Резиме од економската анализа на Програмата за партиципација при користењето на здравствена заштита на одделни заболувања на граѓаните и здравствена заштита на родилките и доенчињата
- Од 65,360 милиони денари, колку што изнесува буџетот за Програмата за партиципација за 2024 година, само 10 милиони денари се алоцирани за партиципација за породување и партиципација за специјалистичко-консултативно и болничко лекување на доенчиња. Притоа за родилки единствено е вклучена партиципација за породување (6 милиони денари), додека за доенчињата се покриени специјалистички лекарски прегледи на доенчиња; ортопедски лекарски преглед со ЕХО преглед на доенчиња и лекување на доенчиња до една година во болнички услови (4 милиони денари).
- Министерството за здравство во самото планирање не обезбедува доволно средства за плаќање на партиципација за сите породувања. Во Програмата за 2023 година и за 2024 година обезбедени се 6 милиони денари, односно средства за покривање на партиципација за само 2.850 жени.
- Во 2023 година во Република Северна Македонија има 16.737 живородени деца. Оттука може да се заклучи дека преку Програмата Министерството за здравство во континуитет генерира долгови спрема јавните здравствени установи каде што се вршат породувања, бидејќи планира партиципација само за 17% од породувањата.
- Во Програмата за 2023 година планирани се средства за покривање на партиципација за само 12.500 лекарски ортопедски преглед со ЕХО преглед на доенчиња до 1 (една) година. Земајќи предвид дека во 2023 година има 16,737 живородени, очигледно е дека преку Програмата Министерството за здравство генерира долгови и за овие здравствени услуги.
- Во оваа Програма до 2023 година неосигурените лица се опфатени само од аспект на партиципацијата на здравствените услуги за родилките и доенчињата, а не се опфатени од аспект на останатиот дел од трошокот на здравствената услуга. Меѓутоа, неосигурените лица се изоставени во Програмата за 2024 година.
- Се бележи отсуство на транспарентност и отчетност за спроведување на Програмата бидејќи за оваа Програма има последно објавен извештај за реализација за 2019 година, а во линкот за 2020 година е поставен извештај за партиципација на пензионерите.
- Од последно расположливиот извештај, воопшто не може да се оцени колку услуги во кои јавни здравствени установи се покриени преку програмата, колку неподмирени долгови се преостанати, ниту може да се увиди во кој износ се покриваат долгови од претходните години.
Резиме од економската анализа на Програмата за партиципација при користењето на здравствена заштита на одделни заболувања на граѓаните и здравствена заштита на родилките и доенчињата
![[Aggregator] Downloaded image for imported item #51760](https://civicamobilitas.mk/wp-content/uploads/2026/10/viber_image_2026-10-01_17-18-23-732-e1791386995528_mcms-768x512.jpg)
![[Aggregator] Downloaded image for imported item #51688](https://civicamobilitas.mk/wp-content/uploads/2026/10/840133774_17959130763235552_502814887244435070_n-768x512.jpg)
![[Aggregator] Downloaded image for imported item #51690](https://civicamobilitas.mk/wp-content/uploads/2026/10/835640454_10243132301386325_6319941414456541047_n-768x358.jpg)
