ПОВИК ЗА ШВАЈЦАРСКА СТИПЕНДИСКА ПРОГРАМА ЗА ВРАБОТЕНИ ВО ДРЖАВНИОТ ЗАВОД ЗА РЕВИЗИЈА

Отворен е повик за аплицирање за Швајцарската стипендиска програма за професионално усовршување, наменета за вработените во Државниот завод за ревизија кои имаат интерес за професионално усовршување и развој, односно интерес за посета на обука или курс.

На овој повик, со можност за аплицирање се стекнуваат вработените и позајмените вработени кои имаат интерес за запишување на курс што опфаќа информатички алатки и алатки базирани на вештачка интелигенција, кои директно ќе придонесат кон подобра и поефикасна работа на институцијата. Програмата за доделување стипендии за професионално усовршување се реализира во рамките на Програмата за парламентарна поддршка (ПСП) и е администрирана од Институт за демократија “Социетас Цивилис” – Скопје (ИДСЦС).

За отворениот повик во март 2026 година, сите вработени од ДЗР имаат можност да аплицираат за курс спроведен од едукативниот ценар “Семос“ кој опфаќа совладување на алатката Microsoft 365 Copilot. Овој курс ги насочува корисниците да ги научат вообичаените текови на кориснички инструкции во апликациите на Microsoft 365, вклучително PowerPoint, Word, Excel, Teams и Outlook. Исто така ја опфаќа  алатката Microsoft 365 Copilot Chat и ја објаснува разликата помеѓу податоци засновани на работна околина и податоци засновани на веб. Курсот е планиран да се реализира во онлајн формат. За формирање на група составена исклучиво од вработени во ДЗР, потребни се минимум 15 учесници. Во спротивно, учесниците ќе бидат пренасочени кон редовните групи кои веќе се организирани. Обуката опфаќа 8 модули и е предвидено да се спроведе во период од 4 недели, при што динамиката на одржување на предавањата ќе се утврди по формирањето на групата. Сите дополнителни информации за курсот се достапни во Анекс 2, во кој е приложена официјалната понуда доставена од едукативниот центар “Семос“.

Кандидатите имаат можност да се пријават за учество во обуките што ќе бидат понудени во рамките на програмата. Доколку кандидатот аплицира за курс или обука што не е опфатена со понудите од конкретниот отворен повик, Комисијата за селекција ќе ја разгледа пријавата и ќе утврди дали е соодветна и дали може да се покрие во рамки на расположливиот буџет. Во случај на конкуренција меѓу пријава за курс понуден од програмата и пријава за лично одбран курс или обука, приоритет ќе имаат пријавите за курсевите понудени од програмата.

Ги повикуваме заинтересираните вработени во Државниот завод за ревизија кои ги исполнуваат условите, да аплицираат на повикот.

Апликацијата се состои од:

• Професионално резиме на македонски јазик;
• Потврда за редовен работен однос;
• Апликација за професионален развој (Анекс 1);

Деталите за стипендијата, начинот на спроведување и постапката за аплицирање можете да ги најдете во програмата прикачена во прилог.

Апликацијата потребно е да ја испратите на следните адреси: contact@idscs.org.mk  и joana@idscs.org.mk со назнака Апликација за Швајцарска стипендиска програма, не подоцна од 29 март (недела) 23:59ч.

Нецелосните и апликациите доставени по крајниот рок нема да бидат земени предвид.

Доколку сакате да аплицирате за стипендија за обука или курс, превземете ги следните документи:

Апликација за професионален развој

Курс за изучување на ВИ алатка Microsoft 365 Copilot Chat спроведен од „Семос“

Повик