Проект за зголемување на ефикасноста на Советот за утврдување факти
На 13 јуни 2017, во прес- центарот на Клубот на новинари, здруженијата Зелена лупа од Скопје и Јустиција од Куманово, одржаа прес- конференција со која го означија почетокот на проектот за промоција на Советот за утврдување на факти: „Да ја вратиме довербата во судовите- правда за секого“.
Слободан Богоевски, поранешен директор на УБК, потенцираше дека изборот на Советот е противуставен затоа што судиите не можат да ги избираат оние кои што треба да ја оценуваат нивната работа и да носат одлуки за неа.
Драган Томовски изјави дека процентот на ефикасност на Советот е поразително слаб бидејќи од 1000 иницијативи Советот постапил само по три, на што Сашо Поцевски, претседател на Советот реплицираше дека уште 14 други предмети се во фаза на разгледување и во постапка.
Заклучокот беше дека со почетокот на проектот е дадена можност на сите обесправени да се обратат до канцелариите во Скопје и Куманово, или пак сами да поднесат иницијатива до Советот за утврдување на факти, но дека е потребно време и многу труд да се исправат нанесените неправди од изминатите 10 години.
За време на настанот, освен претставници на двете здруженија присуствуваа и земаа збор и поранешните судија и обвинител Бранко Секуловски и Ѓорги Настевски.
Меѓу присутните се вброија и новинарот Томислав Кежаровски; судијата Илија Танев; докторот Дејан Ставриќ; претставници од случаите Шпион, Детонатор, Монструм, Ликвидација; поранешните директори на Охис и Славија; како и претставници на неправедно осудени лица од многу други случаи.
Здруженијата Зелена лупа од Скопје и Јустиција од Куманово се корисници на акциски грант на Цивика мобилитас.
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
