Пронајдете и споделете ресурси за граѓанскиот сектор на е-Платформата на Цивика мобилитас
Доколку ви се потребни квалитетни ресурси за вашите активности во граѓанскиот сектор, е-Платформата на Цивика мобилитас е вистинското место за вас! На располагање имате над 1,000 бесплатни материјали на македонски, англиски и албански јазик.
Што може да најдете?
- Преку 850 ресурси на македонски јазик 🇲🇰
- Преку 130 ресурси на англиски јазик 🇬🇧
- Преку 70 ресурси на албански јазик 🇦🇱
Имате ресурси за споделување?
Секој ваш ресурс може да допринесе за заедницата. Зголемете ја видливоста и споделете ги вашите материјали преку пополнување на формуларот достапен на македонски, англиски или албански јазик. Ресурсите може да бидат во формат аудио или видео запис, датабаза, инфографик, презентација, промотивен материјал, публикација, сторија која би била од корист на граѓаните и граѓанските организации.
Зошто е важно да ги споделите вашите ресурси?
- Поддршка за другите организации – Вашето искуство и материјали можат да помогнат на други во нивните активности.
- Поголема видливост – Споделувајќи ги вашите ресурси, ја зголемувате препознатливоста на вашата работа и вашиот придонес.
- Промоција на транспарентност и соработка – Со споделување, поттикнувате култура на соработка и размена на знаења во граѓанскиот сектор.
Пополнете го формуларот и овозможете вашите материјали да станат достапни за сите во граѓанскиот сектор.
Прегледајте ги постоечките ресурси и пронајдете го тоа што ви е потребно.
