![[Aggregator] Downloaded image for imported item #47781](https://civicamobilitas.mk/wp-content/uploads/2026/05/1-768x1024-1.jpg)
#Зелен Петок 7: Нашата акција, нашата природа, наша одговорност!
Здружението СТАНИЦА ПЕТ во соработка со ЈКП Комуналец – Прилеп организираше акција за чистење на јавна површина кај Вештачкото езеро – Излетнички ливади. Преку иницијативата „Зелен петок“ поттикнуваме поголема грижа за животната средина, заедничка одговорност и активно учество на граѓаните во зачувувањето на јавните простори.
Целта на акцијата беше чистење на јавна површина и подигнување на свеста кај граѓаните за значењето на заштитата на животната средина и одговорното однесување кон природата.
Во акцијата учествуваа околу 40 активисти, волонтери, граѓани и претставници од партнерските институции, кои заеднички придонесоа за собирање и отстранување на отпадот од една од најпосетените рекреативни локации во Прилеп. Според податоците од ЈКП Комуналец – Прилеп, во акцијата беше собран над 5 м³ отпад, кој е соодветно одложен на депонијата во Алинци.
ЈКП Комуналец Прилеп обезбеди заштитни ракавици, пластични кеси и контејнер за отпад, додека Здружението СТАНИЦА ПЕТ обезбеди освежување за сите учесници.
Со оваа иницијатива испраќаме јасна порака дека заедничката акција носи видливи резултати, а грижата за животната средина започнува од секој поединец. Преку мали, но конкретни активности, можеме заеднички да создадеме почист, поздрав и поубав простор за живеење.
*Активноста е во рамки на проектот „Еко иницијатива: граѓаните и локалната власт во акција за заштита на животната средина!“, имплементиран од Здружение СТАНИЦА ПЕТ, во рамки на програмата за подгрантирање на проектот „Добро владеење во животната средина на Зелена Агенда за Западен Балкан”, имплементиран од Центарот за правни истражувања и анализи, Македонското здружение на млади правници и Фронт 21/42, а е финансиски поддржан од Европската унија.
#EUwithYоu, #ЕУсоТебе, #goodgovernance4greenagenda #добровладеењезазеленаагенда #GG4GA
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
