Semm

Примери за најчестите прекршувања на новинарските стандарди во време на избори

ОдЗдружение Совет за етика во медиумите на Македонија ЕТИКА ПРЕС Скопје (СЕММ)

Праксата покажува дека известувањето за време на изборен период е една од потешките новинарски задачи, затоа што токму тогаш професионалните и етичките стандарди подлежат на сериозен притисок. Жестоките политички пораки, брзината со која се работи и улогата на онлајн платформите често ја обременуваат границата меѓу професионалниот интегритет и политичкото или комерцијалното влијание. А токму во изборен период улогата на новинарите, како непристрасни и одговорни репортери, е клучна за обезбедување навремени, точни и балансирани информации што ќе им помогнат на граѓаните
да одлучат кому да го дадат својот глас.

Искуството на Советот за етика во медиумите на Македонија, врз основа на поднесените претставки до Комисијата за жалби, за време на избори, но и во поширока временска рамка, покажува дека најчесто се прекршуваат неколку членови од Кодексот на новинарите на Македонија, поточно членовите 1, 10, 13, 8 и 3, кои од новинарите бараат точно известување од најмалку два проверени извори, без говор на омраза, без сензационализам, со јасна разлика меѓу вест и коментар, и со исправка доколку се случи да биде објавена грешна информација.

Во анализата „Најчести прекршувања на новинарските стандарди во време на избори“ даваме преглед на разгледувани претставки, поднесени до Комисијата за жалби при СЕММ или до Координативното тело за следење на почитувањето на Кодексот за однесување во онлајн просторот за време на изборни процеси и референдуми, а поврзани со известувањето на медиумите за неодамнешните локални избори 2025, со примери за  неколку конкретни примери за непочитување на етичките норми во содржината на домашните медиуми.

Најчести прекршувања на новинарските стандарди во време на избори

Оваа публикација ја подготвија Советот за етика во медиумите на Македонија (СЕММ) и Македонскиот институт за медиуми (МИМ) во рамки на регионалната програма „Нашите медиуми: Акција на граѓанското општество за поттикнување на медиумска писменост и активизам, спротивставување на поларизацијата и промовирање на дијалог“, со финансиска поддршка од Европската Унија. Содржината е единствена одговорност на авторите и издавачот и не мора да ги одразува ставовите на Европската Унија.
“Примери за најчестите прекршувања на новинарските стандарди во време на избори”

Source

Оваа вест изворно е објавена на веб-страната на Совет за етика во медиумите на Македонија (СЕММ)

Продолжи со читање

  • Советот за соработка меѓу Владата и граѓанското општество на средба со организациите во Куманово

    На 1 октомври 2026 година претставници на Советот за соработка меѓу Владата и граѓанското општество се сретнаа со граѓанските организации и активистите од Североисточниот регион. Средбата беше посветена на улогата, работата и соработката со Советот за соработка меѓу Владата и граѓанското општество, како значаен механизам за унапредување на дијалогот меѓу институциите и граѓанските организации.

  • OТВОРЕНО ПИСМО | Дали претседателката Сиљановска-Давкова легитимира организации поврзани со движења против правото на абортус?

    Мрежа за заштита од дискриминација испраќа отворено писмо до претседателката Гордана Сиљановска-Давкова, по повод нејзината неодамнешна средба со претставнички на здружението „Јас сум жена“. Со […]

  • Finance Think на Форумот за граѓански организации и тинк-тенкови 2026 во Приштина

    Од 5 до 7 октомври, во Приштина се одржа Civil Society & Think Tank Forum 2026, официјалната платформа на граѓанското општество во рамки на Берлинскиот процес, на кој учествуваше и Finance Think. Во текот на трите дена, низ повеќе тематски дискусии, претставниците на граѓанските организации и тинк-тенковите од Западен Балкан имаа можност да дадат свои […]
    The post Finance Think на Форумот за граѓански организации и тинк-тенкови 2026 во Приштина first appeared on Finance Think.
    The post Finance Think на Форумот за граѓански организации и тинк-тенкови 2026 во Приштина appeared first on Finance Think.

  • Граѓанското општество од Западен Балкан го даде својот придонес во пресрет на Самитот на Берлинскиот процес

    Овогодишниот Форум на граѓанското општество и тинк-тенк организации (CSF 2026) се одржа во Приштина од 5 до 7 октомври. Форумот, како официјална платформа на граѓанскиот сектор во рамките на Берлинскиот процес, уште еднаш ја потврди незаменливата улога на граѓанскиот сектор како мост меѓу граѓаните, експертската заедница и донесувачите на одлуки.

  • Одржана базична обука за прва помош во Свети Николе

    Одржана базична обука за прва помош во Свети Николе На 4 и 5 октомври 2026 година, во просториите на ООУ „Гоце Делчев“ во Свети Николе, се одржа базична обука за прва помош, организирана со поддршка на Operation Florian од Велика Британија. На обуката учество земаа членови од три доброволни противпожарни друштва: ДПД Свети Николе, ДПД…

  • ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ

    Вчера (7.10.2026 година) на Пленарна седница на Собранието на Република Северна Македонија, на прво читање беа разгледани предлог измени и дополнувања на Законот за животната средина. Веќе за 13.10.2026 година е закажана седница на Комисијата за транспорт, дигитална трансформација, животна средина и просторно планирање на […]
    The post ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ appeared first on Myla.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор