Покана за Агро Саем Струмица 2025

ЗДРУЖЕНИЕ ЗА УНАПРЕДУВАЊЕ И РАЗВОЈ НА ЗЕМЈОДЕЛИЕТО „ПРОАГРО ФАРМЕРИ“ – СТРУМИЦА

Со голема чест и задоволство Ве поканува да земете учество на Петтиот Меѓународен Агро Саем Струмица 2025 – Фестивал на храна, мед и пијалоци, кој ќе се одржи на 04 октомври 2025 година, на Градскиот плоштад во Струмица.

Оваа уникатна манифестација ќе ги обедини сите чинители од агро секторот, прехранбената и кондиторската индустрија во Македонија и регионот, со цел промоција на најновите производи, иновации и достигнувања.

👉 На саемот се предвидени богата програма и активности:

• Дегустација и продажба на традиционални домашни производи: зимници, млечни производи, сокови, слатка и многу повеќе.

• Дегустација и продажба на различни видови мед.

• Презентација на најсовремената земјоделска механизација.

• Презентација на нови ѓубрива и заштитни средства.

• Промоција на можностите за рурален туризам.

• Стручни предавања и панел дискусии со експерти од областа.

Вашето присуство и учество ќе придонесе за збогатување на програмата и заедничка промоција на македонското земјоделие и гастрономија.

📩 Доколку сакате да учествувате, Ве молиме за потврда најдоцна до 25 септември 2025 година.