Јавен повик за ангажман на психотерапевти/психијатри и социјални работници

Хелсиншкиот комитет за човекови права, во рамки на проектот „Зајакнување на човековите права и услуги за децата и ранливите лица во ризик во затворени институции“, финансиран од Европската Унија како дел од програмата EuropeAid/180645/DD/ACT/MK, согласно Договорот за грант потпишан меѓу Хелсиншкиот комитет за човекови права и Европската Унија бр. NDICI-THE-NEAR/2024/461-198, објавува јавен повик за ангажман на вкупно 4 психотерапевти/психијатари и 2 социјални работници.

Целта на проектот е да се придонесе кон подобрување на услугите за децата и ранливите лица во ризик во затворени институции преку пристап заснован на човекови права. Проектот има три специфични цели:

– Да се подобрат условите и унапредат човековите права на децата и ранливите лица во ризик во затворени институции.

– Да се зајакнат капацитетите на релевантниот персонал кој работи со деца и ранливи лица во ризик.

– Да се овозможи соработката помеѓу локалните активисти и релевантните чинители преку поттикнување на вклученоста на заедницата на децата и ранливите лица во ризик.

Проектот вклучува теренски мониторинг посети во воспитно – поправниот дом – Тетово, мали групни домови, ЈУ за згрижување деца со воспитно-социјални проблеми и нарушено однесување и станбените единици во Демир Капија со цел проценка на условите во истите согласно претходно утврдена методологија.

За ефикасно и ефективно спроведување на теренските посети, а имајќи ги предвид таргет групите во рамки на проектот неопходно е ангажирање на психијатри/психотерапевти и социјални работници кој ќе бидат дел од тимови за мониторинг.

Опис и работни задачи на психотерапевт/психијатар

Заради исполнувањето на ангажманот предмет на овој Јавен повик, ангажираните психијатри и/или психотерапевти ќе бидат ангажирани на теренски посети по потреба. Лицата ќе работат во тим и ќе треба да работат за проценка, помош и поддршка на лицата сместени во овие установи и ќе треба да ги спроведат следните работни задачи:

– Да земат учество во мониторинг посетите во затворените установи;

– Да прават проценка на состојбата во која се наоѓаат лицата сместени во овие установи;

– Да обезбедуваат психолошка помош и поддршка;

– Да изготвуваат извештаи за проценката на состојбата на лицата сместени во овие установи;

– Да одржуваат редовна комуникација и координација со проектниот тим;

Оваа улога е од клучно значење за зајакнување на социјалната поддршка и унапредување на правата на ранливите групи во рамките на проектот.

Потребни квалификации

Психотерапевт

§ Диплома за завршено четиригодишно високо образование или диплома со стекнати 180 кредити согласно ЕКТС – психологија;

§ Завршено дополнително психотерапевтско образование;

§ Искуство во работење или комуникација со ранливи групи, деца и маргинализирани заедници;

§ Работно искуство во областа на заштитата на човековите права (советување, информирање и работа со граѓани, граѓански активизам, едукација или истражување) ќе се смета за предност;

§ Работно искуство од најмалку три години како психотерапевт.

Психијатар

§ Диплома за завршено високо образование – струка психијатрија;

§ Искуство во работење или комуникација со ранливи групи, деца и маргинализирани заедници;

§ Работно искуство во областа на заштитата на човековите права (советување, информирање и работа со граѓани, граѓански активизам, едукација или истражување) ќе се смета за предност;

§ Работно искуство од најмалку три години како психијатар.

Социјален работник

§ Диплома за завршено високо образование – насока социјална работа и социјална политика или друга соодветна област;

§ Искуство во работење или комуникација со ранливи групи, деца и маргинализирани заедници;

§ Работно искуство во областа на заштитата на човековите права (советување, информирање и работа со граѓани, граѓански активизам, едукација или истражување) ќе се смета за предност;

§ Работно искуство од најмалку три години како социјален работник.

Временска рамка и буџет

Психотерапевтите/психијатарите и социјалните работници ќе бидат ангажиран/а за времетраење на проектот, најдоцна до крај на 2026година.

Постапка и правила за пријавување, рок и избор

Овој повик е јавен.

Секој кој што ги исполнува потребните квалификации може да се пријави на овој повик со поднесување на:

§ Работна биографија (CV)

§ Примероци/референци од претходна работа за спроведени минимум 3 слични работни задачи во последните 5 години

§ Понудена бруто цена (1 експертски ден се 8 часа)

Критериуми за избор на најповолен понудувач:

§ Релевантна биографија и искуство – 40 поени

§ Предлог методологија– 40 поени

§ Понудена бруто цена – 20 поени

Понудите треба да бидат испратени на следниот е-маил: helkom@mhc.org.mk или tona.kareva@mhc.org.mk со назнака „Пријава за ангажман на психотерапевт/психијатар и социјален работник“. Рокот за аплицирање е до 23.03.2025 година.

За дополнителни прашања, Хелсиншкиот комитет за човекови права ви стои на располагање на горенаведената имејл адреса, како и на телефонскиот број +389 2/3119-073.