 година на тематскиот форум „Отворена општина – активна заедница“. Процената претставува длабинска анализа на работата на локалната самоуправа која дава резиме на вкупните перформанси на локалната […]
    The post Локалната самоуправа сè уште далеку од вистинска отвореност – просекот порасна на 40% first appeared on Metamorphosis.

  • Пријави се за коучинг сесија за справување со родово базирано сајбер насилство во Штип

    Иницијатива за европска перспектива во партнерство со ГО Заеднички вредности а во рамки на проектот Младите жени против онлајн насилство, започнува спроведување на групни коучинг сесии во 4 градови низ земјата (Скопје, Куманово, Штип, Струмица).  ✨ Што добиваш?🔹 Специјално развиена програма за коучинг🔹 Мултисекторско учење: правници, психолози и експерти за сајбер-безбедност Повикот…

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор