Img 20250619 wa0018.jpg

Македонската мрежа на Фондацијата Ана Линд со учество на АЛФорумот 2025 во Тирана

ОдЕвропска асоцијација за локална демократија – АЛДА Скопје

Во периодот од 18 до 20 јуни 2025 година, во Тирана се одржа АЛФорумот еден од најзначајните настани на Фондацијата Ана Линд кој обединува чинители од целиот евро-медитерански регион. Годинешното издание се одвиваше на три локации: Меѓународниот хотел, Тирана Националната опера и Скендер Бег плоштадот во Тирана.

Форумот понуди разновидна програма исполнета со сесии, панели и интерактивни работилници, посветени на теми како што се интеркултурниот дијалог, младинското учество, дигиталната трансформација и општествената отпорност. Македонската мрежа беше присутна со повеќе свои членки, кои имаа активно учество и споделија искуства и иницијативи што ги спроведуваат на локално ниво.

Една од сесиите беше организирана во формат на работилница и ја модерираше Симона Славкова, координаторка на Македонската мрежа во име на АЛДА за Балканот. Во сесијата учествуваа експерти од Египет, Грција, Кипар и Северна Македонија, а низ дијалогот се отворија важни прашања за улогата на младите во градењето на мостови меѓу културите, како и за значењето на дигиталните алатки во тој процес.

 

Присуството на македонските организации беше препознаено и преку индивидуални придонеси на членките од мрежата. Ксенија Николова од BW2CLUB учествуваше на сесијата посветена на жените, идентитетот и влијанието, каде што беше ставен фокус на улогата на жените активистки и нивната видливост во јавниот простор.

Никола Јазаџиски од Европското движење – ЕММК учествуваше на панел дискусијата „Отпорност, култура и борба против дезинформациите“.

Милчо Дули од СФЕРА Интернешнал беше дел од сесијата „Предизвикување на родовите стереотипи: Јакнење на жените во евро-медитеранскиот регион“.

Go Green – Биди Зелен и Вистински Дела На Љубезност приредија автентично кулинарско искуство. Готвеа македонско гравче, подготвија салата и потпечија лепче, користејќи вишок храна што беше земен од локалниот пазар во Тирана. Храната беше дегустирана од посетителите на форумот и случајни минувачи, а поголем дел од припременото беше наменето за бездомни и социјално загрозени лица во градот.

Особено значаен момент за форумот беше и присуството на Нејзиното кралско височество, принцезата Рим Али. Интервјуто со неа, кое го реализираше Филијана Кока (CSCD) е веќе објавено и достапно на веб-страницата на Македонската радио телевизија.

Присуството на Македонската мрежа на овој форум е уште една потврда за активната улога на нашите организации во унапредувањето на вредностите на дијалог, соработка и граѓанска ангажираност, како и за видливоста на македонскиот глас во рамки на евро-медитеранскиот простор.

Продолжи со читање

  • МЦМС ја започна новата антикорупциска програма

    Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.

  • Потврда на долгогодишното македонско-холандско пријателство

    Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.

    „Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.

    Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
    Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
     

  • Презентиран Индексот на политички интегритет

    На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…

  • Bure-Cycle: Од отпад до иновативен велосипедски паркинг

    Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]

  • Младите уметници го освојуваат јавниот простор: PATS – Уметност за активизам и општествени промени

    Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]

  • Високите цени ја истиснаа корупцијата од првото место, но таа и понатаму е меѓу најголемите општествени предизвици

    За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор