Покана за настан „Работни места по мерка на семејствата: размена на најдобрите приоди од компаниите шампионки“

Конект и Фондот за население на Обединетите нации, со поддршка на Австриската агенција за развој (ADA), ве поканува на настанот „Работни места по мерка на семејствата: размена на најдобрите приоди од компаниите шампионки“, кој ќе се одржи на 23 септември 2026 година (среда), од 12:00 до 15:00 часот во конференциската сала на Стопанската комора на Северна Македонија (линк до локација).

Настанот се организира во рамките на проектот „Проширување на изборот преку политики за усогласување на семејните и работните обврски“.  Настанот ќе ги обедини компаниите шампионки кои учествуваат во проектот од Северна Македонија и Косово*, професионалците за управување со човечки ресурси, бизнис-лидерите, стопанските комори, организациите на работодавачи и бизнис заедницата.

Преку размена на искуства меѓу компаниите, учесниците ќе имаат можност директно да слушнат од компании кои успешно имплементирале политики за работни места по мерка на семејствата и да дискутираат за придобивките од вложувањето во благосостојбата на вработените, рамнотежата помеѓу работата и приватниот живот и родовата еднаквост. Посебен акцент на настанот ќе биде и промоција на публикацијата „Работни места по мерка на семејствата: Практикум на мерки што функционираат“, практичен ресурс кој ги обединува искуствата, добрите практики, научените лекции и препораките од компаниите шампионки кои спроведуваат политики за работни места по мерка на семејствата.

За време на настанот, учесниците ќе имаат можност да:

• Се запознаат со моделот за работни места по мерка на семејствата и неговите придобивки за бизнисот;
• Ги разгледаат практичните примери од компаниите шампионки од Северна Македонија и Косово*;
• Разменат искуства и воспостават нови контакти со компании посветени на создавање поддржувачки и поинклузивни работни средини;
• Дискутираат за можностите за понатамошна соработка и вклучување.

Ќе ни претставува особена чест доколку ни се придружите и придонесете кон оваа важна дискусија.

Ве замолуваме да го потврдите вашето присуство најдоцна до 21.09.2026 година со пополнување на следниот <<формулар>>. Деталниот дневен ред ќе биде дополнително споделен со пријавените учесници.

*Упатувањата на Косово треба да се сфатат во контекст на Резолуцијата 1244 (1999) на Советот за безбедност