Заедно да ги заштитиме шумите, животите и иднината од пожари

Донирајте и поддржете ја кампањата на ОПОП

ДПД Свети Николе започнува кампања за прибирање финансиски средства за набавка на специјализирано 4×4 противпожарно возило за шумски пожари и пожари на отворен простор.

Целта на кампањата е да се обезбедат 240.000 денари за возило кое ќе овозможи побрз и побезбеден пристап до шумски, рурални и тешко достапни локации, каде пожарите можат многу брзо да се прошират и да загрозат домови, земјоделски површини, шуми, животни и човечки животи.

ДПД Свети Николе е 91-годишна доброволна сила на заедницата. Друштвото брои над 50 членови, од кои 25 се доброволни пожарникари, а во изминатата година реализирани се повеќе од 50 интервенции. Новото возило ќе ја зголеми подготвеноста пред летната противпожарна сезона, ќе го скрати времето на реакција и ќе помогне во спречување поголеми штети по луѓето, имотите и природата.

Возилото ќе се користи при интервенции, превентивни патроли и поддршка на институциите, особено на терени каде пристапот е тежок со стандардни возила.

Зошто е важна поддршката?

• Побрза интервенција при шумски и пожари на отворен простор;
• Поголема безбедност за граѓаните, домовите и земјоделските површини;
• Подобра заштита на шумите и природата;
• Поддршка за 25 обучени доброволни пожарникари;
• Поголема подготвеност за повеќе од 50 интервенции годишно.

Доколку не се собере целосниот износ за возилото, донациите ќе бидат насочени кон набавка на неопходна противпожарна опрема: лична заштитна опрема за доброволци, моторни пили, црева, млазници, рачни алати и друга теренска опрема.

Кампањата трае до 30.07.2026 година.

Директна донација на жиро-сметка

Назив на примач:Доброволно противпожарно друштво Свети Николе

Банка: Стопанска банка АД Скопје Трансакциска сметка: 200000002169785

Даночен број: 4025986104485

Цел на уплата: Донација за набавка на противпожарно возило

Донации од странство / EUR

Назив на примач:Доброволно противпожарно друштво Свети Николе

Сметка: 200002878523298

IBAN: MK07200002878523298

SWIFT: STOBMK2X

Цел на уплата: Донација за набавка на противпожарно возило