Повик за поднесување понуда за ангажирање на експерт за редовно одржување на мрежата и обезбедување техничка поддршка на сите заинтересирани за поставување на инструментите Климерко

Здружение на еколозите „Натура“ – Струга во рамки на проектот “Граѓанска мрежа за чист воздух во Југозападен регион” во партнерство со извиднички одред “Мирко Милески” Кичево поддржан  од Владата на Швајцарија преку Цивика мобилитас, објавува:

Повик 4/2026 : Повик за поднесување понуда за ангажирање на експерт за редовно одржување на мрежата и обезбедување техничка поддршка на сите заинтересирани за поставување на инструментите Климерко

ПОСТАПКА СО БАРАЊЕ ЗА ПРИБИРАЊЕ ПОНУДИ

Информации за проектот:

НОСИТЕЛ: Здружение на еколози „Натура“ – Струга

ПАРТНЕРИ: Извидничи одред „Мирко Милески“- Кичево

ДОНАТОР: Владата на Швајцарија преку Цивика мобилитас

ВРЕМЕТРАЕЊЕ НА ПРОЕКТОТ: 01.01.2026 година – 31.12.2026 година

Локација на Проектот:

Локацијата на Проектните активности е во Општините Струга, Кичево, Вевчани, Охрид и Дебар (Југозападен регион на Македонија).

РЕЗИМЕ НА ПРОЕКТОТ

Позадина

Загадувањето на воздухот е сложен и повеќеслоен предизвик кој бара пристап од целото општество. За решавање на овај проблем, особено на локално ниво, потребна е поволна законска рамка и соодветни средства за спроведување на мерките.

Високото ниво на материи кои го загадуваат воздухот имаат негативни влијанија по човечкото здравје, а нарочито кај децата и постарите лица кои се најосетливи категории. И покрај тоа што смалувањето на загадувањето на воздухот е долгорочна цел, подеднакво е важно да се подигне свеста на граѓаните, а посебно на децата за штетните ефекти од загадениот воздух.

Проектот „Граѓанска мрежа за чист воздух во Југозападен регион“ има за цел да низ примена на принципот на отворени податоци, допринесе кон подобар квалитет и достапност на податоците за квалитетот на воздух во Југозападниот регион на Република Северна Македонија, односно општините Струга, Охрид, Дебар, Кичево и Вевчани.

Видливите податоци ќе допринесат за подигање на свеста и подобрување на информираноста на граѓаните за квалитетот на воздух, како и создавање на адекватно опкружување на интернет за објавување, размена, собирање и користење на податоци за квалитетот на воздухот на достапен начин за секој граѓанин.

Во текот на Проектот планираме да лоцираме 30 индикативно најзагрозени места во Југозападниот регион и во секои од овие места би поставиле еден Климерко 2.0 уред, со кој граѓаните би имале прилика да се запознаат со Климерко и начинот на кој се мери квалитетот на воздухот, како и значењето на постоењето на платформа од отворен пристап.

Општ опис и цел на проектот

Проектот има за цел да воспостави функционална граѓанска мрежа за следење, застапување и унапредување на политиките за чист воздух во југозападниот регион на Северна Македонија. Преку зајакнување на соработката меѓу граѓанските организации, општините и граѓаните, проектот придонесува кон зголемена јавна свест, транспарентност и активно учество во креирањето локални еколошки политики.

Главни цели

• Подобрување на локалните политики и мерки за заштита на квалитетот на воздухот

• Јакнење на капацитетите на граѓанските организации и локалните актери

• Поттикнување на меѓуопштинска соработка во областа на животната средина

• Активно вклучување на граѓаните во мониторинг и јавен дијалог

Клучни активности

• Формирање и координација на регионална граѓанска мрежа за чист воздух

• Организирање јавни дебати, работилници и консултативни средби со општините

• Подготовка на анализи, препораки и предлог-мерки за локалните самоуправи

• Кампањи за подигање на јавната свест за загадувањето на воздухот

• Вклучување на млади и волонтери во еколошки активности и теренски акции

Очекувани резултати и придобивки

• Подобрена комуникација и соработка меѓу општините и граѓанскиот сектор

• Поголема информираност на граѓаните за квалитетот на воздухот и здравствените ризици

• Конкретни препораки и алатки за општините за подобро планирање на мерки

• Зајакнато граѓанско учество и локална одговорност

• Долгорочно придонесување кон поздрава животна средина и поквалитетен живот

Регионален фокус

Проектот се имплементира во југозападниот регион, со активна соработка со 5 општини и релевантни локални чинители, со цел создавање одржлив и координиран пристап кон проблемот со загадувањето на воздухот.

ОПИС НА ЗАДАЧАТА НА ОВАА БАРАЊЕ ЗА ПРИБИРАЊЕ НА ПОНУДИ

Во рамките на проектот  „Граѓанска мрежа за чист воздух во Југозападен регион – Civic Network for Clean Air in the Southwest Region“ покрај другите активности, предвидена е и следната активност:

А1.3.2. Ангажирање на експерт за сетирање на инструментите, поставување на мрежа и нивно одржување во период за време траење на проектот.

За таа цел потребно е ангажирање на експерт кој под директен надзор на ЗЕ Натура Струга, проектниот координатор и сопственикот на патентот Климерко, Интернет друштво на Србија ќе биде одговорен за спроведување на овие активности.

Главни очекувани резултати:

Главен очекуван резултат од работата на ангажираниот експерт ќе биде:

• Помош при инсталирањето и сетирањето на 30 Климерко инструменти во Југозападниот регион на Република Северна Македонија на максимална далечина од 150 км.
• Одржување на  формираната мрежа и отклонување на појавените недостатоци на инстриументите
• Замена на одредени сензори доколку за тоа има потреба
• Непосредна соработка со лицето назначено од  Интернет Друштво на Србија околу одржувањето на мрежата

Максимални експертски денови за спроведување на овие активности предвидени се 35 работни дена.

Експертот ќе ги доставува извештаите до проектниот координатор и целокупната документација треба да биде на Македонски јазик.

ПОТРЕБНИ КФАЛИФИКАЦИИ НА ЕКСПЕРТОТ

За да може да биде ангажиран Експертот треба да има завршено најмалку Електротехнички факултет со звање дипломиран инжинер по електротехника  и  да има искуство од одржување на ваква мрежа. За таа потреба да испрати ЦВ од неговиот досегашен ангажман.

Се молат сите заинтересирани да ни испратите финансиска понуда со потполнат Образец за понуда. Проектниот координатор ќе биде одговорен за спроведување на овие активности.

ВРЕМЕНСКА РАМКА И ВРЕДНОСТ НА ДОГОВОРОТ  

Периодот за реализација на оваа активност е согласно термините за известување и договорот со донаторот, но не подоцна од 30.12.2026 година.  Вкупната вредност на понудата не може да надмине 175.000,00 мкд.

НАЧИН НА ПЛАЌАЊЕ

Финансиската понуда ќе биде изразена во македонски денари за експертски ден и ќе вклучува патувања и други пропратни трошоци. Експертот се очекува да работи од дома и на лице место при организирањето на планираните активности. Плаќањето за ангажманот ќе биде на двомесечна основа, во зависност од деновите искористени  во тековниот период, а после завршувањето на активностите и доставувањето на бараните извештаи до проект координаторот.

ДОДЕЛУВАЊЕ НА ДОГОВОРОТ ЗА УСЛУГА 

• Договорниот орган, по спроведената постапка за евалуација на понудите како последна фаза во постапката за барање за прибирање на понуди, договорот му го доделува на понудувачот кој понудил најниска цена.
• Во случај да е поднесена само една прифатлива понуда во првата фаза од постапката, договорниот орган може да му го додели договорот за јавна набавка на единствениот понудувач кој поднел прифатлива  понуда.

ПРИЈАВУВАЊЕ  

Комплетната понуда, понудувачите треба да ја испратат на еmail: contact@natyra.org.mk или  по пошта на адреса Здружение на еколози „Натура“ Струга, ул. Пролетерски Бригади бр. 22 Струга најдоцна до 10.03.2026 – до 17.00ч со назнака ,,Ревизија: (име на понудувачот)“  Понудите кои не ги содржат сите податоци назначени во повикот, односно кон кои не е приложена бараната придружна документација, ќе се сметаат за некомплетирани и нема да се разгледуваат.

Повеќе информации или прашања можете да поставите на contact@natyra.org.mk или телефон +38975317328.

ДОВЕРЛИВОСТ

Сите информации кои се поврзани со повикот и доставените понуди нема да бидат споделувани со никој кој не е официјално вклучен во оценка на понудите. Сите  податоци ќе се третираат како доверливи и нема да се користат надвор од овој повик и целта на истиот.

ДОПОЛНИТЕЛНА ИНФОРМАЦИЈА

Сите евентуални трошоци околу прибирање и поднесување на потребната документација за учество на овој повик ги сноси понудувачот.

Содржината на оваа објава е единствена одговорност на Здружение на еколози “Натура” – Струга и на ниту еден начин не може да се смета дека ги одразува гледиштата на владата на Швајцарија, Цивика мобилитас, или организациите што ја спроведуваат

Civica Mobilitas Embassy of Switzerland in North Macedonia Извиднички одред “Мирко Милески” / Scout group “Mirko Mileski”

#CHinMK #CivicaMobilitas

Оваа вест изворно е објавена на веб-страната на Здружение на еколози „Натура“