Ceremonija 15.2.2017 1

Промоција на нови 38 грантови на Цивика мобилитас

Семејството на Цивика мобилитас, од денес (15 февруари 2017 година) брои 159 грантисти, а вкупната поддршка за која се склучени договори од почетокот на програмата изнесува речиси 262 милиони денари или нешто над 4,5 милиони швајцарски франци. На денешниот настан беа промовирани нови институционални грантови за 12 граѓански организации, мали акциски грантови за 15 граѓански организации, ад хок грантови за девет граѓански организации и два гранта за стипендии.

Ceremonija 15.2.2017 1

Амбасадорката на Швајцарија во Македонија, нејзината екселенција Сибил Сутер Техада ги поздрави присутните и им ги врачи договорите на грантистите. „Свесни сме за предизвиците и тешкотиите со кои се соочува граѓанското општество и токму затоа, вашата посветеност да продолжите да работите за развојот на земјата, родовата еднаквост, почитувањето на човековите права и сите видови на различности, заслужува уште поголема почит“, рече амбасадорката Техада. Таа истакна дека Швајцарија силно ја поддржува демократизацијата на Македонија и нејзината интеграција во ЕУ и преку Цивика мобилитас сакаат да дадат конкретен придонес во тој процес.

Ceremonija 15.2.2017 2

„Најголем број од доделените грантови, 64% се во Скопскиот регион, останатите 36% се распределени на другите региони“, рече во своето обраќање Александар Кржаловски, национален водач на тимот и прв извршен директор на МЦМС. Во поглед на темите кои ги обработуваат, најголем број, односно 18% третираат прашања на добро владеење, по 9% се посветени на човековите права и граѓанското општество генерално, по 8% опфаќаат прашања посветени на животната средина, информациите, комуникациите и медиумите и децата, младите и студентите. Потоа следуваат образованието, здравството, итн. Според Кржаловски, 54 од грантовите веќе се завршени.

Ceremonija 15.2.2017 3

Со поддршката на институционалните грантисти ќе се придонесе за нивниот институционален развој и организациско јакнење. Со малите акциски грантови организациите ќе ги промовираат своите цели во соработка со другите граѓански организации, граѓаните и властите на локално и национално ниво. Ад хок грантовите се наменети за поддршка на неодложните прашања кои се појавуваат и кои бараат итно внимание и акција на секое ниво на интервенција во Македонија.

Институционалните грантови треба да ги зајакнат граѓанските организации што ќе ги направи поактивни во ангажирањето за постигнување општествени промени во Македонија, за што се залага Цивика мобилитас.

Цивика мобилитас обезбедува поддршка за граѓанските организации и другите актери на граѓанското општество во периодот од 2014 до 2018 година. Буџетот на програмата изнесува 7,7 милиони швајцарски франци кои ги обезбеди Швајцарската агенција за развој и соработка (СДЦ).

Продолжи со читање

  • Соработката меѓу граѓанските организации и бизнис секторот носи многу заемни придобивки

    „Причината поради која сите сакаме да соработуваме е затоа што сите сакаме да имаме корист. Без разлика дали доаѓате од бизнис секторот или од граѓанскиот, треба да почнете да развивате покомплексно разбирање за заемните придобивки“, им рече Сајмон Форестер, меѓународниот експерт на Цивика мобилитас, на учесниците на  работилницата „Зајакнување на…

  • За што зборуваат кандидатите на локалните избори 2025? #5

    НЕДЕЛЕН ПРЕГЛЕД #5 [13 – 17 октомври 2025] Во последната недела пред изборниот молк имаше засилена активност и обновена мобилизација во медиумските објави со повеќе од 3.000 медиумски текстови и 240 објави на социјалните мрежи, и со јасен раст на ангажманот кон крајот на неделата. Кампањата влезе во завршна фаза…

  • За што зборуваа кандидатите во изборната кампања: Месечен преглед на медиумските објави

    Месечен преглед на медиумските објави [15 септември – 14 октомври 2025] За што зборуваа кандидатите во изборната кампања Изборите за локалната власт беа една од најдоминантните теми во медиумскиот простор со над 11.000 медиумски написи и над 1.100 објави на социјалните мрежи. Анализата открива јасна слика: изборната кампања се води…

  • Новиот амбасадор на Швајцарија ја потврди посветеноста кон граѓанското општество

    Тимот на Цивика мобилитас на 16 октомври ја оствари првата средба со новoназначениот Амбасадор на Швајцарија во Северна Македонија, Н.Е. Кристоф Зомер (Christoph Sommer). „Сметам дека граѓанското општество е многу значајна област на која треба да се фокусираме“, нагласи Амбасадорот, потврдувајќи дека поддршката на граѓанските организации е еден од приоритетите…

  • Кога се штеди на превенција, последиците се скапи – граѓанските организации и институциите со заеднички повик за поголеми вложувања во превенцијата

    Граѓанските организации и институциите од здравствениот сектор отворија јавен дијалог за унапредување на пристапот до квалитетни превентивни здравствени услуги за жените, девојките и ранливите групи, на тематскиот форум „Кога се штеди на превенција, последиците се скапи“ одржан на 15.10.2025 година. Главните заклучоци од дискусијата се дека неопходно е вклучување на…

  • За што зборуваат кандидатите на локалните избори 2025? #4

    НЕДЕЛЕН ПРЕГЛЕД #4 [6 – 12 октомври 2025] Анализата на медиумските и објавите на социјалните мрежи во претходната недела потврдува дека кампањата се засилува, а фокусот е се повеќе на конкретни локални решенија кои директно влијаат на секојдневниот живот на граѓаните. Дискусиите се интензивни на социјалните мрежи, каде што конкретните…

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор