Форум – Центар за стратешки истражувања и документација
Вкупен буџет: 4.020.984 денари
Времетраење: 10 месеци
Партнери:
- Здружение ИМПЕТУС – Скопје;
- Здружение на граѓани Центар за европски развој и интеграција – Битола;
Конституенти: Локални граѓански организации, локални медиуми и новинари
За проектот поддржан од Цивика мобилитас: Младински активизам против корупцијата
Опис на акцијата
Според последниот преглед на состојбата и динамиката на корупцијата во земјата објавен во Извештајот за проценка на корупцијата во Македонија на корупцијата се гледа како на најголем проблем за граѓаните, во споредба со уште 10 општествени проблеми (меѓу кои и невработеноста, високите цени, ниските приходи, сиромаштијата, криминалот, меѓу-етничките проблеми, загадувањето итн.)
Многу важни извештаи за Република Северна Македонија укажуваат на фактот дека не само граѓаните, туку и релевантните набљудувачи однадвор забележуваат дека борбата против корупцијата во земјата е голем предизвик. Последниот Индекс на перцепција на корупцијата на Транспаренси Интернешнл ја рангираше РСМ на 87-то место од 180 земји, а Извештајот за напредокот на Европската комисија за 2021 година забележа дека корупцијата е распространета во многу области и останува загрижувачка, иако е постигнат одреден напредок во превенцијата и борбата против корупцијата во РСМ. Последниот, како и многу претходни извештаи од ЕК, препорачуваат проактивен пристап од сите актери ангажирани во спречувањето и борбата против корупцијата.
Во таа смисла, од исклучителна важност е вклучувањето на актери од јавниот, приватниот и граѓанскиот сектор во заедничките напори за промена на размислувањето на граѓаните за спречување и борба против корупцијата во државата.
Цели и резултати
Општа цел на проектот: Зголемување на свесноста на младите луѓе за корупцијата
Специфична цел: Зголемување на капацитетите за активизам кај локалните граѓански претставници кои ќе спроведат иницијативи за борба против корупцијата на локално ниво
Резултати
- Обучени 80 млади луѓе (студенти, активисти, новинари, членови на граѓански организации и вработени во локалните самоуправи), подготвени со знаења и вештини за борба против корупцијата
- Спроведени 4 локални граѓански иницијативи за зголемена свесност помеѓу граѓаните за корупцијата и следење на коруптивни активности.
- Објавен јавен документ за борба против корупцијата со намена за застапување за поголема соработка помеѓу граѓанските организации и единиците на локалната смоуправа
Активности
- Четири фокус групи со 8 до 10 претставници на локалните младински здруженија, невладините организации, медиумите, локалната самоуправа и други важни локални и регионални засегнати страни на кои ќе се приберат податоци и гледишта за потребите на младите луѓе во таргетираните региони, што ќе влијае на програмите за обуките. Фокус групите ќе бидат организирани во Тетово, Штип, Битола и Скопје.
- Четири тридневни обуки за помлади учесници, на возраст помеѓу 18 и 35 години.
- Спроведување локални иницијативи. По завршувањето на обуката, учесниците ќе можат да го применат добиеното знаење и вештини во практиката и со поддршка од проектниот тим. Учесници ќе поднесат предлог за иницијатива која ќе биде оценета од проектниот тим. Искусен експерт за граѓански активизам ќе ги менторира при спроведувањето.
- Подготовка на анти-корупциски документ за политики. Членовите на проектниот тим и експерт за борба против корупцијата и експерт за локалната самоуправа ќе подготват документ за политики со кој ќе се промовира/врши застапување за поголема соработка помеѓу граѓанските организации и локалните власти.
