Покана – Јавна расправа за Законот за донации и спонзорства во јавните дејности, хотел Холидеј Ин, Скопје 21.09.2026 г.

Секоја година, речиси половина од граѓаните и компаниите придонесуваат преку донации, а за голем дел од бизнис секторот даночните поттикнувања претставуваат важен мотив за вложување во заедницата.  За овој голем потенцијал целосно да се искористи и да придонесе за посилни и поодржливи граѓански организации, потребно е понатамошно унапредување на законската рамка.

Затоа, здружението Конект и Младинската асоцијација ИМКА Битола, со поддршка на Цивика мобилитас, Ве покануваат да учествувате на

Јавна расправа за измени на

Законот за донации и за спонзорства во јавните дејности (ЗДСЈД)

📅 21 септември 2026 година
📍 Скопје, Холидеј Ин 🕘 11:00 ч

Настанот ќе отвори конструктивен дијалог помеѓу институциите, граѓанските организации, деловниот сектор и другите засегнати страни за унапредување на законската и институционалната рамка што влијае врз филантропијата, донирањето и финансиската одржливост на граѓанските организации.

Во фокусот на дискусијата ќе бидат:

✅ актуелните и предложените измени на ЗДСЈД;

✅ можностите за подобрување на регулативата што го поддржува развојот на граѓанското општество;

✅ дигитализацијата на процедурите поврзани со донациите и спонзорствата;

Како дополнителна вредност на настанот, најавуваме и презентација за запознавање со функционалностите на системот за е-фактура од УЈП за да се информирате со неговата примена во вашата организација.

Потврдите го Вашето учество најдоцна до 17.09.2026г. <<овде>>

Пријавените учесници ќе добијат дополнителни информации за агендата на настанот. Придонесете за формулирање препораки и заклучоци што ќе бидат основа за понатамошно застапување и унапредување на законските решенија.

Настанот се организира во рамки на проектот „Промени за одржливост“ што го спроведува здружението Конект во партнерство со Младинската асоцијација ИМКА Битола.  Проектот е поддржан од Владата на Швајцарија преку Цивика мобилитас.

Ве очекуваме.

Со почит,
Конект и Младинска асоцијација ИМКА Битола