20190827 pina logo

Повик за учесници во Програма за жени новинарки

ОдCivica Mobilitas

Платформата за истражувачко новинарство и анализи – ПИНА објавува повик за учесници во Програмата за жени новинарки која е дел од нашиот проект – „Жени новинарки за посилно граѓанско општество“.

Целта на проектот е да ги зајакне капацитетите на жените новинарки во земјата преку обука и пракса во сферата на мобилното и мултимедијалното новинарство. Програмата за жени новинарки е поделена во два дела – обучувачки и практичен дел за мобилно новинарство, како и обучувачки и практичен дел за мултимедијално новинарство.

Обуката дава можности и за пракса и активна работа на теми кои се фокус на програмата според највисоки етички и професионални стандарди во новинарството.

За таа цел пожелно е пријавените кандидати да ги исполнуваат следните услови:

  • Да се студенти по новинарство, млади новинари или активни новинари.
  • Да имаат интерес за учење и напредок во сферата на медиумите и новинарството.
  • Да имаат интерес за мобилно новинарство, мултимедијално новинарство и нови дигитални алатки.
  • Да се стремат да работат според највисоки етички и професионални новинарски стандарди.
  • Да се креативни и посветени во работата и создавањето на финалните продукти од проектот.

Кандидатите освен што преку обука ќе имаат шанса да учат од странски експерт за мобилно новинарство, ќе бидат вклучени и во практична работа под менторство на домашни искусни новинари и експерти. Првата обука која е дел од програмата ќе се одржи во текот на септември. Од избраните кандидати се очекува да бидат посветени и вклучени во процесот на изработка на крајните видео и други медиумски продукти под водство на менторите и тимот на ПИНА.

Ќе бидат контактирани само оние апликанти кои ќе бидат селектирани. Повикот е отворен до 10 септември, апликации пристигнати по овој датум нема да бидат земени предвид.

Заинтересирани кандидати своето CV и контакти може да ги достават на info@pina.mk со назнака „За Програмата за жени новинарки“. Доколку заинтересираните апликанти имаат и дополнителни прашања за повикот, освен на мејлот на ПИНА може да ги испратат и на координаторката на проектот, Кристина Озимец, на ozimec3@gmail.com.

Во содржината на мејлот кандидатите треба да го нагласат нивниот интерес за програмата и дали се заинтересирани да учествуваат во:

  1. Делот за мобилно новинарство
  2. Делот за мултимедијално новинарство
  3. И за мобилно и за мултимедијално новинарство.

Проектот „Жени новинарки за посилно граѓанско општество“ се стреми да ја подобри состојбата на жените новинарки во медиумите и ПИНА ги охрабрува сите новинарки кои имаат интерес за подобрување на своите вештини во работата во медиумите да се пријават на повикот. Добредојдени се сите новинари со интерес за мобилно и мултимедијално новинарство и нивните апликации исто така ќе бидат земени предвид во крајната селекција на кандидатите.

ПИНА е акциски грантист на програмата Цивика мобилитас со проектот „Жени новинарки за посилно граѓанско општество“.

Продолжи со читање

  • МЦМС ја започна новата антикорупциска програма

    Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.

  • Потврда на долгогодишното македонско-холандско пријателство

    Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.

    „Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.

    Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
    Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
     

  • Презентиран Индексот на политички интегритет

    На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…

  • Bure-Cycle: Од отпад до иновативен велосипедски паркинг

    Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]

  • Младите уметници го освојуваат јавниот простор: PATS – Уметност за активизам и општествени промени

    Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]

  • Високите цени ја истиснаа корупцијата од првото место, но таа и понатаму е меѓу најголемите општествени предизвици

    За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор