ОТВОРЕН ПОВИК за избор на Ко-автор за подготовка на локален извештај

Здружение за правна едукација и транспарентност СТАНИЦА ПЕТ Прилеп во рамки на проектот „Заедно против насилството: Подобрување на информираноста и реакцијата на заедницата“, објавува:

ОТВОРЕН ПОВИК

 за избор на Ко-автор за подготовка на локален извештај

Овој повик има за цел избор на стручно лице, ко-автор за подготовка на локален извештај за состојбата со родово базирано и сексуално насилство во општините Прилеп, Кривогаштани и Долнени, кој ќе биде подготвен во рамки на проектните активности.

За проектот:

Општа цел: Подобрување на информираноста и реакцијата на локалните заедници и институции за родово базираното и сексуалното насилство, со цел подобра заштита и поддршка за жртвите.

Специфична цел 1: Систематско документирање и анализа на родово базирано и сексуално насилство што ќе ги отслика проблемите и потребите на жртвите.

Специфична цел 2: Поттикнување на институционални мерки и информирање на јавноста за подобрување на реакцијата и поддршката во случаи на родово базирано и сексуално насилство.

Во текот на имплементацијата беа реализирани повеќе теренски активности, фокус групи, интервјуа и консултации со жени од ранливи категории, институции и локални чинители, при што беа прибрани значителни квалитативни и квантитативни податоци.

Со цел систематизација и анализа на наодите, ќе се подготви сеопфатен локален извештај кој ќе содржи:

• анализа на локалната состојба,
• идентификувани предизвици и потреби,
• согледувања од директна работа со жртви,
• препораки за подобрување на институционалниот одговор и услугите за поддршка.

Опис на ангажманот:

Избраниот ко-автор ќе биде вклучен во процесот на подготовка на локалниот извештај заедно со проектната координаторка на здружението и ќе има задача да придонесе кон:

• анализа и интерпретација на квалитативни податоци добиени преку фокус групи, интервјуа и добиени информации од релевантни институции;
• интеграција на практични согледувања од директна работа со жртви на родово базирано и семејно насилство;
• подготовка и унапредување на препораките насочени кон институциите и локалните чинители;
• учество во завршен настан за промоција на извештајот,

Ангажманот ќе се реализира во периодот мај – јули 2026 година.

Кој може да се пријави?

Право на пријавување имаат лица кои:

• имаат високо образование од областа на психологија, социјална работа, право, родови студии или сродни области;
• имаат искуство во работа со жртви на семејно, родово базирано или сексуално насилство;
• имаат искуство во подготовка на анализи, извештаи или истражувања;
• поседуваат познавање на локалниот контекст и институционалниот систем за заштита;
• имаат искуство во теренска работа и комуникација со ранливи категории граѓани.

Предност ќе имаат кандидати со искуство во психо-социјална поддршка и меѓусекторска соработка.

Како да се пријавите?

Заинтересираните кандидати треба да достават кратка биографија (CV),  мотивациско писмо (до 1 страница) и финансиска понуда на е-маил: stanicapet@gmail.com  со назнака „Пријава за Ко-автор на локален извештај“ најдоцна до 21.05.2026 година.

За дополнителни информации обратете се на: 076/278-753

*Активноста е дел од проектот „Заедно против насилството: Подобрување на информираноста и реакцијата на заедницата“, кој го спроведувa Здружение за правна едукација и транспарентност Станица ПЕТ Прилеп“, во рамки на акцијата „СЕ ГРИЖИМЕ: Заедно се бориме против сексуалното и родовото насилство “, финансирана од Европската Унија, а предводена од Националната мрежа против насилство врз жени и семејно насилство.

This post was originally published on this site