Screenshot

Проект: „LocalActiveMedia“

ОдФондација за развој на локалната заедница Штип

Проект: „LocalActiveMedia“

Поддршка: National Endowment for Democracy (NED)

Општа цел: Да се зајакнат групите на локалната заедница во источниот и југоисточниот регион на Северна Македонија, со пристап и вештини за создавање сопствен канал за комуникација за пристап до јавната сфера и за влијание врз јавните политики на локално и државно ниво.

Специфични цели:

  • Да се процени знаењето, потребите и преференциите на групите на локалната заедница во два региона на Северна Македонија. Врз основа на нивното учество во јавната сфера да се развие програмски концепт за карактеристичен модел на медиумска платформа на заедницата што ќе произведува и дистрибуира содржина од интерес за локалните заедници и групи;
  • Да се изградат и зајакнат капацитетите на невладините организации на локално ниво, за креирање содржини и комуникациски пораки, односно за влијание врз локалните и државните политики преку нова медиумска платформа на заедницата.

Предвидени активности:

  • Проценка на знаењата, потребите и преференциите на групите на локалната заедница во однос на нивните права за комуникација;
  • Развивање на концептот за медиумска платформа на локалната заедница;
  • Развивање на модули за обука за групи во заедницата;
  • Реализација на модули за обука со групи во заедницата и производство на програмски содржини за медиумската платформа на заедницата;
  • Развој на онлајн платформата на заедницата и објавување на произведени содржини од групите на заедницата.

Очекувани резултати:

  • Подготвен извештај за проценка, кој ќе идентификува најмалку 20 теми и прашања (индикатори) кои ќе се продуцираат за време на обуката. Извештајот за проценка ќе се објавува во електронска форма и ќе биде доставен до сите локални граѓански организации, локални општини, медиумски регулатор, релевантни министерства и сите други релевантни чинители.
  • Развиен програмски концепт за медиумската платформа за елаборирање на сите релевантни аспекти за воспоставување и функционирање на платформата: правни, технички, производствени, програмски и организациски прашања, како и визија, мисија, тематска посветеност, ресурси и целна публика на платформата (квалитативни индикатори).
  • Развиен модул за обука за медиумската платформа на заедницата за инкорпорирање на различни аспекти неопходни за градење на комуникациските вештини на претставниците на локалните граѓански организации: избор на релевантни теми, пишување ефективни и привлечни вести, пишување стории за различни медиуми, почитување на правните и етичките стандарди (квалитативни индикатори).
  • Изградени и зајакнати капацитетите на локалните граѓански организации за креирање содржина и комуникациски пораки преку нивната медиумска платформа на заедницата, со најмалку 20 произведени стории на медиумската платформа на заедницата #LocalActive.
  • Креирана медиумска платформа на заедницата # LocalActive, со најмалку 20 објавени стории и 4 радио емисии емитувани на Студентското радио.

Временската рамка за спроведување на целиот проект е од 1ви јули 2022 – 30ти јуни 2023 година, а вкупниот буџет изнесува 75.000,00 УСД.

Проектот „ LocalActiveMedia “ е спроведуван со партнерство помеѓу „Фондацијата за развој на локалната заедница – Штип“ и „Институт за истражување на општествениот развој, RESIS-Скопје“.

Контакт лице: Борис Шарковски

E-mail: bsarkovski@frlz.org.mk

Телефон: +389 75 496 772

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор