Здружение Прва детска амбасада во светот Меѓаши

Вкупен буџет: 2.833.977 денари

Период на реализација: 01.01.2026 – 31.12.2026 (12 месеци)

Специфична тема: Унапредување на дигитална трансформација

Партнери:

ИМПЕТУС Центар за интернет, развој и добро управување – Скопје

Конституенти: 

Деца, млади и нивните семејства, граѓански организации кои работат со деца, образовни и социјални институции, професионалци кои работат со деца и пошироката јавност заинтересирана за унапредување на правата на децата.

За проектот поддржан од Цивика мобилитас: Безбеден интернет простор за деца и млади

ОПИС НА АКЦИЈАТА

Акцијата е насочена кон унапредување и заштита на правата на децата преку јакнење на јавната свест, поддршка на институционалната одговорност и промовирање активно детско и младинско учество. Проектот комбинира истражувачки, едукативни и застапувачки активности со цел подобрување на системските механизми за заштита на детските права и поттикнување ненасилство, еднакви можности и активно граѓанство засновано на почитување на различностите.

ЦЕЛИ И РЕЗУЛТАТИ

Општа цел: Да се воспостави одржлив и интегриран национален сервис за безбеден интернет, кој преку мулти секторска соработка ќе обезбеди заштита, едукација и поддршка за деца и млади, придонесувајќи кон системска промена во дигиталната безбедност и зголемено граѓанско учество во креирањето политики..

Специфична цел:

1. Проширување и унапредување на сервисите за дигитална безбедност за заштита на деца и млади од интернет злоупотреби и насилство преку креирање на лесно достапен и препознатлив интернет простор кој ги содржи сите можности за превенција, пријава или советодавна поддршка.
2. Усогласување со европските начини на справување со дигиталните закани, преку отпочнување на процесите за креирање на првата хотлинија во Македонија.
3. Поттикнување интерсекторска соработка и застапување.

 РЕЗУЛТАТИ

1. Дигитално достапен сервис за пријавување Child Sexual Abuse Material (CSAM), прва психолошка помош на линијата за деца и млади „АлоБушавко“ и советување со унапредување на веб-страната „АлоБушавко“ со нови функционалности кои ги интегрираат можностите за заштита на едно место.
2. Отпочнати процеси за создавање на првата хотлинија во Македони
3. Зајакната мултисекторска соработка и известување за трендовите на насилство меѓу децата и млади во дигиталниот простор

 АКТИВНОСТИ

1. Работилници за промоција на детските права во дигиталната ера.
2. Унапредување и оперативно функционирање на доверлива телефонска линија за поддршка на деца, млади и родители во справување со дигитални ризици, предизвици поврзани со менталното здравје и случаи на сајбер насилство.
3. Пристапување до сервисите за поддршка на деца и млади за психолошка поддршка, советување и пријавување на материјали со сексуална содржина од деца преку надградба на постоечката веб-страна alobushavko.mk со нова веб-функционалност.
4. Изработка и дисеминација на полугодишни и годишни извештаи за функционирањето на доверливата линија „АлоБушавко“ за деца и млади, со цел информирање и вмрежување со релевантни јавни институции и партнерски организации.
5. Обука за заштита на лични податоци и дигитална безбедност за вработените во Прва детска амбасада МЕЃАШИ, со посебен фокус на операторите на СОС-линијата.
6. Изработка на прирачник за ризиците во дигиталниот простор, наменет за операторите на линијата „АлоБушавко“ за поефикасно пружање поддршка во случаи на дигитално насилство.
7. Дизајнирање, имплементација и евалуација на кампањи за подигнување на свеста во образовни установи, онлајн простори и медиуми, со цел зголемување на видливоста и употребата на доверливата линија „АлоБушавко“ за деца и млади.
8. Учество во национални и ЕУ платформи и работни групи за политики, следење на законски промени и усогласување со стратегии за заштита на децата во дигиталниот простор.
9. Изработка на сеопфатна физибилити студија со план за одржливост за воспоставување и континуирано функционирање на хотлајн.
10. Мапирање преку средби со претставници од државни институции, граѓански и бизнис сектор.
11. Мапирање преку фокус-групи.
12. Организирање годишна прес-конференција за презентирање на наодите од линијата „АлоБушавко“ за деца и млади, во рамки на одбележувањето на „Денот за побезбеден интернет 2026“.

ВЕБ СТРАНИЦА

https://www.childrensembassy.org.mk – Прва детска амбасада во светот Меѓаши

https://www.impetus.mk – ИМПЕТУС Центар за интернет, развој и добро управување – Скопје