20171117 Anima vest

Вегефест – револуција која почнува во твојата чинија, за права на животните!

ОдЗдружение за заштита на животни Анима Мунди, Скопје

Анима мунди го организира шестиот по ред Вегефест, фестивал со кој се промовираат здрави, еколошки прифатливи и морално исправни принципи и начин на живеење. Овој пат, тој ќе се одржи на 19 ноември со почеток од 11:00 часот во Младинскиот културен центар.

Богатата програма се состои од спортски и забавен дел, штандови со достапна веганска храна и производи, музички настапи и перформанс на акробатите од жонглерското студио Фаз бабл, како и детско катче со танци, магионичари и едукативни работилници за деца.

Паралелно, ќе се одвива циклус предавања и тоа: Елисавета Димковска, студентка по нутриционизам, ќе зборува за веганската исхрана и протеините за спортистите; Влатко Таневски, основач на ВТ диет клубот во Битола, ќе ги урне митовите за веганската исхрана; Елена Најческа, фитнес инструкторка, ќе дискутира за растителните извори на калциум; Александар Дренковски, основач на Кинетикс фитнес студиото, ќе го одржи предавањето „Твојата чинија те убива: од атеросклероза до сексуална дисфункција“; а за разликите во ефектот врз здравјето на веганската и вегетаријанската исхрана ќе дискутира д-р Александар Митов, главен стручен консултант за владината кампања за здрава храна „Здравјето е избор“.

Основната порака на настанот е дека револуцијата за правата на животните започнува од  принципите и животните навики на секој поединец. Преку него, од здружението повикуваат на хуманост, сочувство, совесност и правичност кон секое живо битие, и се борат против експлоатација и дискриминација на животните.

Здружението за заштита на животните Анима мунди е корисник на институционален грант од Цивика мобилитас. За повеќе информации околу ова, посетете го нивниот профил.

Продолжи со читање

  • #Фискалната отчетност во фокусот на нашата сторија на Civica Mobilitas

    #Фискалната отчетност во фокусот на нашата сторија во изданијата на Civica Mobilitas и Македонски центар за меѓународна соработка – МЦМС пред крајот на 2025.
    The post #Фискалната отчетност во фокусот на нашата сторија на Civica Mobilitas first appeared on Finance Think.
    The post #Фискалната отчетност во фокусот на нашата сторија на Civica Mobilitas appeared first on Finance Think.

  • Нова Студија за политиките 57!

    Нова Студија за политиките Анализираме како јавните финансии се претвораат (или не) во подобри исходи во образованието и здравството во шест земји од Западен Балкан, користејќи панел податоци за периодот 2006–2020 и CMP методологија. Клучни наоди: • Не е доволно колку трошиме — важно е како трошиме: подоброто извршување на буџетот е клучниот канал преку […]
    The post Нова Студија за политиките 57! first appeared on Finance Think.
    The post Нова Студија за политиките 57! appeared first on Finance Think.

  • Тркалезна маса помеѓу донесувачи на одлуки и млади на локално ниво

    Во рамки на проектот „Младите се гласот на промените во општините“, во Прилеп  се одржа Тркалезна маса помеѓу донесувачи на одлуки и млади на локално ниво на кој учество зедоа градоначалниците на Општина Прилеп и Општина Крушево, членови на советите на двете општини, претставници на локални здруженија, младински активисти и млади од Прилеп и Крушево. 

  • Предновогодиншна волонтерска забава

    На 26.12.2025год. (петок) во просториите на Младиснкиот Центар Матично во Скопје, се одржа традиционалната предновогодиншна волонтерска забава организирана од страна на Сојуз на извидници на Македонија . На оваа забава имаше гости од страна на секој одред во државава, а воедно од нашиот одред учество земаа 15 членови. The post…

  • ЛИКОВНА ИЗЛОЖБА „ЕКО ПЕРСПЕКТИВИ ЗА ПРИЛЕП“ ЗА ТРЕТИОТ #ЗЕЛЕНПЕТОК

    Во рамки на иницијативата #ЗеленПеток, се одржа ликовната изложба „Еко перспективиза Прилеп“, како дел од третата по ред месечна акција #ЗеленПеток, посветена наподигнување на еколошката свест и поттикнување активен дијалог во заедницата. Изложбата ги претстави уметничките изработки на млади учесници од Прилеп, создадениза време на едукативна ликовна работилница реализирана во ноември 2025 година, ворамки на…

  • Национална конференција „Младите во борбата против корупцијата“

    Во рамки на проектот „Иновативно антикорупциско застапување и младинско ангажирање во Северна Македонија“ беше организирана Национална завршна конференција „Младите во борбата против корупцијата“. На конференцијата се собраа граѓански организации, креатори на политики, младински лидери и членови на заедницата за да дискутираат за резултатите од проектот.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор