Постигнувањата на грантистите на Цивика мобилитас: Акциски грантови
Анализирајќи ги резултатите од акциските грантови поддржани од Цивика мобилитас, добиваме јасен преглед на актуелните социјални предизвици. Но, покрај тоа, овие проекти ја осветлуваат и патеката до потенцијалните решенија. Грантистите не се задоволиле само со идентификација на проблемите, тие, исто така, понудиле конкретни решенија и, во некои случаи, ги тестирале со достапните ресурси. Такви има повеќе, ама само за да го разбудиме интересот еве неколку примери:
„Тиит Инк!“ направија значителен напредок во идентификувањето на проблемот со менструалната сиромаштија. До нивната интервенција, ова прашање беше речиси непознато за јавноста. Тие ja зголемија свеста, предизвикаа интерес и започнаа важна дискусија. Како резултат, Владата донесе одлука да го намали данокот на хигиенските влошки, а Град Скопје обезбеди средства за средните училишта за подобрување на пристапот до хигиенски производи. Примерот на Тиит Инк! не само што ги осветли постојните проблеми, туку и иницираше системски промени.
„Зелена лупа“ се фокусираа на заживување на Законот за пробација, закон кој, иако постои, не функционираше во целост. Тие започнаа со активности во Струмица, создавајќи координативно тело со сите релевантни институции и организирајќи обуки за осудените лица. Како резултат на нивната работа, осудените лица добија лиценци за занает и двajца од нив беа вработени пред да ја завршат казната. Оваа успешна пракса ја демонстрираше ефективноста на Законот и даде пример за неговата успешна имплементација.
Од 2019 до 2022 година, Цивика мобилитас поддржа 31 акциски грант, насочени кон различни региони и теми, секоја од нив интересна и значајна. Со овие проекти, не само што беа идентификувани проблемите, туку и понудени реални и ефективни решенија, што ја потврдува нивната важност и влијание на социјалната средина.
