Forum Tetovo 2

Форум за практичари за подобрување на граѓанско правната заштита на жените што претрпеле семејно насилство

ОдЗдружение ЕСЕ ESE Association

На 08ми ноември 2024 година во Тетово организиравме форум за практичари од Центрите за социјална работа (ЦСР), основните судови, подрачните одделенија на Министерството за правда и граѓанските организации од Тетово, Гостивар, Кичево и Дебар, со цел дискутирање на можностите за подобрување на граѓанско – правната заштита и економската состојба на  жените што претрпеле семејно насилство. Станува збор за приоритетни потреби на жените, како што е ефективната заштита од идни акти на насилство, како и нивните финансиските можности за решавање на поврзаните правни проблеми со кои се соочуваат и обезбедување на соодветни услови за живот за нив и нивните деца по разводот или разделбата.

Предмет на дискусија беше начинот на постапување на практичарите генерално, со посебен фокус на граѓанската судска постапка за изрекување на привремени мерки за заштита (ПМЗ) од семејно насилство. Практичарите го споделија своето искуство и бариерите со кои се соочуваат при поведувањето, текот на постапката, изрекувањето и следењето на ПМЗ, а воедно дадоа и свои предлози за подобрување на правната рамка и подобрување на одделните аспекти од нивното постапување. Нагласена беше потребата за подобрување на разбирањето во јавноста, а особено кај жените за овој законски механизам за заштита, континуираното јакнење на знаењата и вештините на практичарите и зголемување на меѓусебната соработка и координација помеѓу надлежните институции. Економската димензија на семејното насилство, односно економските последици од насилството и финансиската состојба на жените што претрпеле семејно насилство е друга приоритетно прашање кое беше дискутирано на форумот. Појдовна основа беа наодите од анализите кои ЕСЕ ги спроведува во консултации со жените што претрпеле семејно насилство, кои покажуваат дека жените се соочуваат со многу високи трошоци како резултат на семејното насилство кои не можат да ги надоместат: изгубена работа/намалени приходи, здравствени трошоци, трошоци поради промена на местото на живеење и други трошоци. Истовремено, голем дел од сторителите на семејно насилство не ја плаќаат досудената издршка за децата па  финансискиот товар за грижата за децата го носат самите жени.  Нагласена беше потребата за зголемување на финансиската поддршка и економското зајакнување на жените што претрпеле семејно насилство, а воедно и потребата за усвојување на посебен Закон за надоместување на неплатената издршка за децата од страна на државата.

Настанот се организира во рамките на проектот „Зајакнување на пристапот до правда за жените што претрпеле семејно насилство“ кој здружение ЕСЕ го спроведува со поддршка на шведската фондација Квина Тил Квина.

This post was originally published on this site

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор