Промоција на ПЛАТФОРМА ЗЕМИ ЗДИВ 

Промоцијата на ПЛАТФОРМА ЗЕМИ ЗДИВ се одржа на 27.03.2019 година во малата сала на НУ Центар за култура Битола на која беше презентиран Извештајот за квалитетот на амбиенталниот воздух во Битола за месец Февруари 2019.
На настанот свое обраќање имаа основачите на Платформата ЗЕМИ ЗДИВ кои ги поздравија присутните граѓани и се заблагодарија за поддршката. Премиерно беше објавено промотивното видео на ЗЕМИ ЗДИВ и имаше одговори на прашања од граѓаните на Битола.
Платформата за следење на квалитетот на амбиенталниот воздух ЗЕМИ ЗДИВ Битола е основана од граѓанските организации
– ЦЕНТАР ЗА ЕВРОПСКИ РАЗВОЈ И ИНТЕГРАЦИЈА
– Младинска асоцијација ИМКА
– Здружение за одржлив развој СФЕРА МАКЕДОНИЈА
– Регионално географско друштво ГЕОСФЕРА
– Здружение на граѓани за советување поддршка на лица со карцином или лица кои се излечиле ЈАСМИН
Главни цели и задачи на платформата се:
– Генерирање на податоци во реално време за квалитетот на амбиенталниот воздух
– Инсталирање на сертифицирана сензорска мрежа
– Месечни и квартални извештаи за квалитетот на воздухот
– Подигање на јавната свест
– Идентификација на загадувачите
– Анализа и конкретни мерки
– Следење на ефектите од мерките
– Изнаоѓање на решенија
– Креирање на политики