[Aggregator] Downloaded image for imported item #51960

Промо Идеа и Новус ја претставија младинската мрежа за финансиска писменост на фестивалот „Ден на граѓанските организации“

ОдЦентар за развој и промоција Промо идеа Струмица

На 3 октомври 2026 година, во Градскиот парк во Скопје, се одржа фестивалот „Ден на граѓанските организации“, организиран од Цивика мобилитас. Настанот ги поврза граѓанските организации со граѓаните и овозможи претставување на нивната работа, размена на идеи и запознавање со иницијативи за подобрување на животот во заедниците. Програмата опфати интерактивни работилници, едукативни активности, презентации и музички настапи.

Промо Идеа – Струмица учествуваше на фестивалот заедно со партнерската организација Новус, во рамки на проектот „Мрежа за финансиска писменост на младите во Југоистокот“. На заедничкиот штанд беа претставени информации и промотивни материјали за мрежата, нејзините активности и можностите за вклучување на нови членови.

Во фокусот на претставувањето беше важноста на финансиската писменост за секојдневниот живот на младите — од планирање на личниот буџет и управување со трошоците, до штедење и носење информирани финансиски одлуки. Преку информативните флаери со QR-код, посетителите имаа можност да пристапат до дополнителни информации и да се регистрираат за учество во мрежата.

Мрежата, воспоставена во Југоисточниот регион, се проширува и кон младите од другите региони во државата. Членството е целосно доброволно и бесплатно, а овозможува добивање информации и покани за настани и обуки за финансиска писменост, како и едукативни материјали преку е-пошта.

Учеството на фестивалот беше можност Промо Идеа и Новус да ја доближат оваа иницијатива до пошироката јавност и да поттикнат поголем интерес за финансиско образование. Преку заедничките активности, двете организации продолжуваат да ги поддржуваат младите во стекнувањето практични знаења и вештини за посамостојно и поодговорно управување со личните финансии.

Оваа вест изворно е објавена на веб-страната на Здружение Центар за развој и промоција Промо идеа Струмица

Продолжи со читање

  • Високите цени ја надминаа корупцијата како клучен проблем, но расте прифатливоста и подложноста на корупција во Северна Македонија

    За разлика од 2021 и 2023 година, кога корупцијата беше идентификувана како најсериозен општествен проблем, во 2025 година граѓаните на Северна Македонија ги рангираат високите цени како своја главна грижа (46,6%), а корупцијата е веднаш зад нив (40,1%). Ова укажува дека инфлацијата, зголемените трошоци за живот и намалената куповна моќ ја зголемуваат економската несигурност, додека корупцијата и понатаму останува еден од клучните предизвици со кои се соочува општеството. 

  • Демир Капија: Жените бараат редовни средби со институциите и поголема поддршка за локалните иницијативи

    Демир Капија, октомври 2026 – Поголема вклученост на жените во локалното одлучување, редовни консултации со жителките од руралните средини и навремени повратни информации од институциите беа дел од главните теми на јавната дебата „Женското лидерство како огледало на заедницата“, одржана во Демир Капија. Дебатата ја организираше Хуманитарното здружение „Мајка“ – Куманово, во соработка со Организацијата […]

  • Младите од Струга во улога на новинари на работилница за медиумите на заедницата

    Средношколци од Струга учеа за медиумите на заедницата, разговараа за етиката во новинарството и за момент влегоа во улога на новинари. Тие предлагаа теми, анализираа како да ја обработат приказната и дискутираа колку е важно да се зборува јавно за проблемите на локалните заедници и да се бараат решенија.

  • Два дена партиципативно буџетирање со граѓаните на Општина Кисела Вода

    Во соработка со Општина Кисела Вода спроведовме процес на партиципативно буџетирање. Граѓаните ги споделија своите потреби, проблеми и предлози за подобрување на квалитетот на животот во општината. Тие ја препознаа иницијативата како корисна и изразија поддршка за организирање ваков тип на настани, кои овозможуваат нивните потреби и идеи да бидат слушнати. Следниот чекор е анализа […]
    The post Два дена партиципативно буџетирање со граѓаните на Општина Кисела Вода first appeared on Finance Think.
    The post Два дена партиципативно буџетирање со граѓаните на Општина Кисела Вода appeared first on Finance Think.

  • Ден на климатските промени – 4 Ноември

    Денес го обележивме 4ти ноември Денот на климатски промени со учество на Утринска програма на Телма телевизија со нашата  Тамара Радовановиќ Анѓелковска на која што разговаравме за активностите на нашата организација поврзани со заштита на животна средина и намалување/ адаптација на климатските промени.
    Зборувавме за тоа како локалните заедници можат да станат отпорни на климатски промени и зошто е тоа важно.
    Благодарност до редакцијата на Телма телевизија за поканата!
     

  • Од управување со миграциите до интеграција: Истражувањето во рамки на ФОСТЕР го анализира пристапот на странските државјани до права во Северна Македонија

    Миграцискиот профил на Северна Македонија се менува. Иако традиционално се препознава како транзитна земја, таа сè повеќе станува земја на дестинација за странски работници и други странски државјани што бараат подолгорочен престој. Според податоците презентирани во нашето истражување, бројот на странски работници се зголемил од […]
    The post Од управување со миграциите до интеграција: Истражувањето во рамки на ФОСТЕР го анализира пристапот на странските државјани до права во Северна Македонија appeared first on Myla.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор