Обука за Транспарентност во јавните финансии: фискална, буџетска и даночна транспарентност
Објавено: 22/11/2022
ЦЕА како партнер на проектот на УСАИД за зајакнување на капацитетите за искористување на ресурсите организираше обука наменета за општинската администрација поточно за лицата кои се одговорни за посредување со информации од јавен карактер од ЕЛС во Северна Македонија.
Учесниците на обуката имаа можност да се стекнат со знаења за транспарентноста во јавните финансии како принцип во доброто владеење на локално ниво.
Обуката се одржа во Скопје, Северна Македонија, на 15 ноември 2022 година и беше домаќин на 35 учесници од општините и тимот на Проектот.
ЦЕЛ НА OБУКАТА:
– Запознавање со основните теоретски и практични аспекти на транспарентноста во јавните финансии во локалната самоуправа;
– Запознавање на службените лица кои се одговорни за посредување со информации од јавен карактер кај ЕЛС со принципите на транспарентност во јавните финансии и придобивките од проактивна достапност и објавување на општинските документи и информации;
– Да побуди интерес за натамошна надградба на општинската транспарентност, отвореност, отчетност, доверба;
– Преку практични примери слушателите да добијат сознанија кои ќе ги применуваат во секојдневната работа.