OPM MBA 620x330

Македонската банкарска асоцијација и Организацијата на потрошувачи на Македонија потпишаа Меморандум за соработка

ОдОрганизација на потрошувачите на Македонија Скопје (ОПМ)

Денес, во просториите на Македонската банкарска асоцијација, д-р Маја Стевкова-Штериева, претседател на Македонската банкарска асоцијација (МБА) и д-р Маријана Лончар-Велкова, претседател на Организацијата на потрошувачите на Македонија (ОПМ) потпишаа Меморандум за соработка.

Целта на овој Меморандум е развој и унапредување на финансиската писменост, како и финансиските услуги кои ги нудат банките и штедилниците во полза на потрошувачите – физички лица кои се јавуваат како корисници на таквите услуги,  како и подобра  соработка на  вклучените страни во рамки на наведените активности.

Соработката ќе се реализира преку заеднички активности за организирање настани од едукативен карактер, реализација на подобра информираност на потрошувачите преку заедничка изработка на информативни материјали, унапредување на законските и подзаконските акти, понатамошно подигнување на општествената одговорност на членките на МБА и запознавање на потрошувачите, промовирање на принципи на одговорно банкарство и други активности.

Предмет на соработка претставува и поттикнување на фер однос кон потрошувачите од страна на членките на МБА, што подразбира давање веродостојни и навремени информации за финансиските производи и услуги кои треба да бидат транспарентно објавени и искомуницирани,  а воедно и едукација на потрошувачите да доставуваат вистинити и целосни податоци значајни за пружањето на финансиските услуги.

Потпишувањето на овој Меморандум, на долгорочен план, ќе доведе до поголема доверба и зајакнување на  соработката помеѓу членките на Македонската банкарска асоцијација и нивните клиенти претставени преку Организацијата на потрошувачите на Македонија.

Продолжи со читање

  • Јавен надзор над јавните набавки: неправилности и отстапувања во три големи јавни набавки

    СООПШТЕНИЕ ЗА МЕДИУМИ Денес, 19 март 2026 година, Центарот за граѓански комуникации го објави истражувањето Јавен надзор над јавните набавки: Студии на случај (издание бр.1). Издвојуваме дел од клучните наоди: 1. Тендер за корисниците на народни кујни во Скопје: За 1,5 милиони евра, храната се дели на улица и не секогаш според договореното Договорот за јавна набавка на готови оброци за корисниците на народни кујни во вредност од 1,5 милион евра не се спроведува во…

  • Превенција што дава резултати: објавени националните стандарди за превенција од употреба на дроги

    ХОПС – Опции за здрав живот Скопје го објави документот „Национални стандарди за превенција од употреба на дроги“, развиен во рамките на проектот за воспоставување национален систем за превенција во средните училишта, со поддршка од Европската Унија. Овие стандарди претставуваат сеопфатна рамка за планирање, спроведување, следење и проценка на превентивните активности на национално и локално […]
    The post Превенција што дава резултати: објавени националните стандарди за превенција од употреба на дроги appeared first on ХОПС.

  • Легалната миграција и правата на странците во фокус на втората тематска дискусија

    На 10 март 2026 година, во хотел Холидеј Ин во Скопје, се одржа настанот „Легална миграција и правата на странците: состојби и предизвици“, како продолжение на дискусијата одржана на 16 декември 2025 година. Настанот беше организиран од Македонското здружение на млади правници (МЗМП), во рамките […]
    The post Легалната миграција и правата на странците во фокус на втората тематска дискусија appeared first on Myla.

  • Благодарница за организација и постигнати резултати во крводарителството и покажана хуманост и солидарност

    На 17.3.2026 год. (вторник), по повод 17 март – Ден на крводарителството во конференциската сала во хотел Интернационал во организација на Црвениот крст на Република Северна Македонија – Општинска организација Велес се организираше Свечен настан за доделување на јубилејни признанија за крводарителството. Во рамките на овој настан беше доделена Благодарница…

  • Метаморфозис објави истражување за ефектите од дезинформациите и странските влијанија врз демократските процеси

    Фондацијата „Метаморфозис“ го објави истражувањето „Ефектот на дезинформациите и странските влијанија врз демократските процеси во Северна Македонија во 2025 година“, кое анализира како дезинформациите и пропагандните наративи влијаат врз јавната дебата, довербата во институциите и учеството на граѓаните во демократските процеси. Истражувањето комбинира анализа на дезинформациски наративи и анкета на репрезентативен национален примерок, со што […]

  • Како да се сопре падот на критичкото размислување?

    Критичкото размислување е основа на демократските општества, но и на научното истражување и на интелектуалната слобода и независност. Во рамките на една функционална демократија критичкото размислување им помага на граѓаните да ги оневозможуваат злоупотребите на власта и да им се спротивстават на манипулациите. Тоа е и вештина што филозофите, од Сократ до Џон Стјуарт Мил, […]

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор