ЗДРУЖЕНИЕ ЗА СОЦИЈАЛНИ И КУЛТУРНИ АКТИВНОСТИ ЦЕНТАР ЗА КРЕАТИВНИ КОМУНИКАЦИИ СКОПЈЕ
Вкупен буџет: 330.000 денари
Времетраење: 01.01.2021. – 30.06.2021 (6 месеци)
КОНСТИТУЕНТИ
Националниот сојуз на слепи на Република Северна Македонија, Здружението на граѓани за европска социјални инклузија ЕСИ НЕЛИС, Здружение на слепи и лица со оштетен вид – Скопје се здруженија на кои примарната цел им е заштита и овозможување поддршка на слепи и лицата со оштетен вид. Токму на овој проект заедно со нив, нашето здружение и остатите соработници ќе понудиме поинаков вид на поддршка на оваа ранлива група на граѓани и пристап кој досега во Македонија не е применет.
ЗА ПРОЕКТОТ ПОДДРЖАН ОД ЦИВИКА МОБИЛИТАС
Поддршка на слепите лица и лицата со оштетен вид
ЗА ШТО Е ПОТРЕБНА АКЦИЈАТА
Содржините пласирани во медиумите, многу малку или воопшто не ги содржат информациите неопходни за оваа група на лица со попреченост. Ваквото информирање е од круцијално значење за олеснување на нивно секојдневно функционирање, како на пример: недостапност на телефонски броеви на мобилни екипи на Црвен Крст, броеви за нарачка на храна и лекови, обезбедување на специјални помагала, мобилни апликации за паметни телефони итн.
Овој проект ќе биде единствена можност во континуитет да се чуе нивниот “глас во медиумите“!
Испраќање на конкретни пораки и информации потребни на лицата од оваа социјално загрозена категорија ќе ја подигне и јавната свест за проблемите со кои се соочуваат овие лица, членовите на нивните потесни семејства т.е. лицата кои ги придружуваат.
ЦЕЛИ И РЕЗУЛТАТИ
Општа цел: Општата цел на оваа акција е подигање на јавната свест за проблемите и предизвиците со кои се соочуваат слепите и лицата со оштетен вид во општеството и нивното секојдневие!
Специфична цел/и:
- Информирање на слепите и лицата со оштетен вид;
- Информирање на општата популација за сите предизвици со кои се соочуваат слепите и лицата со оштетен вид во Македонија;
- Потикнување на институциите и локалната самоуправа во вклучувањето на оваа ранлива група при донесувањето на одлуки на државно или локално ниво;
РЕЗУЛТАТИ
- Релевантно, правовремено, масовно и редовно информирање на слепите лица и лицата со оштетен вид.
- Подигнување на јавната свест за проблемите со кои се соочуваат лицата со попреченост.
- Дирекна комуникација на лицата со попреченост со одговорните лица чии одлуки на државно и локално ниво можат директно да влијаат за олсенување на секојдневното функционирање на оваа ранлива група.
- Можност редовно и јавно да бидат искажани сите проблеми со кои се соочуваат овие лица.
АКТИВНОСТИ
- Во период од шест месеци, еднаш неделно, во времетраење од еден час, ќе се емитува специјална контактна радио емисија наменета за информирање на слепи и лица со оштетен вид, нивна заштита, проблемите со кои се соочуваат, технолошките достигнувања и уреди, апликации за секојдневна употреба за олеснување во нивната мобилност.
- Покрај водителот ќе имаме и редовен гостин од здруженијата кои од прва рака ќе зборуваат за своите актуелни проблеми и прашања, како и гости од локалната самоуправа (градоначалници, претседатели на совети на локалната самоуправа), ресорните министерства, офталмолози, психолози итн.
- Вкупно ќе бидат емитувани 26 емисии. За секоја емисија ќе биде подготвена посебна тема, која се однесува на проблемите со кои се соочуваат слепите и лицата со оштетен вид.
