Студиска посета во Босна и Херцеговина: Младински ангажман против корупцијата

Во рамките на проектот „Иновативно антикорупциско застапување и младинско ангажирање во Северна Македонија“,

реализиравме студиска посета во Босна и Херцеговина. Целта на оваа посета беше да се зајакнат знаењата и вештините на претставници на младинските и студентските организации во борбата против корупцијата и да се научат успешни модели и стратегии кои се применуваат во регионот.

Учесниците имаа шанса да се запознаат со локалните активисти и експерти кои веќе работат на терен во борбата против корупцијата, разменувајќи искуства и учејќи од нивните практики. Се зборуваше за важноста на транспарентноста, отчетноста и вклучувањето на младите како активни носители на промени во заедниците.

Клучните теми на оваа студиска посета вклучуваа:

· Развој на иновативни антикорупциски решенија

· Вклучување на младите во донесување одлуки и антикорупциски процеси

· Стратешки пристапи за зголемување на свеста и јавната ангажираност во борбата против корупцијата

Од оваа посета, учесниците добија нови перспективи и практични решенија што ќе ги применат во своите заедници, за да продолжат со антикорупциските напори и да работат на создавање на поотчетни и праведни општества.

Младите се движечка сила за позитивни промени, заедно можеме да се бориме против корупцијата и да креираме подобро општество.

Оваа активност е поддржана од проектот Иновативно антикорупциско застапување и младинско ангажирање во Северна Македонија финансиран од Европската Унија и СЕЛДИ нет. Искажаните содржини се единствена одговорност на Младински Совет Прилеп и не нужно ги одразуваат гледиштата на Европската Унија и СЕЛДИ нет.

Оваа вест изворно е објавена на веб-страната на Здружение МЛАДИНСКИ СОВЕТ Прилеп