ФРЛЗ штип

Направи разлика: Проект на Фондација за развој на локалната заедница Штип

ОдФондација за развој на локалната заедница Штип

Сеопфатен, иновативен, одржлив локален раст и развој, преку успешен

ДИЈАЛОГ МЕЃУ ВЛАСТА И ГРАЃАНИТЕ.  

Заедничко креирање на визија за иднината, во насока кон стратешка работа со континуиран, осмислен и инклузивен пристап за поттикнување на одржлив локален развој, добро локално владеење и создавање на услови за поактивна, поефективна и поиновативна улога на граѓаните во донесувањето и имплементацијата на законските предлози и одлуки. 

Согледувајќи ја моменталната ситуација, сосема јасно е дека заедницата треба да вложи огромен напор во насока на дефинирање на најважните насоки,потребни за успешен развој. „НАПРАВИ РАЗЛИКА“ ги охрабрува граѓаните да преземат одговорност за своите проблеми и да ги користат своите знаења, вештини и социјални врски за создавање и спроведување решенија. Директната работа во заедницата ќе им помогне на засегнатите страни подобро да се запознаат, да ги разберат потребите и приоритетите едни на други и да изградат заедничка основа за соработка и развој. Фондација за развој на локалната заедница, Штип, како посреднички партнер на засегнатите страни, овозможува ефективно креирање на јавни политики, воспоставување партнерства, воведување и практикување на иновативни механизми на учество, механизми за вклучување на заедницата и прибирање средства.  

Проектот ќе резултира со: адресирани и решени проблеми на заедницата; зголемен број на партнерства; воспоставен систем за развој на локално ниво; Зајакнати капацитети во заедницата; поголема вклученост на граѓаните и ранливите групи; Подобрена политичка одговорност и транспарентност во локалните заедници; подигната свест на заедниците за само-доверливост. 

Општа цел на проектот: Да се подобри средината за развој предводен од заедницата. 

Цел 1 – Локалните чинители кои работат заедно за да го водат локалниот развој.  

Очекувани резултати: 

  • зголемени капацитети на локалните чинители да допрат до граѓаните и да ги ангажираат и другите засегнати страни, како и да воспостават врски со можностите за локално финансирање; 
  •  зголемен број на локални партнерства меѓу локалните чинители;  
  • зајакнат ангажман на граѓаните на локално ниво и воспоставување на локално предводен развој во избраните заедници.   

Цел 2 – Локалните чинители мобилизираат/користат ресурси за да се справат со развојните приоритети кои ќе имаат корист за заедницата.  

Очекувани резултати:  

  • зголемен ангажман на локалните актери во идентификувањето и приоритизирањето на проблемите и можностите на заедницата (т.е. загадување, јавно здравје, недостаток на можности за работа, миграција, обезбедување социјални услуги, локален економски развој итн.) и 
  •  подобрена мобилизација на локални чинители и ресурси за дизајнирање и спроведување локални решенија за решавање на проблемите на заедницата или искористување на можностите за развој. 

Цел 3 – Да се развијат одржливи модели кои што би можеле да се реплицираат и зголемуваат.  

Очекуван резултат: 

  • Ефикасно повторување на одржливите локални модели за развој во други заедници и региони. 

Клучни активности:  

  • формирање на оперативен Колеџ на заедницата; 
  •  формирање на оперативна Младинска банка; 
  •  промотивна кампања,  
  • градање на капацитети на локални актери; 
  •  поддршка на иницијативите предводени од граѓаните за развој на заедницата и вмрежување во заедницата 

9 општини од источниот регион ќе воспостават систем за одржлив развој предводен од заедницата; ќе се решат најмалку 90 проблеми во локалната заедница; најмалку 150 идеи ќе бидат подготвени за имплементација; вкупна вредност од 1.500.000 американски долари на немеѓународни донаторски ресурси ќе бидат мобилизирани за локално предводен развој; 500 поединци ќе бидат вклучени во мобилизација на заедницата: 100.000 лица ќе бидат опфатени со кампањата за подигање на свеста; од вкупните прибирани средства најмалку 50% ќе бидат паричен придонес; а најмалку 3000 граѓани ќе се вклучат во волонтирање во локални иницијативи. 

Период на реализација:  22.08.2022 до 20.08.2027

 

USAID-logo-web

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор