web grc (ycp) (2)

Јавен повик за кандидирање на членови на Локален младински совет на Општина Крушево

ОдМладински Совет Прилеп

Локалното собрание на млади на Општина Крушево го објави јавниот повик за кандидирање на членови на Локалниот младински совет. 

Локалниот младински совет е тело кое има советодавна улога и претставува механизам преку кој младите луѓе директно можат да го искажат своето мислење, ставови и предлози за прашања што ги засегаат.  

Со формирањето на Локалниот младински совет, младите во Крушево ќе имаат можност да бидат директно вклучени во носење на одлуки, да ја зголемат својата видливост и да се застапуваат за своите интереси. На овој начин се овозможува градење на конструктивен дијалог помеѓу младите и локалната самоуправа, како и создавање на услови за поголема младинска партиципација. 

📌Кој може да се пријави? 
Право на пријавување имаат сите млади жители на Општина Крушево кои се на возраст од 15 до 29 години. Дополнително, кандидатите треба да имаат интерес или искуство во работа со млади, како и мотивација да бидат дел од процеси и активности кои ќе придонесат за развој на младинските политики во општината. 

📑Како да се пријавите? 
Сите заинтересирани кандидати можат да го пронајдат јавниот повик со сите потребни информации, критериуми и начинот на аплицирање на официјалната веб-страница на Општина Крушево. Во продолжение линк до веб страната: Јавен повик за членови на Локален младински совет – Општина Крушево 

Вклучувањето во ова тело е шанса за развивање на лидерски вештини, градење на капацитети за застапување, како и за активно учество во процесите на локално ниво. 

👉 Биди дел од промени во заедницата – пријави се, твојот глас е важен! 

 Младински Совет Прилеп во партнерство со Здружение на млади ЕМПАУРИНГ Крушево го спроведува проектот „Младите се гласот на промените во општините“. Овој проект е субгрант добиен во рамки на „ЕУ поддршка за Граѓански ресурсен центар – фаза 2” финансиран од Европската Унија. Содржината на веста не мора да ги одразува ставовите на Европската Унија и на Граѓанскиот ресурсен центар. 

#ЈасГраѓанинот 

Оваа вест изворно е објавена на веб-страната на Здружение МЛАДИНСКИ СОВЕТ Прилеп

Продолжи со читање

  • Советот за соработка меѓу Владата и граѓанското општество на средба со организациите во Куманово

    На 1 октомври 2026 година претставници на Советот за соработка меѓу Владата и граѓанското општество се сретнаа со граѓанските организации и активистите од Североисточниот регион. Средбата беше посветена на улогата, работата и соработката со Советот за соработка меѓу Владата и граѓанското општество, како значаен механизам за унапредување на дијалогот меѓу институциите и граѓанските организации.

  • OТВОРЕНО ПИСМО | Дали претседателката Сиљановска-Давкова легитимира организации поврзани со движења против правото на абортус?

    Мрежа за заштита од дискриминација испраќа отворено писмо до претседателката Гордана Сиљановска-Давкова, по повод нејзината неодамнешна средба со претставнички на здружението „Јас сум жена“. Со […]

  • Finance Think на Форумот за граѓански организации и тинк-тенкови 2026 во Приштина

    Од 5 до 7 октомври, во Приштина се одржа Civil Society & Think Tank Forum 2026, официјалната платформа на граѓанското општество во рамки на Берлинскиот процес, на кој учествуваше и Finance Think. Во текот на трите дена, низ повеќе тематски дискусии, претставниците на граѓанските организации и тинк-тенковите од Западен Балкан имаа можност да дадат свои […]
    The post Finance Think на Форумот за граѓански организации и тинк-тенкови 2026 во Приштина first appeared on Finance Think.
    The post Finance Think на Форумот за граѓански организации и тинк-тенкови 2026 во Приштина appeared first on Finance Think.

  • Граѓанското општество од Западен Балкан го даде својот придонес во пресрет на Самитот на Берлинскиот процес

    Овогодишниот Форум на граѓанското општество и тинк-тенк организации (CSF 2026) се одржа во Приштина од 5 до 7 октомври. Форумот, како официјална платформа на граѓанскиот сектор во рамките на Берлинскиот процес, уште еднаш ја потврди незаменливата улога на граѓанскиот сектор како мост меѓу граѓаните, експертската заедница и донесувачите на одлуки.

  • Одржана базична обука за прва помош во Свети Николе

    Одржана базична обука за прва помош во Свети Николе На 4 и 5 октомври 2026 година, во просториите на ООУ „Гоце Делчев“ во Свети Николе, се одржа базична обука за прва помош, организирана со поддршка на Operation Florian од Велика Британија. На обуката учество земаа членови од три доброволни противпожарни друштва: ДПД Свети Николе, ДПД…

  • ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ

    Вчера (7.10.2026 година) на Пленарна седница на Собранието на Република Северна Македонија, на прво читање беа разгледани предлог измени и дополнувања на Законот за животната средина. Веќе за 13.10.2026 година е закажана седница на Комисијата за транспорт, дигитална трансформација, животна средина и просторно планирање на […]
    The post ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ appeared first on Myla.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор